أبشروا يا ثوار سورية...

[أبومحمودالسوري]

بسم الله الرحمن الرحيم
أبشروا يااهلنا في سورية...
ان نصر الله قريب باذن الله عز وجل ويحتاج لقليل من الصبر والثبات لاكتمال الثورة المباركة باذن الله
واخوتكم المسلمين في كل مكان لاينسوكم من الدعاء وهو اقوى سلاح لمجابهة هذا الظالم...
وهذا دعاء مؤثر جداً للشيخ إدريس أبكر لسورية وأهل سورية...

دعاء الشيخ إدريس أبكر لسوريا - مؤثر

وهذا دعاء للشيخ محمد العريفي لسورية وأهلها..
دعاء الشيخ محمد العريفي لأهل سوريا / مؤثر ومبكي

وابشروا فهذا دعاء لامام الحرم المكي الشيخ ماهر المعيقلي يدعو الله لاهل سورية الجريحة...وجموع المصلين في الحرم المكي يقولون آمين...
ونقول نحن آمين ....آمين.. اللهم استجب دعاء المضطر اذا دعاك...
إمام الحرم المكي الشيخ ماهر المعيقلي يدعو لأهل سوريا

[ورد جوري]

وكلنا ندعو لكم اهلنا في سوريا
في كل يوم في الثلث الاخير من الليل لكم دعوة صادقة نابعة من قلوبنا
نسأل الله ان يستجيب دعواتنا ويفرج عنكم وعن كل المسلمين المظلومين والمستضعَفين

[أمة_الله]

السلام عليكم ورحمة الله وبركاته
جزاكم الله خيرا أخونا الفاضل أبو محمود السوري
وإن شاء الله النصر لجميع إخواننا في كل البلدان الإسلامية يارب
وربي يتقبل دماء الشهداء منهم يارب
في حفظ الرحمن

[بنوتة سوريا * نورة]

بارك الله فيك أخي
ان شالله نصرنا قريب بعد ما امريكا تتركنا وتعتقنا بافكارها وبتحريضها
بس على كل حال الدعاء كتير مؤثر بارك الله فيك اخي
واختلاف وجهة الانظار لا يعني اننا لسنا اخوة بالله..

[دمدوم القمر]

السلام عليكم
الله يجزيك الخير أخي و ابن بلدي أبو محمود والله يفرج علينا و يريحنا نصرنا قريب بإذن الله

[@أبو الوليد@]

الله ينصر اهلنا بسوريا على الظالمين

[القلب السمـح]

بسم الله ارحمن الرحيم
والصلاة و السلام ع سيد المرسلين
اخي الكريم
بارك الله بك وبطيب اصلك لكم تسعدني مشاركات اخوتنا السوريين في ملتقانا

الانسه البنوته الاسديه نورا :في سؤال عم بدور براسي من يوم ما شاركتي بالمنتدى لهلا وما عم اعرف جوابو فلو تتفضلي وتجاوبيني بكون ممنونه الك؟؟
اولا :انتي عم تقولي انوا انتي تلميذة الاستاذ يحيى حوى ما هيك؟؟
خيتو ع اي اساس بانيه هل شي
انا بعرف انو الانسان بيعجب بالاخر من خلال تصرفاتو قيمو ومبادئو هيك ع حد علمي وانت
يعني والله ما عم استوعب شلون انجمعو التنين معك

تانيا:عم تقولي نصرنا قريب بعد ما اميركا تعتقنا ؟؟؟
صراحة ضحكني هل جواب لش ايمتى اميركا بتعتق الواحد
تالتا:عم تقولي اختلاف وجهات النظر لا يعني انو نحن مو اخوة بالله؟؟؟

كلام حلو كتير كتير لما بيكون التنين ع صح ...او وجهة نظر ما بتضر التانيه
بس يا انسه هل وجهات
فيها ارواح ...فيها دماء...فيها عيل عم تتشرد ...فيها جرائم عم ترتكب...فيها بنات عم تغتصب..فها وفيها وفيها.بجوز كمان مو سمعانه بدرعا او جسر الشغور او المعضميه او داريا او بلد منشدك المفضل حماه وغير الله ما بيعرف شو عم بصير هلا بجبل الزاويه وبحمص ...بجوز كمان ما بتعرفي حمزة وهاجر قاشوش والشب الشهيد غياث مطر اللي ماصرلو جثمانو تحت الارض يومين ..بجوز انتي الله مانعم عليكم وما دقتي وحدة منن
بس الله كريم و الدنيا دوارة ...والناس ما بترحم

انا بتقبل وجهات النظر كلن ع فكرة بس اذا كانت وجهة النظر مبنيه ع اساس
ع اش بعني مو هيك من لا شي
رابعا :كاتبه سوريا الاسد مكان اقامتك
يعني والله متعجبه لانو هي المنطقه هي فرع من فروع جهنم بجوز انتي ما بتعرفي بس عم ذكر رُبّ وعسى انو تبين
اها
نسيت اذا كنتي عم تقصدي انو عصابه الاسد
فانا اسفه و بعتذر ما استوعبتا اولا ما تاخذني ..يعني من زمان ماني شايفه ناس بهل عقليات.بس تكرم عيونك


من يدافع عن النظام لا يخاف من الاقصاء.....ولكن يخاف من المساوات

الله ...سوريا...حريه...وبس

[بنوتة سوريا * نورة]

عزيزتي زهرة أشكر لكِ انفعالك ..............
اول شي بدي احكي شغلة على تلميذة يحيى حوى .. سبحان الله من كم يوم بعتتلي وحدة رسالة بمنتدى يحيى حوى وقالتلي نفس كلامك ..
انا صح تلميذته وبحترمه كتيررررر وبحترم رأيه كتيررررررررررر وانا بموت بأناشيده حتى اناشيد الثورة !!!
وهو قدوتي بعد الرسول صلى الله عليه وسلم .. بس قدوتي بأخلاقه وبدينه بس الأراء لا لانو الانسان ليس جماد بل هو مخلوق له رأيه الخاص ووجهة نظره الخاصة .. وانا مالي مضطرة اتبنى وجهة نظره ..
يعني مثلا انتي بتحبي مشرفة من المنتدى كتيررررررررررر وبتعتبريها قدوتك الوحيدة
وهي بتحب التدخين ( مثلا طبعا ) هل يجب عليكي حب التدخين مثلها ؟؟!!!!!!
ومتل ما قلت هو قدوتي بكل شي الا بالرأي , فرأيي انا بصنعه ..
انا لي وجهة نظر بما اني عايشة بمنتصف سوريا وبقلب الحدث غير رأيه وهو عايش بالاردن ..
وبالنسبة رأيي المفصل بالاحداث : فهذا حديث يطوووووووول ..
وبهالمناسبة أوجه أحلى وأرق تحية وسلام وباقة ورد معطرة بالبيلسان إلى استاذي وقدوتي يحيــــــــــــــــــــــــــــــــــى حـــــــــــــــــــــــــــــــــــوى

[بنوتة سوريا * نورة]

على فكرة أختي انا مالي أسدية ....
انا كلي سوريييييييييييييييييييييييية

[reem50]

توحدوا على حب سوريا وسوريا الان هي بحاجه لتوحدكم وحبكم
اتركوا تمجيد الشخصيات السياسيه وتنزيهها الاهم مصلحة سوريا وشعبها
وفقكم الله وانار لكم الدرب كي لاتخطئوا كما دفعونا الى الخطاء لاسمح الله
اموت خوفا عليكم وادعو الله دوما ان ينصركم ويوحدكم