الإختبار و الاحذيه ثم اختياري للغرفه ..

أُمـنِـيه · #1 21-04-2011, 01:08 AM

بسم الله الرحمن الرحيم ..

رأيت مناما بعد صلاة العصر [ امس ]

انا متزوجه من 8 شهور , ليس لدي اطفال حتى الان , والدي اتى من جده يوم الثلاثاء , و رايحه معاه يوم الجمعه عشان عندي جامعه يوم السبت لمدة 3 اسابيع ..
الحلم :

تحلمت انو كان عندي اختبار بالجامعه ,
دخلت مكان غريب كذا زي الصاله كبير وفي اخرها في غرفه متوسطه وفيها كراسي .
وداني زوجي و كنت مستعجله
دخلت وشفت وحده كانت معاي بالمدرسه لكن مالي علاقه فيها غير سلام بس
اسمها رشا
دخلت كذا و كأني اختبرت في رمشة عين ,
المهم خصلت وكنت طالعه من المكان و شفت عند الباب حق الغرفه اللي على الصاله
3 جزم انتو بكرامه لي
كانو لابسينها صاحباتي
فـ انا قلت رح اخذها بسرعه لانها حقتي
اخذتها و انا طالعه كان في محل عبايات على اليمين كذا و كرسي برا المحل
شفت وحده من صحباتي اسمها شيماء كمان مالي علاقها فيها غير سلام من بعيد على ايام الدراسه
كانت تشتري عبايه مزخرفه و امها كانت جالسه على الكرسي قالت لي اشتري عبايه قلت لا
[ شيماء هذي اساسا كانت صاحبة رشا ايام الثانوي ]
طلعت عند السياره و ذكرني زوجي ب الملابس اللي كنت لابستها لما دخلت الاختبار
ف تذكرت انو كنت لابسه [ بدلة العسكريه حقته ]
ف رحت بسرعه للصاله اللي كنت فيها عشان اخذها
كانت شبه فاضيه الصاله مافيها الا كم بنت تقريبا 3 بنات
و كان في وحده مسؤله عن المكان عجوز نحيفه كانت تكنس المكان
رحت قلت لها وين بدله مكتوب عليها فيصل [ اسم زوجي اللي على البدله ]
قالت في الغرفه حطيته بكيس [ الكيس كان مثل اكياس الزباله السودا ]
دخلت و ادور عليها لقيتها
قالت لي لما تلبسيها رح تموتي ترا و بكيفك انتي
المهم لبستها و فعلا كذا انكتمت و بدأ نفسي يقل الى ان مت فعلا في الحلم
ف لما مت قلت الشهاده و ماعرف كيف كذا كان في لاب توب
وكان مفتوح عليه مربع لونه اخضر مكتوب عليه اسماء مجموعات
المجموعات هذي [ غرف اصحاب الجنه ]
كل مجموعه عندهم غرف خاصه لهم
وكان جنب كل مجموعه رقم يبين كم واحد داخلها
المهم انا قعدت اختار و اخترت غرفه كان العدد فيها قليل
ولما اخترتها طلع لي شكل الغرفه اللي اخترتها [ اللي هي الجنه ]
كان لونها اخضر وفيها سرير نوم و دولاب لابس و صغيره الغرفه
انا ماعجبتني الغرفه و زعلت وقعدت اقول [ ربي عز وجل ] قال في القران ان الجنه اكبر من كذا مو غرفه و كنت احاول اتذكر الايات

و فقط

ارجو تفسير الحلم ..
علما انه اكثر من مره اتحلم اني اموت وادخل الجنه
و ان شاء الله انها بشارة خير ..