أنا المصرى

سامح عشاوى · #1 11-03-2015, 03:32 PM

أنا المصرى
أنا المصرى
وبثبت إنى مش عاجز
ولا هخضع فى يوم لجبان
أنا المصرى
ومكتوب لى أكون فارس
وأدوس ع الظلم والطغيان
وأخللى حلمى قدامى … أخللى حلمى قدامى
واغير نظرة العالَم
وأكون وحدى أنا ..... عالَم
ما أنا المصرى وحبى لمصر ماله حدود
ولو حتى بنوا لى سدود
هعديها ..... وأحليها ...... وأوريها تراب أرضى
فى يوم يبقى لى مسك وعود
ما أنا المصرى وحبى لمصر ماله حدود
وبرمى تكالى ع الهادى
فى أرض العزة أمجادى
وحلمى ببكره لولادى
أنا المصرى وحبى لمصر ماله حدود
أنا شعبك ولاأتمنى ف يوم تعبك
أنا أرضك وأنا نيلك
ولو مهمومة أغنى لك
ولو هبعد هنادى لك
ولو حلمك أكون موجود
هسيب الدنيا بهمومها وأنور لك قناديلك
مابين الآهة والتانية هلحن لك مواويلك
وأدارى الدمعة ف عيونى وأفضفض لك وهحكى لك
عن اللى خان ف يوم أرضك
وكان ناوى يبيع عرضك
ووقت الشدة تلاقينى .....أموت فدا حبة من رملك
ومكتوب لى أكون مصرى
وبفخر إن أنا مصرى
وحبى لمصر ماله حدود
http://www.youm7.com/story/2014/1/25...7#.VQBD8uRZ3LU

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي الانتقال إلى العرض المتطور العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)