صابون طبيعي للصدفيه من غير كيماويات

[أم ناصرررر]

السلام عليكم ورحمة الله وبركاته
شلونكم جميعا من اعضاء وزوار واصحاب المنتدي الطيب عساكم جميعا بخير
اولا ابارك لكم بحلول عيد الاضحي المبارك وكل عام وانتم بخير
اخواني كعادتي لم اتغير علي اهلي في المنتدي اللي مانصبر عنه حتي لونغيب لابد نرجع له
متشوقين وليس لنا غنات عنه
سامحوني علي التقصير الله يعلم بالضروف اللي شاغلتني عن النت
بس الحمدالله علي كل حال
صدوفه اخر اخبارها معي مد وجزر شهر اوك واشهر نو اوك الحمدالله
جايبه لكم طريقه حلوه عسي ان تستفيدو كما استفدت باذن الله
وهي طريقه عمل صابون للجسم
المكونات
1- صابون غار عدد 2
2- صابون كبريت عدد 2 ان كانت حجم وسط اماكبيره 1 تكفي
3-بابونج ازهار الصفرا
4-زيت بذرة الكتان
الطريقه
اخذ كميه من البابونج ووضعه مع قليل من الماء فوق النار حتي يغلي
قليلا بعدين تصفيته
وبشر جميع الصابون ووضعه فوق ماي البابونج وخذيت كميه من زيت بذرة الكتان
وشويه من بابونج اللي صفيته طبعا يكون فيه بابونج مثل البودر اللي بالمصفات ان شاءالله وصله الفكره
وخذيت الكميه وحطيتها بخلاط الكاس ووضعت شويه زيت زيتون حتي اصبح لدي صابون سايل
اخذت قالب القصدير وحطيت الخلطه ووضعتها بالثلاجه حتي تبرد قليلا
قلت يمكن يتماسك شوي وفعلاتماسك ليس كثيرا
له طريقتين اما تحطونه في قالب القصدير او تخلونه بعلبه يصير معكم مثل السنفره
والله يخواني وخواتي روعه عليه شويه فعلا صدوفاتي نشفهم شوي وقلة الحكه
بس لاتخافون اذا شفتو صدوفات لونها حمرا اعزكم الله بالحمام هذي ردت فعل لها
بعد الشور لابد ترطيب طبعا بفازلين خلال كم شور راح تشوفون صدوفه باباي راحت
اتمني انكم تسون لكم صابون طبيعي خالي من العطور ونفس الوقت نستفيد منه
الحمدالله علي كل حال والله يشافينا جميعا وياجرنا علي ما احنا فيه
اتمني لكم الشفاء جميعا