ساعدوني زفافي قريب والصدفية مازالت. انا من ليبيا

[جادالله]

السلام عليكم اخوتي في الله
انا جديده في المنتدى وأملي في الله بالشفاء تم فيكم.
اريد طريقه تشفيني والشافي الله بإذن الله.
قريب طريقه د.قيس بس مااعرف اين اجد هذا القطران في ليبيا ومن يعمل لي المرهم..
ياريت اي احد من ليبيا يعرف يتعامل معاي عالايميل الخاص ويدلني او عطوني اي طريقه ان شاء الله تشفيني والحمدلله علي كل شي

[reem50]

اهلا جادالله بك معانا فقط اكتبي لنا عن صدفيتك نوعها ومساحتها واماكنها
وباذن الله الاخت فيروز والاخ محمد الدباغ من ليبيا يساعدوكي المرهم سهل من الصيدليه فقط احصلي على القطران والباقي سهل ان شاء الله وتكوني اجمل عروس

[جادالله]

المشاركة الأصلية كتبت بواسطة reem50

اهلا جادالله بك معانا فقط اكتبي لنا عن صدفيتك نوعها ومساحتها واماكنها
وباذن الله الاخت فيروز والاخ محمد الدباغ من ليبيا يساعدوكي المرهم سهل من الصيدليه فقط احصلي على القطران والباقي سهل ان شاء الله وتكوني اجمل عروس

اهلين فيك اختى ريم والله يسمع منك يارب ادعيلي
ياريت فيروز واخ محمد يكونو قعدين مداومين عالمنتدى
وانا صدفيتي بالراس وبالظهر في ممكن 5 نقط وفي الجنب في نقط صغيره وفي الساقين والفخد في نقط صغيره مبعتره انا اول مره في هالشتاء تنتشر بي هالشكل..
وكدلك عندي سؤال هل اختي فيروز واخي محمد شفو تماما من الصدفيه.
انا متفائله جدا

[فيروز البحر]

اهلين اختي جاد الله ولله ودي اساعدك انا استعملت قطران حضروه ليه بصيدليه ببنغازي اسمها صيدلية الجبل وتقع في منطقة السلماني وتحسنت حالتي كثير معضم الصدفيه راحت بفضل من الله لاكن اكتشف انو القطران صناعي وليس طبي مع اني تشافيت بيه وما اعرف شو اقولك اخاف تستعمليه ومايفيدك

[جادالله]

مشكوره اختى فيروز
لكن مايوجد في طرابلس والا ماسألتي؟ انا اسكن في طرابلس وماعمري سمعت بيه.
شن هيا مضاعفاته لو استعمله؟ وان شاء الله ربي يشفيني يارب

[الزهور الحمراء]

الله يشفيكي يا رب

[اثير الدين]

المشاركة الأصلية كتبت بواسطة جادالله

مشكوره اختى فيروز
لكن مايوجد في طرابلس والا ماسألتي؟ انا اسكن في طرابلس وماعمري سمعت بيه.
شن هيا مضاعفاته لو استعمله؟ وان شاء الله ربي يشفيني يارب

اختي لو تعرفي احد متواجد في بريطانيا ممكن يبعتلك القطران يكون افضل

والا ممكن احد من بنغازي وتتحصلي على قطران الاخت فيروز مع انه غير طبيعي

مع ان هذا يأخد وقت ، ممكن تأخدي العلاجات الطبية الآن الى حين الحصول على القطران

انا اجلت علاجاتي حتى اتحصل عليه والآن ترطيب بفازلين و استخدم ديبروساليك اذا حسيت انها زادت يساعدني ذلك أن صدفيتي بسيطة وغير منتشرة بكثرة في الجسم يعني أكثر شئ بفروة الرأس
بنسبة لطرابلس بحثت عن القطران ولم اجده
بنسبة للمضاعفات القطران ما أظن عنده مضاعفات وحسب الاخوة اللي جربوه

واسأل الله لكي الشفاء

[جادالله]

مشكورين جميعا.
اخي اثير وفي بريطانيا وين موجود والا اي صيدليه يكون فيها؟ وماجربت بدر الكتان هلبا يشكرو فيه شو رايكم اجربه ؟
وانا زيك اكثر شي بالراس والجسم مش هلبا ..
ادعولي ربي يخفف عليا والحمدلله علي كل شي

[اثير الدين]

المشاركة الأصلية كتبت بواسطة جادالله

مشكورين جميعا.
اخي اثير وفي بريطانيا وين موجود والا اي صيدليه يكون فيها؟ وماجربت بدر الكتان هلبا يشكرو فيه شو رايكم اجربه ؟
وانا زيك اكثر شي بالراس والجسم مش هلبا ..
ادعولي ربي يخفف عليا والحمدلله علي كل شي

اختى هو القطران البريطاني هو أكثر شئ استعملوا الاخوة والاخوات
هو اصلا بريطاني يعني اكيد موجود عندهم ، لكن يقال انهم لا يعطونه إلا بوصفة
راجعي هناك مواضيع عنه مثبته في هذا القسم وهناك صورته ونسبته ومعلومات اخرى
بنسبة للكتان استعمال داخلي انا استعملته لفترة مع بذور الكرافس و زنجبيل وصفة الدكتور عبدالباسط السيد ولكن ما استمريت عليه وحتى دهان الخارجي بزيت الكتان ما استمريت عليه لأنه ما كانت فيها نتيجة واغلب الزيوت مغشوشة الا مارحم الله
ولكن ممكن احد من الاعضاء يقولك على بذور الكتان اكثر مني
انا حاليا افكر اداوم على زيت الكتان مع زيت الصبار لفروة الرأس لعل تخف
ونسأل الله لك الشفاء ولباقي المصدوفين

[جادالله]

المشاركة الأصلية كتبت بواسطة اثير الدين

اختى هو القطران البريطاني هو أكثر شئ استعملوا الاخوة والاخوات
هو اصلا بريطاني يعني اكيد موجود عندهم ، لكن يقال انهم لا يعطونه إلا بوصفة
راجعي هناك مواضيع عنه مثبته في هذا القسم وهناك صورته ونسبته ومعلومات اخرى
بنسبة للكتان استعمال داخلي انا استعملته لفترة مع بذور الكرافس و زنجبيل وصفة الدكتور عبدالباسط السيد ولكن ما استمريت عليه وحتى دهان الخارجي بزيت الكتان ما استمريت عليه لأنه ما كانت فيها نتيجة واغلب الزيوت مغشوشة الا مارحم الله
ولكن ممكن احد من الاعضاء يقولك على بذور الكتان اكثر مني
انا حاليا افكر اداوم على زيت الكتان مع زيت الصبار لفروة الرأس لعل تخف
ونسأل الله لك الشفاء ولباقي المصدوفين

اخي انا شكرولي زيت السمسم مع الزنجبيل للشعر كويس وجربته وكان كويس جدا لكن عند التوقف عليه ترجع لكن نتيجته حلوا وهوا انك تخلط في كاس شاي فيها زيت سمسم مع 2ملاعق صغيره زنجبيل وانا في الوقت الحالي ناخد في ملعقه عالريق من بدور الكتان وبدهن بالزيت ليا 5 ايام حسيت بتحسن 5% يعني بسيط لكن هذا مايسمى بالعلاج البطي وحنستمر ومن الله الشفاء واي استفسار انا جاهزه وانت اي نتيجه تتوصلها ياريت تقولي عليها ومشكور أخي بارك الله فيك