الامل مازال موجووود

[saroona-84]

السلام عليكم ورحمة الله وبركاته

اخواني واخواتي اعضاء هذا المنتدى الاكثر من رااائع بصرااحه مادري شلون ابدي بس احس بفرحه كبيرة لان الصدفة جمعتني بهذا المنتدى لاني لقيت ناس عايشه نفس معاناتي ومافرحت كثر ماتالمت لكم والله ودعيت لك مريض بالصدفية والاكزيما بالشفاء العاجل انشاللة. اللي فرحني هو عزيمت واصرار بعض الاخوة وتناقل الخبرات النافعه فجزااكم الله خير الجزاء.
نجي للموضوع الاهم اللي خلاني اشترك بهالمنتدى واكتب هالموضوع.
انا رحلتي طويلة مع الحساسية من عمر 4 سنوات وكانت منتشرة بكل الجسم وكل شي استخدمته كل انواع الكريمات والحبوب والابر ومافي نتيجه مرضيه بس الحمدللة مع الوقت راحت من الجسم كلة وبقت بس بيدي مع ان الاطباء قالوا اذا وصلت ال18 بتروح نهائيا ولكن الحمدللة على كل حال ومحد يعرف علم الغيب.وباااختصار شديد قبل 6 سنوات وحده قالت لي عن دهان عبارة عن اعشاب وعطتني رقمه بصرااحه خفت وقلت لااا مايصير اجرب اي شي خصوصا اني ماعرف احد مستخدمه قبلي ولا اعرف مكونااته, المهم كانت فترة امتحانات فاينل والنفسية زفت وزااادت علي الصدفية بشكل مو طبيعي وحكه قوية لدرجه اني ماكنت اقدر امسك القلم قلت دام الدعوة خرباانه خرباانه انا ببيعا واجر هالدوا لان ماعندي وقت اخذ موعد من الطبيب وازحمه الدووور ونطرة.
دقيت تلفون وطلبت وسألت قالي كلها اعشاب طبيعية ومافي اي مواد كيميائية اوكرتزون زطريقة الاستخدام تغسلين بصابون طبي خاص وبعد التنشيف الجيد تدهنين المناطق المصابة مرتين باليوم.
طبعا وصل الدوا بعد 4 ساعات من الطلب والله يوم شفته هونت بس رجعت شفت ايدي اللي مااقدر امسك فيها شي واستخرت واستخدمته طبعا اول استخدام حرقني حييييييييييل لان ايدي كانت كلها متشققه والله عوااار مو طبيعي كنت ابجي بس اول استخدامين بعدين يخف حييل.
ماطول عليكم بعد ثاني يوم شفت تحسن ملحوظ وموطبيعي بايدي وبعد اسبوع بالضبط تحلف مافيني شي طبعا فرحه ماتوصف جد جد دعيتلة من قلب ووصفته لبنت عمي عمرها 6 سنوات لكن للاسف ماناسبها .. لكن الخبر الغير سار انه اذا هديت الخلطه بعد فترة ترجع يعني ماتختفي بس احسن من ولاااشي
بس انا بستخدم معاها الماي والملح وخلطه الدهمية وانشاللة تروووح بلا رجعه
انا سألت صاحب الخلطة الاعشاب اذا يوصلها برا الكويت فقالي لا
بس جد والله عجيبة وتصلح للحالات القوية والله اختفت مني خلال فترة الاستخدام وانا مانزلت هالموضوع الا ابي افيد وانفعكم والله على مااقول شهيد وتذكرت قول الرسول -صلي الله علية وسلم- من كتم علم الجمه الله بلجام من نار)هذا معنى الحديث

الله يشاافي كل مرضى المسلمين,واهم شي يكون الامل بالشفاء كبير لان الله قادر على كل شي سبحانة.
وحبيت اشكر كل اعضاء هذا المنتدى الاكثر من رااائع على هالتواصل الحلو بينهم جد حسيت بروح اخوية الله لايغير عليكم وانشاللة اكون فرد من افراد هالعائلة.

[أم ناصرررر]

أولا حياج الله وأرحب فيج اختى سارونه
في الملتقى الشفاء الطيب
الامل بإذن الله موجود بس يبيله طولة بال
الاعشاب بدام استخدمتيها وبعدين رجعت صدقيني فيها كرتزون
وعلى العموم ماتشوفين شر
استخدمي خلطة هجهوج وفالج العافيه
لان الدهيميه تبيلها وقت ولاكن الخل مو طبيعي يطهر وينظفها ويعقمها
ويمنع الحكه وتحسين كإنك ما في جسمك شي

[reem50]

اهلا وسهلا بك حبيبتي سارونا البيت بيتك والمنتدى بيت للكل
فقط اتمنى انك لو تكتبين لنا عن العلاج الذي استعملتيه بالتفصيل
اقصد مكوناته وطريقة اعداده
وانا برائي لو انك استمريت على علاجك فتره اطول كانت الصدفيه ماترجع
لكن قطع العلاج بعد الشفاء خطا
حاولي ان تقرائي لان هناك كثير من النصائح اللي تفيدك وتهي الصدفيه
والف هله

[saroona-84]

شكر خااص لك من رد على موضوعي وفعلا كلامج اختي انا من تخف الصدفية اقطع العلاج بس مااعتقد فيه كرتزون لان صاحب الدهن رجل متدين وااكد لي هالشي والله اعلم.
اما بالنسبة لمكونات الخلطه فوالله ماعرف فيها ولا مكون واذا سألت المندوب يقول كلها اعشاب طبيعيه والحمدللة ماضرتني بولا شي بالعكس نتائجها مبهرة خلال فترة الاستعمال وانا بيني وبينكم بس استمر عليها اسبوع واتركها.
خلطه هجهوج ماقريتها, بس بدورها وانشاللة استفيد يارب .

[saroona-84]

ممكن تحطولي رابط خلطه هجهوج الله يجزاة ويجزاكم خير.. واذا في احد جربها او لا؟

[ahmad12]

السلام عليكم ورحمة الله وبركاته ،،،

حياك الله أختي إليك الرابط :

الخلطه رقم 2 بعد دحر الصدفيه بالخل والفازلين

إن شاء الله ستجدي هجهوج بدمه ولحمه يوجهك وينصحك

[saroona-84]

ماقصرت اخوي.. بس حلوة بدمه ولحمه ههههههه

[بسمـــة]

اهلا وسهلا بك حبيبتي سارونا البيت بيتك
وحياك الله معانا

[حيدرحسين]

اهلا وسهلا بالاخت سارونا بين اخوتك
نتمنى لك كل الفائده من منتدانا وبالشفاء والعافيه

[saroona-84]

الله يحيكم ويبقيكم ويشافيني ويشافيكم..