حلم اقلقني

[سارة 22]

السلام عليكم ورحمة الله وبركاته

بصراحة انا اول مرة بدخل لهاد القسم وبالصدفة شوفت انكم بتفسرو لاحلام ما بعرف ازا في معلومات ضرورية قبل ما احكي الحلم
انا من فترة يمكن شهر او اكتر حلمت بسلفي وهاد سلفي في بينو وبين زوجي مشكلة وهلا بينهم في محكمة وكل ما تنعقد بتتاجل ولسة مو مبين شو بدو يصير والي صار انهم تشاجرو وزوجي ضربو وجرحو بالشفرة وبعدها سلفي اتصل على الشرطة وحبس زوجي .........بالنسبة لسلفي كان الحق عليه وهو الي اتهجم علينا وفي مشاكل مع اهلو من سنين لانو محكوم لمرتو ومرتو كتير بتعمل للعيلة مشاكل يعني كل العيلة تاذو منهم ومن سنة تقاتلت انا معها عملتنا مشكلة وحكت عن اختي انها ابصر وين بتروح وهيك مع اني كتير طيبة وما بقاتل حد وما عمري زعلت حد وسلفي هاد وما حد بحبو حتى والدتو غضبت عليه يومها ولهلا زعلانة منو وما بتدخل عليه وما حد من اخوتو او خواتو بدخل عليه بس على العيد شافو بعض ومرتو نفس الشي والمشكلة هلا الها سنة وشوي

الحلم الي صار اني حلمت فيه انو جاي على امو ومعو مرتو وهو دخل على امو يحكي معها فطلع من عندها ومو عاجبو وزعلان واجا ليمسك ايد مرتو حتى يطلعو فكان بدل ما يمسك ايدها يمسك ايدي كان اعمى ما بشوف وانا صرت ابعد عنو واسحب ايدي ورجع مرة تانية مسك ايدي بفكرني مرتو لانو مو شايف لانو اعمى وقمت من الحلم خايفة و قلبي مقبوض ما بعرف حاسة انو في شي ورا هاي الحلمة ما فاهمة شو معناها

يعني لانو باللحلم كان اعمى

[فايز العتيبي]

عليكم السلام و رحمة الله و بركاته

فضلاً أكتبي لي ما رأيتيه في المنام مجرداً
ولا تخلطي الحابل بالنابل

[سارة 22]

انا كتبت الحلم الي صار وكتبت شوي عن القصة قلت يمكن الها علاقة بالحلم
والحلم هو اني حلمت بسلفي انو جاي على امو ومعو مرتو وهو دخل على امو يحكي معها فطلع من عندها ومو عاجبو وزعلان واجا ليمسك ايد مرتو حتى يطلعو فكان بدل ما يمسك ايدها يمسك ايدي كان اعمى ما بشوف وانا صرت ابعد عنو واسحب ايدي ورجع مرة تانية مسك ايدي بفكرني مرتو لانو مو شايف لانو اعمى وقمت من الحلم خايفة و قلبي مقبوض ما بعرف حاسة انو في شي ورا هاي الحلمة ما فاهمة شو معناها

[فايز العتيبي]

هل انت واثقة ان سلفك هو الذي تسيره زوجته كيف تشاء
لا اظن ذلك ...ربما تكونين أنت من يشحن زوجك ضد اخاه
لتعلمي أن زوجك لو قتل اخاه بالشفرة و كنت طرفاً في الموضوع
فستصبحين شريكة في الجريمة ... و بالتأكيد تعلمين جزاء من قتل مؤمناً متعمداً
إن كان ما أقول هو الصواب
فاتقي الله و لا تكوني سبباً في العداء بين الإخوان

[سارة 22]

ان زوجته هي التي تسيرة وهذا سبب مشاكله مع العيله كلها فهي كما قلت لك لم تترك احدة من شرها واخر مشكلة عملتها معي وانا كنت امشيلها كتير لكن اخر مرة ما سكتلها لانها صارت بدها تتهم اختي بشرفها وانت متل ما بتعرف كلو الا الشرف ومن يومها صارت تعمل شغلات حتى تستفزني فقمت ما سكتلها ورديت عليها ومن بعدها ما صرنا نكلم بعض وجوزي اجا لاخو وهددو وكان بدو يضربو ونبهو انهم ما يقربو علينا كل واحد بحالو لكن سلفي بعد فترة اجا بدو يعتدي على زوجي لانو كان اخر مرة بدو يضربو وصارت المشكلة

بس مشكاهلم كانت مع بعض كتير الها اول وما الها اخر وهاي المشكلة بس يمكن الي انا كنت طرف فيها وانت ما بتعرف ايش كانت تعمل لتاذيني فانا بس مجرد اني رديت عليها وكانت هاي اول مرة برد عليها