صبايا الصدفية ... الكريمات المرطبة والفطام

[shadus]

السلام عليكم اخواتي واخواني

اوجه سؤالي للفتيات واشكر الرجال لو عندهم اجابة ايضا

هل تستخدموا كريمات معينة غير الزيوت الطبيعية بالذات لمنطقة الوجه
يعني لو في ماركة معينة لكريمات ازالة المكياج او كريمات الوجه والجسم تكون بدون مهيجات
صابون الوجه
المكياج المستخدم
هل هناك ماركة طبية افضل من ماركات اخرى تفيد في حالتنا مثلا


ثاني سؤال انا ارضع منذ فترة طويلة ولاحظت تفاقم الحبوب منذ ثلاث شهور
هل ممكن ان تكون الرضاعة بطريقة ما سبب لزيادة الحبوب
مثلا لنقص فيتامينات وبروتينات وكالسيوم عندي
وهل من الممكن ان اتحسن بعد فطام ابنتي

الف شكر مقدما

[عازمة على شفائه]

السلام عليكي ورحمة الله وبركاته اختي:
عزيزتي بما انكي مرضع فأريد ان اقول لكي انني وبفضل الله تعالى ومشيئته استعملت حليبي وكنت ارضع طفلتي وقتها مخلوطا مع كمية مساوية من العسل الطبيعي واضعها على وجه طفلي المصاب بالصدفية وكانت النتيجة واضحة من اول يوم وبدا يخف الاحمرار تدريجيا حتى اختفت البقع على وجهه تماما تماما ما شاء الله ولا قوة الا بالله والحمدلله رب العالمين حتى يومنا هذا.فما رايك ان تستعملي حليبك لهذه الغاية وان شاء الله رح تودعي صدفية الوجه ان شاء الله تماما.وادعيلي اذا نجحت.اعلم ان بنتك كبيرة شوي عالرضاعة بس اخري فطامها شوي جربي هاي الطريقة اول.انا اخرت فطام بنتي لحتى شفي وجه طفلي تماما الحمدلله رب العالمين.
اما كمرطب ووقاية ففي كريم قرات عنه في موقع اجنبي انه يساعد في الشفاء من الصدفية وقمت بتطبيقة بالبيت واستعملو وبصراحة يعطي ترطيب رائع والاحظه على وجه ابني تاني يوم حتى انا صرت استعمله تقريبا يوميا واشعر بالفرق تماما وهو عبارة عن مقادير متساوية من العسل الطبيعي وشمع العسل وزيت الزيتون البكر.
الطريقة:سخني شمع العسل في حمام مائي حتى لا يفقد من خصائصه,بعد ان يذوب اضيفي له زيت الزيتون البكر واستمري في التحريك لانه قد يتكتل حتى يصبح كريمي واضيفي العسل وحركي كذلك حتى لا يعود ويتكتل لان الشمع يبرد بسرعة.ثم صبيه في مرتبان زجاجي واستعمليه وهو من اروع ما استعملت كريمات في حياتي.
اتمنى لكي الشفاء اختي كما اتمناه لكل مرضى المسلمين اللهم ااااامين

[shadus]

حبيبتي عازة على الشفاء الف شكر لاهتمامك
عزيزتي انا بنتي عمرها فقط سنة ولكن انا ارضع باستمرار من ثلاث سنين لان اخوها كان يرضع مني وانا حامل فيها ولم اتوقف عن رضاعته يعني منذ ان ولد ابني الاكبر من ثلاث سنين وانا ارضع
وكنت ناوية افطمها الان لان بدات اشك ان سبب صدفيتي هو بسبب الرضاعة التي سحبت كل مالدي من قوة في جسدي
مشكورة على نصيحتك حبيبتي ان شا الله رح استخدمها ولكن سوالي لك
هل ابنك الوحيد المصاب في الصدفية ام يوجد اخرين في العائلة
وكم عمره حبيبي يارب يشفيه يارب ياكزيم
والله من كثر المعاناة كل ماسمعت عن طفل مصاب ينحرق قلبي
اقول كيف بيصبروا
يارب اشفيهم جميعا واشفنا يارب
عن شمع العسل هل هو نفسه اللي نشتريه وتكون خلايا الشمع فيه
مشكورة حبيبتي والله يفرج عنك يارب

[عازمة على شفائه]

