|
|||||||
| علاج مرض الصدفية والامراض الجلدية ملتقى يختص بعلاج الامراض الجلدية ومرض الصدفية المزمن وآخر ما توصل اليه العلم حول هذا لمرض |
 |
|
|
أدوات الموضوع | انواع عرض الموضوع |
|
#1
07-04-2009, 03:36 AM
|
|||
|
|||
بدءت رحله العلاج اليوم ان شاء الله ابي تشجيع ونصايح ورد على استفساراتي
السلام عليكم ورحمه الله وبركاته
صراحه اشكركم كلكم لانكم بثيتوا امل فيني ان الصدجفيه لها علاج بعد احباط الدكاتره ما اطول عليكم انا مريضه بالصدفيه منذ طفولتي المبكره ولي 24 سنه ما اتذكر جلدي طبيعي المهم يوم سجلت بهذا المنتدى شجعتوني اتعالج بالفعل بدات في شهر ذو القعده استخدم فازلين وخلطه عطتني اياها وحده وبعدين وقفتها وبدات بصابونه كلارا .. وفازلين بفيتامين اي من شهر ذو الحجه بس ذبحتني ريحه صابونه ولدي كل شوي يقول ماما فيك ريحه وعقدني  وللحين الحمد لله القشره خافه كثير في جسمي يعني نسبه 50% تقريبا وصدفيه وجهي الحمد لله والشكر كان ما عندي بس يا ويل ما احط صابونه كلارا عليها ترجع يعني ويما فازلين مرتين بالاسبوع كلارا ومبسوطه وما شي حالي الحمد لله والشكر ولشعري جربت شامبو قالولي عليه البنات بالمنتدى ناسيه اسمه الحين بس يعني ما احس تحسن كثير لاني ما استخدمه على طول فهو ينشف شعري ويخليه خشن والقشره موجوده واحس بحرج لما تتنائر على البلايز قدام الحريم المفاجاه من شهر ظهرت لي صدفيه باماكن جديده وانقهرت لاني ما صدقت ان القشره تروح وقررت اني ابيدها قبل تكبر على الاقل احدد مكانها وسويت لي جدول عنايه خارجيه وداخليه الخارجي اولا خلطه الدهيميه مره يوميا بس من غير بول ابل ولو حصلتوا راح اجربوا فرحت البارح الصيدليه وشريت الزيوت من شركه وادي النحل لاني سمعت ان العطارين يغشون والافضل شراء الزيوت معلبه تعليب شركات لضمان الجوده وعدم الغش <<<<< وكانها انغشت وصراحه تحطمت ريحت زيت بذره الكتان كانه سمك معفن واللون اصفر على برتقالي يعني بني فاتح وزيت البابونج اصفروالخلطه لونها اصفر حلو بس الريحه ما عجبتني وللحين متقرفه احطها كل شوي ااخر الموضوع خاصه اني ارضع بنتي واخاف انها تقرف ولا يجيها شي من هالخلطه <<<<< ماتحب اي شي فيه ريحه تتوقون الحين راح تفيد معاي ولا لا ....؟؟ وهل كل مره احطها فيها لازم اتروش بصبونه الكبريت ( كلارا) لاني استخدمها مرتين بالاسبوع ومع هذه الريحه شكل ييوميا بليز افيدوني ياللي تعرفون وعندي سؤال مهم للي في الرياض ...؟؟؟؟؟ فين احصل صابونه كلارا لي شهر بادور عليها وما حصلتها اي الصيدليه مع الوصف ولا الرقم من فضلكم لان اللي عندي بتخلص ولقيت صباونه كبريت لون الكرتون اصفر تنفع ولا لا ....؟؟؟؟ ثانيا وناويه ادحر الشيطان:d اعمل ماء وخل تفاح بعد التشطيف زي ما اشار هجهوج وام ناصر ثالثا لشعر خلطت شوي زيت الكتان مع البابونج والخروع وباجرب مره اواثنين بالاسبوع لاني ما احب الزيوت رابعا ودي بالحجامه بس ياليت اللي يعرف وين بالرياض يدلني العلاج الداخلي بدات لي يومين فيه واحس بحرقان بالمعده وتاعبني ياليت تدلوني على شو هو سبب الحرقان 1-شرب ماء دافي مع عسل على الريق 2-وخذت اليوم 7 حبات حبه سوداء 3-بعد الغداء ببلع فص ثوم لاني شفتكم تمدحونه بس اليوم معي حرقان فضيع مدري من ايش حسيت فيه بعد ما اخذت العسل وزاد بعد الثوم 4- بعد العشاء شرب شاي اخضر بالبابونج 5- اكل تمر يوميا اقل شي 3 6- باخذ فيتامين كتبته لي الدكتوراه من زمان وقاطعته لاني ابي انحف وهو عباره عن مجموعه فيتامينات منها فيتامين د وب والله خلال هاليومين بس زاد وزني كيلو ونص  7- شرب كوب عرق سوس يوميا بس صراحه طعمه ما عجبني كانه ماء ملخوط بشويه سكر والطعم مره مو شي بالغصب تغصبت فيه البارح اشربه وووراه حبه حلاوة اضيع فيها الطعم اللي جربه بليز هل يضيف له سكر علشان يصير طعمه مقبول او لا ...؟؟؟؟ 8- دخلت السمك لغذائي مافي وصفات لفيليه السمك من غير قلي <<< ترجع سبب الحرقان من القلي 9-ودي بالسلطه بس مدري متى بادخلها ولكن هي في البال 1راح احط فيها( جرجير + بصل او كرات + فجل +رجله + خس + جزر) وايش رايكم فيها نزيد شي كمان؟؟؟؟ 10- اذا دعى الامر لما تجيني الحكه بلع حبه مر ه صغيره وهذه مو يوميا الله يعيني على زلطها هي والثوم توني قرات عن الخميره خاصه انها تنحف هاه شو رايكم ادخلها بعد مع الوصفه ولا يكفي  بس كيف طعمها ...؟؟؟؟ اخيرا انتهى جدولي ادعولي ان الله يجعل فيه الشفاء وياليت اجد اجابه على استفساراتي عندكم دمتم بخير 
|
|
#2
07-04-2009, 06:16 AM
|
|||
|
|||
|
رد: بدءت رحله العلاج اليوم ان شاء الله ابي تشجيع ونصايح ورد على استفساراتي
اسأل الله بمنه وكرمه ان يشفك شفاء لا يغادر سقما ويشفي جميع مرضى المنتدى والمسملين
اختى اضيفي الى برنامجك العلاج بقران عليك بالفاتحه وادعيه النبويه انا قلت لك اسهل شي علشان لا تتحججين انها تتنسى وهذا حالنا جميع استغفر الله اختى سوف اعود لك ان شالله واعلق على جدولك بتفصيل ان ششالله دمتي بحفظ الله ورعايه
|
|
#3
07-04-2009, 03:09 PM
|
|||
|
|||
|
رد: بدءت رحله العلاج اليوم ان شاء الله ابي تشجيع ونصايح ورد على استفساراتي
السلام عليكم
نسأل الله الشفاء لكِ ولمرضى المسلمين اللهم آمين بالتوفيق أن شاءالله
__________________
قال تعالى : (وَلَنَبْلُوَنَّكُمْ بِشَيْءٍ مِّنَ الْخَوْفْ وَالْجُوعِ وَنَقْصٍ مِّنَ الأَمْوَالِ وَالأنفُسِ وَالثَّمَرَاتِ وَبَشِّرِ الصَّابِرِينَ)
|
|
#5
07-04-2009, 06:28 PM
|
||||
|
||||
|
رد: بدءت رحله العلاج اليوم ان شاء الله ابي تشجيع ونصايح ورد على استفساراتي
