تجربة مع الاكزيما والكريمات المناسبة (للبنات والفائدة للجميع)

[سامية الحرف]

السلام عليكم ورحمة الله وبركآته ..

اسمحوا لي هالموضوع جآء ع السريع ..
رح اتكلم معكم عن بعض الأشيآء الي تخص البشره الحسآسه والي عندهم اكزيمـآ ..وعن تجربتي مع الليزر ..

في البدآيه راح اتكلم عن الي يعانون من الحكه ’الاكزيمآ</B> ’ .. طبعا الأكزيمآ درجات منهـآ خفيف ومنها المزمن .. ويختلف مكانها بالجلد .. فيه بفروه الراس والظهر واليدين والجسم كله وغيره من منآطق الجسم ..فيه اشياء تهديها واشياء تهيجها ..
اي شخص يعاني من الأكزيما .. يحتاج جسمه الى الترطيب ثم الترطيب ثم الترطيب وخصوصا بكريمات غير معطره ..عشآن تخف الحكه ..وفيه حبوب تخفف الحكه بس ماانصح فيها.. وافضل شي يابنات بعد الشاور تدهنين جسمك بفازلين لو ماتبين فازلين فيه حلول ثانيه ترطب وتعالج وتفتح بشرتك.." راح احط صور لكل الكريمات" .. بالاضافه الى عدم لبس الصوف مباشره على الجلد .. عدم التعرض المباشر لاشعه الشمس او الجلوس في اماكن مو مكيفه .. مانرش العطر مباشره على الجلد .. مانلبس ملابس ضيقه مره مثل الجينز خصوصا اذا كان الجو حار ..الي عندهم اكزيما بالشعر ..مايستعملون اي شآمبو فيه شآمبو خاص + علاج رائع بخاخ خفت معي لما بديت استعمله ولما تركته رجع نفس اول ..



\

اول شي .. انا عندي اكزيمآ خفيفه بفروه راسي .. رحت لدكتوره جلديه واعطتني شآمبو . + بخاخ
البخاخ ابخ منه بعد كل شآور ..4 بخات .. والله كان روعه بصراحه فقدت الحكه والجروح الي براسي الحمدلله .. لانها بالحر تزيد مره ويعورني راسي احيانا لما امشط شعري بسبه هالاكزيمآ ..
البخاخ خلص من فتره ومااشتريت منه عشآن كذا ماعندي صوره ..


كمان الأكزيما كانت في ظهري .. وحاله ظهري كانت كسيفه جدآ .... المهم برضو رحت لطبيبه جلديه وعطتني كريمات .. جلست سنه كامله وانا اعالج ظهري بعد سنه طلعت النتايج والحمدلله كانت مرضيه جدا مآشآءالله وخفت الحكه واللون الأسمر راح وصار ظهري طبيعي مثل كل الناس ولله الحمد ..
الدكتوره اسمهـآ أمنه الشريف في مستشفى الحبيب ..

كانت تنصحني بالترطيب لان بشرتي جافه جدا ..

تجربتي مع الليزر ..
سويته في المركز الاستشاري عند الدكتوره هآله ..اول يسوون لك تيست يشوفون بشرتك اذا يناسبها الليزر او لا .. والموعد الثاني يحددون ..
شلت الشعر من بشرتي.. النتيجه من اول مره كويسه .. بس للاسف الى الان ماكملت الجلسآت بس انصحكم تسوون ليزر وافتكوا من الحلاوه وبثارتها
.. والمركز الاستشاري دآئمآ يسوي عروض خصم 50% يعني الجسم كامل بـ 2000 وقبل كان بـ 4000 ..عرض مره حلو .. والرتوش مجآنيه
ومركز الزلال عندهم ليز المنطقه الحساسه خدمه ذآتيه .. يعني انتي تشيلين لنفسك .. هم يعلمونك كيف تسوينه .. انا سويته عندهم ..الجلسه الوحده بـ 500

\

فيه كريمات كويسه استخدمتها لبشرتي وحابه افيدكم .. بس اسألو طبيبه الجلديه قبل ماتستخدمون اي شي لان البشرات تختلف عن بعض .. طبعـآ ولو ناسبتني يمكن ماتنآسبك انتي .. فـ الافضل تشآورين طبيبتــك ..

راح ابدا بالغسول الصبآحي ..



على اليمين الغسول استخدمه الصبح والمسآء ..الي جنبه كريم يطلع الرؤس السودآ .. استخدمه قبل النوم .. والي جنبه احطه على حبوب طالعه تحت عيني تشبه الثوآليل بس اخف وهذي اسمها حب شباب غير حب الشباب الي نعرفه .. المهم هذا شي يخليها تروح بإذن الله ..
اما اخر شي ع اليسآر هذا كريم تفتيح للمنآطق الدآكنه .. مفاصل يدك او حوالين شفايفك او ركبتك او اكواعك اي مكان تبين ..