حبيبتي عازة على الشفاء الف شكر لاهتمامك
عزيزتي انا بنتي عمرها فقط سنة ولكن انا ارضع باستمرار من ثلاث سنين لان اخوها كان يرضع مني وانا حامل فيها ولم اتوقف عن رضاعته يعني منذ ان ولد ابني الاكبر من ثلاث سنين وانا ارضع
وكنت ناوية افطمها الان لان بدات اشك ان سبب صدفيتي هو بسبب الرضاعة التي سحبت كل مالدي من قوة في جسدي
عزيزتي لقد اعتقدت ان عمر بنتك 3 سنوات على كلا من وجهة نظر شخصية جدا فانا مع ارضاع الطفل حتى يبلغ عامين كما ذكر في القران الكريم والله تعالى اعلم.اذكر انني ذهبت للطبيبة وصار معي متلك كنت برضع ابني وبعدها حملت فنصحتني الطبيبة بفطامه فورا لانني حامل وان هذا سيوثر على الطفل القادم ولكنني استمريت سنتين كاملين الحمدلله رب العالمين يعني فطمته بالشهر الخامس للحمل.عزيزتي انتي اعلم بصحتك مثلا لو دمك منيح وحاسة جسمك قوي بتقدري تكملي الرضاعة لكن لو بتحسي جسمك ضعيف فلأ اوقفي الرضاعة عشان لا تضري حالك والله تعالى اعلم.اذا حابة ترضعي بدون ما ينقص عليكي شيء حسني اكلك منيح منيح يعني ضلي كلي تمر بقوي الجسم جدا وان شاء الله اذا بنقص شيء بعوضوا التمر والله تعالى اعلم.
مشكورة على نصيحتك حبيبتي ان شا الله رح استخدمها
لا شكر على واجب وان شاء الله بتدعيلي
ولكن سوالي لك
هل ابنك الوحيد المصاب في الصدفية ام يوجد اخرين في العائلة
لا الحمدلله رب العالمين فقط هو وابنتي معها حساسية شديدة لقرص الحشرات والله لو تشوفي اجريها وايديها زي المجدرة والناس بتسالني شو هاد؟؟بقكروها مجدرة...شوفي سبحان الله طفلي المصاب الحمدلله رب العالمين مو مبين عليه ابدا انو في شيء وبنتي سبحان الله بتعاني من الحكة ومنظرها بخوف مع انو كل الي عندها حساسية قرص حشرات؟؟
وكم عمره حبيبي يارب يشفيه يارب ياكزيم

عمره خمس سنوات وان شاء الله الله بشفيه شفاء تام تام تام وكل مرضى المسلمين اللهم ااامين
والله من كثر المعاناة كل ماسمعت عن طفل مصاب ينحرق قلبي
اقول كيف بيصبروا
على الاقل هناك من يهتم بهم الحمدلله رب العالمين هناك اطفال ولدوا بدون ام او اب وهو وضع مزمن واعتبره اقسى على النفس من اي مرض حتى لو جلدي لان الطفل لا يعي ذلك حتى يكبر.
يارب اشفيهم جميعا واشفنا يارب

ااامين يا رب العالمين
عن شمع العسل هل هو نفسه اللي نشتريه وتكون خلايا الشمع فيه
نعم عزيزتي هذا هو شمع العسل
مشكورة حبيبتي والله يفرج عنك يارب
اامين يا رب العالمين واجعل هذا اكبر همومي يا رب.

[shadus]

حبيبتي عازمة على الشفاء الف سلامة على ولدك وبنتك والله يعافيهم هم وجميع اولاد المسلمين والمسلمين
ليه ماجربتي لبنتك مراهم التي تبعد الحشرات وكذلك مراهم لتخفيف الحكة والحرقة والالتهاب هناك انواع مشهورة
وان تحبي اليوم ان شاء الله بمر عالصيلية بسالك عن احسن شي واخبرك بالاسماء والاسعار

عن ولدك حبيبتي هل اخبرك الطبيب عن سبب محتمل باعتبار هنا لادور للوراثة لانه الوحيد في العائلة وكم له من الوقت متى اصيب فيها الله يعافيه يارب

انا حبيبتي الصدفية في الوجه خفيفة جدا الحمدلله تكاد لاترى وهي جديدة ولكني خائفة من تطورها وساستعمل مااخبرتني

مشكورة حبيبتي

[عازمة على شفائه]

