هل الحكة طبيعية عند العلاج بقطران الفحم الحجري

[تفائلو]

السلام عليكم ورحمة الله
هل الحكة طبيعية أثناء العلاج بالقطران
للمعلومية لي 22 يوم تقريبا من بداية العلاج ولله الحمد الأمور نقول ان شاء الله زينة
القشور صارت اقل سماكة الصدفية اقل واصبحت متساوية تقريبا مع الجلد الطبيعي
اسمرار مقبول
بس الحكة تضيق الصدر أحيانا وأنا نايم اقوم منها
انا اشرب عصير اساي من أسبوع واكل حبوب اوميغا 3يوميا
نسيت حاجة وش رأيكم يا احبابي بقطران آدمه (الرياض) لأني استخدمه وحسيت كذا انه خفيف والا أنا واااهم

[reem50]

هل تستخدم المرهم مع القطران وهل تضع قطران على القطران السابق عند الشعور بالحكه .... وقطران ادمه جيد

[تفائلو]

المشاركة الأصلية كتبت بواسطة reem50

هل تستخدم المرهم مع القطران وهل تضع قطران على القطران السابق عند الشعور بالحكه .... وقطران ادمه جيد

نعم استخدم المرهم يومياً تقريباً والقطران احطه فوق القطران وبعدها بكم ساعه احط مرهم وطريقتي كذا
اضع القطران على مكان الصدفية بالأعواد الخاصة بالمكياج او التي يستخدمه بعض الناس لتنظيف الأذان يعني اغمس القطن في المحلول واضعه على مكان الصدفية
مرة في اليوم وأحياناً قليلة مرتين بين كل مره وأخرى 12 ساعة تقريباً
المرهم اضعه فوق القطران مباشرة واتركه حوالي 8 ساعات والغالب اني انام فيه :d
والصبح أو العصر اتسبح (اغسل جسمي كله) واتركه ينشف ساعه تقريباً واحط قطران وهكذا
كيف شغل عدل والا لا ؟

[جودينا]

المشاركة الأصلية كتبت بواسطة تفائلو

نسيت حاجة وش رأيكم يا احبابي بقطران آدمه (الرياض) لأني استخدمه وحسيت كذا انه خفيف والا أنا واااهم

اللي من جد خفيف هو حق التسويق اما ادمه فهو جيد
مع اني مادري انت كيف عرفت انه خفيف؟؟؟ قارنته بنوعيه قطران ثانيه والا من خلال النتيجه؟؟؟

[بوسطن]

ننتظر نتائج العلاج وربي يشفيك

[تفائلو]

المشاركة الأصلية كتبت بواسطة جودينا

اللي من جد خفيف هو حق التسويق اما ادمه فهو جيد
مع اني مادري انت كيف عرفت انه خفيف؟؟؟ قارنته بنوعيه قطران ثانيه والا من خلال النتيجه؟؟؟

حكمت عليه من خلال اللون فاتح كثير وما يحرق لما احطه على الجلد

المشاركة الأصلية كتبت بواسطة بوسطن

ننتظر نتائج العلاج وربي يشفيك

ان شاء الله خير والله يشفينا وجميع مرضى المسلمين

[جودينا]

المشاركة الأصلية كتبت بواسطة تفائلو

حكمت عليه من خلال اللون فاتح كثير وما يحرق لما احطه على الجلد

حتى انا ما حرقني يعني ماحسيت باللسع البسيط اللي يقولونه في اول خمس دقايق من الدهان
اما اللون لو حطيته جنب حق التسويق بتلاحظ لونه اغمق وبعد المحلول نفسه اثقل من حق التسويق

[تفائلو]

المشاركة الأصلية كتبت بواسطة جودينا

حتى انا ما حرقني يعني ماحسيت باللسع البسيط اللي يقولونه في اول خمس دقايق من الدهان

اما اللون لو حطيته جنب حق التسويق بتلاحظ لونه اغمق وبعد المحلول نفسه اثقل من حق التسويق

ممكن كل شىء جائز
اقول أنا الى الآن وفيه بعض الصدوفااات معاندة في سيقاني واذا نشف القطران يطلع مكانها مثل القشرة بس مو مثل أول تجي ناشفه وما تنقشع هل الوضع كذا عادي

[reem50]

السيقان دائما تتاخر بسبب ان الجلد مباشرة على العظم والامتصاص للقطران قليل

[تفائلو]

صحيح احس العظم قريب مررره