بدون عنوان

[أم ناصرررر]

السلام عليكم ورحمة الله وبركاته
ان شاء الله تكونون بخير وصحه وعافيه
انا الحمدلله بخير واتمنى من الله ان يشفيكم جميعا خواني واعزائي ابيكم تحبون نفسكم
وترضون على حالكم وطولون بالكم والله العلاج قريب منكم الجميع أو البعض يوصل لمرحلة الياس والملل من العلاجات الكثيره كل واحد منا لديه كريمات موجوده في كمدينه عند الراس وبسله ويكون متحيرماذا يستخدم الليله كانه طبق حلو
نصيحتى لكم لانقص على انفسنا لازم نستخدم كريم كرتزون حتى يخف علينا شوي ونقدر ننام في بعض الاوقات
بس ديرو بالكم في علاج سكري ما يمشي مع مريض الصدفيه راح اذكراسمه في وقت لاحق
لاتقولون من الاكل وتحرمون نفسكم من نعم الله الكثيره والمتنوعه هم انتم مرضى وممنوعين من الاكل اكلو وشربو وضحكو وفرفشو ما كو شي يستاهل بهالدنيا
ان كنت طيب مع الناس مالك حظ ان شاء الله حظك عند الله
وانت كنت عصبي المزاج وتحب المشاكل تكون مكروه ومنبوذ من بعض الناس
تحصل معاك مشكلتين هل تعرف شنو هي ؟ وتزيد عندك الصدفيه ؟
=زعلت بينك وبين نفسك انك طيب وماتستاهل وبالمساء يكون تفكيرك مشغول وبعض الاحيان تكلم نفسك حتى تفضفض شوى واللي يحصل معاك مع هالناس هذا 1
وذاق خلقك بينك وبين نفسك وتحس انك منبوذ بين هالناس لانك راعي مشاكل حتى لو تكون على حق رقم 2
بهالوضع امانه شنو يحصل معاكم تزيد صدوفاتكم وتزيد الحكه عندكم وتجربون هالكريمات ويصير عندكم خلط بهالكريمات ذيك الساعه ما تحسب حساب الكرتزون تحط وبس تبي ترتاح شوي وتنام
نصيحتى لكم اللي يبي يعالج نفسه من مرض الصدفيه لاتقول كريم ولا مرطب
اللهم الفازلين والنفسيه بقدر الامكان سو لها كنترول بحياتك
+ عدم العصبيه الزايده والصراخ على الاولاد أو اقرب الناس لك أو زوجتك
حط في بالك يا مريض الصدفيه انت اتعب نفسك بنفسك الحياة ماشيا فيك وبلياك واللي راح ما يرجع يا اخوان وخواتي لاتهتمون ريحوا بالكم حتى توصلون الى علاج لصدوفاتكم
+الناس انواع واطباع يا اخوان وتدري الشخص اللي يحط في قلبه هو اللي تزيد عنده الصدفيه لو استخدم أقوى كريم ماراح يتجاوب معه لانه حامل هموم وما يفضفض عن نفسه ويبين انه هو شخصيه قويه
والمتسامح وراعي ضحكه تروح وترجع له بشئ بسيط ويمشي معاه اي علاج
وما أطول عليكم انا كتبت هذه السطور لاوصل لكم ان العصبيه والنفسيه اثارها على الصدفيه اضطراب بالجهاز المناعي والعصبي = صدوفه عنيده وراسها يابس
وسلامتكم والله يشفيكم