حبيبتي عازمة على الشفاء الف سلامة على ولدك وبنتك والله يعافيهم هم وجميع اولاد المسلمين والمسلمين
تسلمي يا اختي شكرا اللهم اشف جميع مرضى المسلمين اللهم ااامين
ليه ماجربتي لبنتك مراهم التي تبعد الحشرات وكذلك مراهم لتخفيف الحكة والحرقة والالتهاب هناك انواع مشهورة
نعم عزيزتي اخدتها على دكتورين والاتنين نفس الشيء وصفولي finistilشراب ولكن مشكلته انو بعمل خمول وانا مشكلة القرص هاي بتقعد معي تماما طول الصيف يعني من شهر 5 الماضي لهلأ فبصراحة قطعته وما بقدر اكمل عليه.
وكتبولي كذلك مرهم قبل النوم عشان ما يقرب عليها الناموس ولكنه عبارة عن مواد كيماوية فصعب اعودها عليه وهي لسة صغيرة عمرها 2ونصف.انا عارفة الكل عمبلومني ليه وقفتلها كل شي ولكن قلب الام دليلها وانا بقول خليها عالتساهيل بركي بس تكبر شوي بروح الله اعلم.وكمان المراهم الموضعية كانت ممتازة ولكن بكتبوا عليها تستعمل موضعي عالحبة فقط وبحذر للاطفال الي عمرهم تحت سنتين وهاي البنت جسمها مليان فبخاف صراحة لانو المساحة كبيرة او دواء fucicortوهو في كرتزون فما استعملتو اصلا..ووالله يا عزيزتي ما تركت شيء يعتب علي ادهنها والله بخل مخفف بالماي وبرضوا بصحى بلاقيها مقرصة وجايبينلها ناموسية للتخت كاملة وبرضو بلاقيه داخل جواتها وزيت زيتون كلو عالفاضي انا مو مزعلني الا انو جسمها عبتحفر وبطبع كتير لانها بس تصير زي نقطة دم بتقيمها بايدها والله بضربها عهالشغلة وما في فايدة بس بدي اطمنك انو بالاخر وبعد تجارب مضنية وكانت هي يا حرام زي فار التجارب لقيت شغلة ممتازة..بدهنلها القرصة بماء وملح وزنجبيل بودرة وبس ينشف زيت زيتون, طبعا لا تختفي ولكن بخفف الحكة كتير وبالتالي ما بتلعب فيها كتير وبتشوهها وهاي جديد كتير لقيتها عالنت بس ضفت عليها الزنجبيل وكان اسرع وافضل الحمدلله رب العالمين يعني اخر كم قرصة وضعهم كتير ارحم.

وان تحبي اليوم ان شاء الله بمر عالصيلية بسالك عن احسن شي واخبرك بالاسماء والاسعار
الله يخليكي يارب والله انا سالت كتير وكلهم نفس الادوية على كلا ازا ما فيها غلبة سأليلي بركي في دبي ممكن يكون في علاج طبيعي وانا في الي اقارب في الامارات ممكن اوصيهم يجيبولي يا بس ييجو...بس مري ايمتى ما تكوني فاضية لا تمري لالي خصوصي.