هلا عزيزتي صديقة الصدفية انصحك لاتصادقها تراها خاينة وماتستاهل احد يصادقها  وبعدين يالغالية جربي خلطة الدهيمية مع كمالياتها يعني الزيوت والسلطة وشامبو سيبورال وذا تماموش واصلي واذا لا غيري بعد فترة اقل شي شهرين وعندك خلطة الباشا هجهوج طيبة ونتائجها اوكية بس انا جلدي حساس استخدمتها شهر وعشرة ايام وكانت النتيجة عكسية اشربي ماء زمزم وكلي التلبينة مع العسل مرة طيبة اهم شي ياغلاتي لاتعصبي ولاتفكري كثير مو جايب اخرتنا ومدمرنا الا العصبية الزايدة وختام لي عودة للتعقيب عالموضوع في امان الله
|
|
#6
07-04-2009, 07:48 PM
|
||||
|
||||
|
رد: بدءت رحله العلاج اليوم ان شاء الله ابي تشجيع ونصايح ورد على استفساراتي
الله يوفقك وتتشافين ....بس استمري العافيه يبغالها اقل شي شهر يالله تبين نتايجها
وانتبهي عيالك لا يغثونك وتعصبين وتخربين كل الي تسوينه ...وسعي صدرك وانتي بتشوفين العافيه
__________________
الحمدلله إنها صدفيه  الحمدلله إنها صدفيه مو شي ثاني الحمدلله إنها صدفيه مو شي ثاني يمنعنا من السعادة
|
|
#7
08-04-2009, 12:43 AM
|
|||
|
|||
|
رد: بدءت رحله العلاج اليوم ان شاء الله ابي تشجيع ونصايح ورد على استفساراتي
هلا والله بكم جميعاااااااا
شكرا على التشجيع نجمه الملتقلى شكرا على النصيحه الثميه وان شاء الله انفذها واصلا نويت نيه والله يقدرني انفذها اني اقرا فوق المرهم والزيوت اللي ابي استخدمهم ليبارك لي الله في العلاج بسمه خلطه الدهيميه فيها سلطه بس فيها حلبه والحلبه تتخن ما ابيها عموما شكلي وغصب عني بادخل السلطه رغم اني ما احب الخضار بس اليوم رجعت من عند الدكتورة وقالت لي ان عندي كسل بالغده الدرقيه ولازم اكثر خضار وفواكه وانا مو صديقتهم بالنسبه للشامبو ما قدر قرات عنه مدري كيف تهت عن اسمه بس يخلص الدو كراي اللي عندي باستخدمه باذن الله بالنسبه لخلطه هجهوج يختي خل التفاح خلاني كاني معسل خخخخخخ يوم تشطفت فيه وما عجب ابونا خخخخخ لا لا خلطه الدهيميه كانها خفت شوي الريحه وتقبلتها ابشركم التلبينه شريتها اليوم وان شاء الله باجربها بادور على طريقتها في المنتدى وباسويها ان شاء الله مع انه مكتوب على العلبه الطريقه بس مكتوب لبن مغلي هل يقصد حليب...؟؟  ازيرا عاد العصبيه لابد منها عندي توم وجيري طول الوقت زيهم يتهاوشون ويتطاقون ويبكون وبعد شوي يدورون بعد ولا كانه صار شي بس رفعوا ضغطي بالنسبه للاستمرار على العلاج حاطه في بالي 40 يوم وربما شهرين الله يقدرني اواصل يارب علشاني ملوله اخباري البارح قبل لا انام حطيت الخلطه الدهيميه واليوم تروشت منها وتشطفت بالاخير بماء وخل تفاح صراحه حست جسمي يحرقني مدري هي من العصبيه ولا من الخل باجرب كمان لو استمر الحرقان بابطله واليوم وصفت لي الدكتورة بسبب كسل الغده حبوب كالسيوم مع فيتامين د وكتبت لي الاوميغا 3 واشتريتها الحمد لله وزعلانه لاني ما بقدر احط خلطه الدهيميه بكره وبعده لظروف بس ان شاء الله باستعمل فازلين بفيتامين اي بدالها واحالو امشي على العلاج الداخلي ادعولي وشكرا لكم جميعا ا لردودكم وعاد لا تنسون الاستفسارات الله يرضى عليكم دمتم بخير