\




نجي لاغراض الشآور .. الي ع اليمين شآور جل .. يرطب الجسم وريحته طبيعيه .. اما الثآني شآمبو ويجي منه شآور جل مره حلو ..


\




بعد الشآور كلنآ نستخدم هذا الشي .. طبعا خذي شي غير معطر .. اخذته من بودي شوب ..
\




بعد كذا نبدأ بترطيب البشره .. اختاري الي تبين من الصوره الي فوق .. اول واحد زبده شيآ+ زبده الكاكاو من بودي شوب .. مش بطال
الثاني زبده شيـآ خام ريحتها مو حلوه .. حطيها اذا ماكنتي بتطلعين وخصصي لها بجامه خاصه اكمامها طويله لانك لو غسلتي البجآمه ماراح تروح ريحتها .. غير كذا مره ممتازه للوجه وترطب البشره ولها فوائد كثيره خصوصا للاكزيما .. وجربت مره حطيتها بشعري .. روووووعه عطته لمعه وحيويه ..
اليبوبيز : كريم مرطب غير معطر


اخر شي كريم لليدين من بودي شوب بزبده الشيـآ ريحتها كويسه ..



\



هذـآ الكريم روووعه من لينو بزيت الزيتون .. مرطب قوي ويعالج الحساسيه .. امي عندها حساسيه بأصابعها وارتاحت مع هذا الكريم .. وانا ادهن جسمي كله به .. فيه منه حجم صغير




الكريم الاول مرطب للجلد ممتآز جدا غير معطر ..
الثآني كويس بعد ..ريحته تجنن .. ريحه البيبيات ..


اغلب الاشياء من صيدليه الحبيب ..
وهذا كل الي عندي .. اتمنى من كل قلبي انكم تستفيدون من الشي البسيط الي قدمته لكم ..
واعذروني موضوعي جدا سريع


منقول

ما قرأته

فرجاء لو فيه شيء غلط يعدل من المشرفين والمراقبين

[reem50]

هناك حكه وقشره خفيفه جدا تظهر عند البعض في قروة الراس وهي ليست اكزما ولاصدفيه بل تسمى التهاب الغدد الدهنيه المزمن وحبيت اقول عن شيء جربته احدى الاخوات وفادتها كثير
والعلاج اسبوعيا تدهن مره وحده زيت الخروع يسخن ونضع فيه الخواجوا او تاخذزيت الزيتون او زيت السمسم اي احد الزيوت مع الخواجوا وبعدها ترتاح من الحكه والقشره

[سامية الحرف]

بارك الله فيك

[abo.alfars]

الله يشفيك ويشفينا ويشفي مرضى المسلمين اجمعين يارب
ويعطيك العافيه على المعلومات الاكثر من رائعه
عندي ولدي الله يحفظه عمره اربع سنوات ونص عنده اكزيما بخديداته سبحان الله احط عليها فازلين وتختفي لكن من بكره وترجع له
وشتنصحيني استخدم له اذا ماعليك امر

[سامية الحرف]

جزاك الله خير الله يشفيه والحمد لله هي تختفي شوية بس صراحة ما عندي فيها فكرة زي ما أنت شايف موضوعي منقول

فيك تنتظر الرد هنا أو تحط سؤالك بقسم الاكزيما

الله يرحم سلطان

[سامية الحرف]

ولا تنسى فكر في أسباب رجعتها أكل معين أو عطورات تزيد تهيجها أو ممكن مع الجو

[abo.alfars]

الله يعطيك العافيه ياعبير
بالنسبه للاكل ماحرمه من شي حبيبي الله يخليه ويخلي اخته بعد
اما العطور على الملابس بس
لكن ادعوا الله عز وجل انه مايشوف اللي شفته الحمد لله

[سامية الحرف]

لا لو جت عالصحة لازم تحرم حبيبك وحبيب حبيبك
ترى العطر ممكن يكون من النوع النفاث يتطاير من على الملابس ويحسس بشرته

الله يشفيكم والله يخليهم لك وما تشوفون شر

[abo.alfars]

اللهم آمين والشر مايجيك يارب
بالنسبه للعطر استخدم عطور اطفال وريحتها مره خفيفه
اعذريني غثيتك

[reem50]

المشاركة الأصلية كتبت بواسطة abo.alfars

الله يعطيك العافيه ياعبير
بالنسبه للاكل ماحرمه من شي حبيبي الله يخليه ويخلي اخته بعد
اما العطور على الملابس بس
لكن ادعوا الله عز وجل انه مايشوف اللي شفته الحمد لله

كان عند حفيدي هذه الحاله واختفت بعمر سنتين وظهرب بين الثنايا لكن خدوده سليمه الان وهي عنده وراثيه منذ الولاده خفيفه تعالجه والدته بالمرطبات