عن ولدك حبيبتي هل اخبرك الطبيب عن سبب محتمل باعتبار هنا لادور للوراثة لانه الوحيد في العائلة وكم له من الوقت متى اصيب فيها الله يعافيه يارب
عزيزتي بالنسبة لابني لما قللنا الدكتور صدفية كنت متوقعة هالشي مع اني ما بعرف شو هي ولا عمري شفتها الحمدلله رب العالمين لكن اختي صديقتها معها صدفية وهي اللي قالتلي يمكن صدفية فما اخدت واعطيت كتيروقلي في حدا بالعيلة معو من الاجداد المقربين؟ قلتلو لا . فقلي هو على كلا وراثيوسببها غير معروف حتى الان وبروح بس يكبر...والله انا روحت وصرت اعيط بالسيارة وزوجي مو مصدق...وانا فكرت انها رح تروح بس يكبر ويصير عمره ست او سبع سنين يعني هيك فكرت ما توقعت ابدا انها مرض مزمن بعدين صار كل اتصالي بالدكتور عن طريق الهاتف فقط..وهي صرلها معو من كان عمره شهرين او تلاتة فقط كانت بقعة في راسه ما بتروح ابدا الا بالعسل وبترجع تطلع من جديد ولما صار عمرو 7 اشهر طلعت على ركبو قالولي الناس هاي حساسية لانو بحبي وكنت استغرب منهم يعني بدهنهم دائما وعالفاضي ولا بروحوا ثم صار يطلع بشعره كذا منطقة وفي داخل اذنه ولما صار عمره سنتين ونصف قلت لزوجي عفكرة الولد جلدو مالو شي ولازم اعرف شو ..كانت الخبرية..وعلى فكرة ما زادت عليه الا بعد ما فطمته زادت كتير وانتشرت.
وانا والله حابة انصحك نصيحة لوجه الله تعالى وشكلك ام رائعة ما شاء الله عليكي بدي انصحك انو تكملي رضاعة بنتك للسنتين حتى لو لا سمح الله زادت عليكي لاني مقتنعة بفوائد حليب الام كثيرا عشان بنتك حرام...مو ضايللها شي السنة بتمر بسرعة.بتعرفي حتى الحساسية عند بنتي اكتر سنة بتنتشر بهالطريقة الفظيعة لاني فاطمتها جديد يعني لما كانت ترضع ما كان الوضع لهالدرجة سيء والله تعالى اعلم.

انا حبيبتي الصدفية في الوجه خفيفة جدا الحمدلله تكاد لاترى وهي جديدة ولكني خائفة من تطورها وساستعمل مااخبرتني
الحمدلله رب العالمين وهيك عند خفيفة كانت الحمدلله رب العالمين يعني علاجها ان شاء الله بكون اسرع المهم استعملي حليبك مع العسل اول شيء وان شاء الله بتلاحظي الفرق من اول يوم ما زالها خفيفة كمرطب استعملي الكريم الي قلتلك عليه.وان شاء الله ما بخلي اي شي جديد يطلع.

مشكورة حبيبتي
لا شكر على واجب
اللهم اشف جميع مرضى المسلمين اللهم ااااامين.

[shadus]

حبيبتي عازمة عملتك سيرش سريع عالنت عن شي يطرد الناموس لاقيت كم معلومة
منهم بيقولوا ورق النعنع بينفع جربي حطيلها بسريرها في مكان ما كمية منه تحت الناموسية ريحته حلوة لالها وبيجوز ينفع يارب
وتاني شي لاقيتهم عم يحكوا عن برنامج ممكن يتنزل عالكمبيوتر وتشغليه في الليل هو عبارة عن اصوات يطلقها البرنامج لايسمعها الانسان ولكن تسمعها الحشرات وتنزعج منها فتهرب والله اعلم
هذا الكلام لاقيته عالنت والله ونسختلك رابط تقدري تنزلي منه البرنامج

http://www.4shared.com/file/19736814...moustique.html

حبيبتي شوفي لو حابة تجربيهم
وخبريني يارب ينفعوكي
وان شاء الله اول مااروح عالصيدلية رح اسالك باذن الله

عن بنتي حبيبتي اعلم لازات صغيرة ولكن جسمي تعب جدا جدا والله من الرضاعة وضعفت كثيرا انا لايهمني نفسي ولكن بدات اشعر انه لم يعد لدي مااقدمه لها اكثر
صدقيني حاولت افطمها سابقا ولم يطاوعني قلبي فرجعت عن محاولتي
حتئ الان انا اقول اريد ان افطمها ولكن الله اعلم متى ... ههههه صارلي تلات شهور بحكي هالحكي كل يوم وكتر مابتعذبني بالليل بحلف كل يوم ان هدا اخريوم ترضع فيه وتاني يوم الصبح لما نصحى امسكها ابوسها وانسى العذاب واقلها. قال افطمك قال والله ما رح افطمك ابدا
ابوها بيسمعني ويضحك ويقول لسه بس من كم ساعة كنتي معصبة وعم تتحلفيلها بقله كلام الليل يااخي يمحوه النهار
شكله بيقول عني مجنونة ههههه
اليوم اذا الله راد رج اجرب الحليب مع العسل
بس حبيبتي هي ماتنفع لغير الوجه يعني اجربها على الجسم ولا لا اعذب حالي
وبالمناسبة انتي الرائعة وكلك زوق كمان ويارب يفرحك بشفاء ابنك في يوم وليله يارب بتشوفيه متعافي لحاله هيك بلا سبب ولا شي ان الله قادر على كل شي