|
|
#8
09-04-2009, 12:49 PM
|
||||
|
||||
|
رد: بدءت رحله العلاج اليوم ان شاء الله ابي تشجيع ونصايح ورد على استفساراتي
يا مرحبا فيج اختى العزيزه أنصح استخدمي خلطة الدهيمه أكثر من مره باليوم بس مستغربة تقولين الريحه عادى متقبلينها اذا صدفيتك كثير كافحيها بصابونة كلارا أو الكبريت ممتازه وابتعدي عن العطور وشامبو الجسم والخلطات اللي خبرك وبالنسبه للشعر عزيزتي عندكم زيوت القريشي جدايل خذيهم الاربعه وخلطي معهم بارشوت الذهبي لونه أزرق وحطي فصت ثوم وخليها لمدة يومين بعدين شيليها راح تخف منك القشور وابسصم بالعشره واتمنى تجربينها وتقولين نتايجها انا كنت يوم من الايام القشره الله يسلمك على الكتف فوق العبايه بس من استخدمت هالزيوت ارتحت كثير وماراح تشوفين قشور متناثره وما تشوفين شر وفالك العافيه
__________________
 يارب اشفينا وارفع عنا البلاء ياكريم يارب العالمين
|
|
#9
09-04-2009, 04:31 PM
|
|||
|
|||
|
رد: بدءت رحله العلاج اليوم ان شاء الله ابي تشجيع ونصايح ورد على استفساراتي
عزيزتي صديقة الصدفيه
1-انتبهي زيت الكتان له رائحه قليله جدا ومريحه اما عندما يفسد فان رائحته كما تصفين زنخه وكانه رائحة السمك واحب ان اقول 2-المهم ان تستخدمي صابون مفيد للصدفيه لاتهتمي كثيرا بالاسماء المهم اللي ترتاحين لها ولتكن محتويه على بعض المواد المفيده للصدفيه 3-اتاكدي من خل التفاح وان نوعية جيده وطبيعي ميه بالميه 4- وصفتك جيده للراس لكن من رائي ان تزيلي القشره اولاباستعمال الديبروسالك ثلاثة ايام ثم يوم ديبرو ويوم زيوت ثم زيوت فقط وكل اسبوع مره ديبرو بشكل وقائي هذا رائي 5- الماء على الريق مفيد جدا حتى بدون عسل تخلصك من السموم شرب الشاي الاخضر والبابونج مفيد ايضا وايضا العرق سوس مفيد اما الثوم بعد الغذاء اكيد يضيق خلقج ونفسيتك تتاثر اتركيه واخذي بدلها اوميغا3 6- لاتنسين الخميره قبل الاكل تنحف وبعد الاكل تسمن 7- حبيبتي الفازلين لاتتنازلين عنه وحطيه ولو خفيف دائما على الصدفيات وانشاء الله نسمع اخبار حلوه
|
|
#10
10-04-2009, 02:44 AM
|
||||
|
||||
|
رد: بدءت رحله العلاج اليوم ان شاء الله ابي تشجيع ونصايح ورد على استفساراتي
ماشاء الله برنامج متكامل واصلي والله يحميكي
وانتبهي تنقطعين والله يشفيك
__________________
سبحان الله وبحمده سبحان الله العظيم
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
|
|
|
Powered by vBulletin V3.8.5. Copyright © 2005 - 2013, By Ali Madkour |
العرض العادي