[عازمة على شفائه]

حبيبتي عازمة عملتك سيرش سريع عالنت عن شي يطرد الناموس لاقيت كم معلومة
منهم بيقولوا ورق النعنع بينفع جربي حطيلها بسريرها في مكان ما كمية منه تحت الناموسية ريحته حلوة لالها وبيجوز ينفع يارب
بكرة ان شاء الله بجربها عالاكيد بس اجيب النعنعات.
وتاني شي لاقيتهم عم يحكوا عن برنامج ممكن يتنزل عالكمبيوتر وتشغليه في الليل هو عبارة عن اصوات يطلقها البرنامج لايسمعها الانسان ولكن تسمعها الحشرات وتنزعج منها فتهرب والله اعلم
هذا الكلام لاقيته عالنت والله ونسختلك رابط تقدري تنزلي منه البرنامج

http://www.4shared.com/file/19736814...moustique.html
شكرا يا عزيزتي هيني نزلت البرنامج مع اني ما فهمت لغتو كتير لانو فرنسي مو انجليزي
حبيبتي شوفي لو حابة تجربيهم
وخبريني يارب ينفعوكي
ان شاء الله بخبرك اذا مشي الحال
وان شاء الله اول مااروح عالصيدلية رح اسالك باذن الله
ان شاء الله وشكرا مقدما

عن بنتي حبيبتي اعلم لازات صغيرة ولكن جسمي تعب جدا جدا والله من الرضاعة وضعفت كثيرا انا لايهمني نفسي ولكن بدات اشعر انه لم يعد لدي مااقدمه لها اكثر
صدقيني حاولت افطمها سابقا ولم يطاوعني قلبي فرجعت عن محاولتي
حتئ الان انا اقول اريد ان افطمها ولكن الله اعلم متى ... ههههه صارلي تلات شهور بحكي هالحكي كل يوم وكتر مابتعذبني بالليل بحلف كل يوم ان هدا اخريوم ترضع فيه وتاني يوم الصبح لما نصحى امسكها ابوسها وانسى العذاب واقلها. قال افطمك قال والله ما رح افطمك ابدا
والله زكرتيني بحالي كنت افقع بالليل بس شو بدي اعمل؟؟بحزن عليهم بالنهار
ابوها بيسمعني ويضحك ويقول لسه بس من كم ساعة كنتي معصبة وعم تتحلفيلها بقله كلام الليل يااخي يمحوه النهار
شكله بيقول عني مجنونة ههههه
لا عادي نفس الوضع ....
اليوم اذا الله راد رج اجرب الحليب مع العسل
بس حبيبتي هي ماتنفع لغير الوجه يعني اجربها على الجسم ولا لا اعذب حالي
لا مبلى بتنفع ان شاء الله بس المشكلة انها بتدبق يعني عالوجه بضل اهون بلى وحطيها طول الليل وغسليها بماء فاتر فقط عالصلاة او لما تصحي ورح تدعيلي اكيد ان شاء الله كل يوم عن يوم باذن الله.
وبالمناسبة انتي الرائعة وكلك زوق كمان ويارب يفرحك بشفاء ابنك في يوم وليله يارب بتشوفيه متعافي لحاله هيك بلا سبب ولا شي ان الله قادر على كل شي

شكرا عزيزتي والله يسمع منك ان شاء الله وانا دائما املي في الله كبير والحمدلله على قناعة دائمة بان طفلي سيشفى تماما باذن الله تعالى عندما يبلغ..و ان شاء الله قبل كمان.
وبنتي حبيبتي والله اكلت همها الله يفرجها عالجميع ان شاء الله.
الله يشفيكي قريبا جدا يارب انتي وكل مريض مسلم اللهم ااامين.

[قاهر الصدفيه]

بالنسبة للترطيب فافضل كريم جربته هو اللي وصفه لنا اخونا هجهوج الله يجزيه خير
ليبوبيز lipobase
وبالتوفيق

[shadus]

المشاركة الأصلية كتبت بواسطة قاهر الصدفيه

بالنسبة للترطيب فافضل كريم جربته هو اللي وصفه لنا اخونا هجهوج الله يجزيه خير
ليبوبيز lipobase
وبالتوفيق

شكرا اخي على مرورك. هل اجد المرهم في الصيدلية او في مكان اخر