مراحل علاجي بالقطران - و استفسار كيف أنظم استعمال القطران و المرهم

[يارب اتشافى]

السلام عليكم

شريت القطران
متفائلة وفرحانة من قبل لا أستخدمه

احس اني حبيت هالعلاج وحبيت نفسي معاه متخيلة نفسي وانا بدون صدفية

المهم.........

نويت انزل هالموضوع عشان اكون معاكم خطوة بخطوة بعلاجي وادري انكم ماراح تقصرون

شريته من أدمه لتر واحد بـ 700
اوكي
بس وزعهم على علب 250 ملم عشان اسهل لي...

باأبدى ان شاء الله بكرا وانا المرهم بديت فيه من تقريبا اسبوع القشور والجروح خفت الحمدلله

المهم قررت ابدى بكرا ودخلت موضوع قيس اللي يشرح فيه الطريقة بس مادري شفيني متنحة
ماقدرت أفهم ...

ممكن تنظمولي استخدام القطران والمرهم في اليوم الواحد يعني لاقعدت من النوم ابدى بمين وكم مرة احط القطران وكم مرة احط المرهم ..........؟؟

على فكرة صدفيتي بالاكواع والركب والكفوف ......

واهم شي اهم شي ايش الصابون اللي استخدمتوه للغسل ضروري ايش الصابون اللي استخدمه للاستحمام......

وبس ادعولي تكفون محتاجة لدعواتكم متحمسة وخايفة

وراجعتلكم بتطورات علاجي بالتفصيل

[يارب اتشافى]

ان شاء الله

[ايهاب العراقي]

اهلا اختي الكريمة حياك الله..اسأل الله ان يشفيكي ويعافيكي
بالنسبة للجدول انا المرضى اللي يجوني انصحهم بالأتي
استخدام المرهم صباحا مثلا الساعة ال 9 صباحا تستعملين المرهم
ثم تغتسلين عصرا في الساعة ال 4 ومن بعد ماتجففين جسمك
تستعملين المحلول مثلا في الساعة 4 وال 20 دقيقة
وقبل ان تنامين في الليل تضعين المحلول مرة اخرى بدون ان تغتسلين
وثاني يوم الصبح ايضا تستعملين المرهم فوق المحلول
وتعيدين نفس الخطوات
وبعد فترة راح اتلاحظين اختفاء القشور وتوقف انتاجها فبهلحالة تستمرين فقط على المحلول بدون المرهم او استخدام فازلين كمرطب عند الأحساس بالتيبس في هذه المناطق
تحياتي

[reem50]

الصابون يكون جيد وطبيعي مثل صابون الغر مثلا والشامبو ايضا يكون نوع لايوذي مثلا شامبو الاطفال
نجي للقطران نبدا نضعه بعد صلاة العشاء الى الصبح او بعد صلاة الضهر نضع مرهم ونغتسل قبل العشاء لنضع القطران
هذه الحاله الى زوال الاعراض وبعدها تستطيعين الاستغناء عن المرهم بالتدريج والاستمرار على القطران
ممكن قطران على قطران سابق دون غسل
نغسل الجلد اذا كان مدهون بالمرهم لانه يمنع امتصاص القطران
غرقي الصدفيات بالقطرا وبالمرهم خاصة الايام الاولى كثري شويه

[يارب اتشافى]

مشكوووووووووووووووووووور ايهاب جزاك الله كل خير

بسوي هالطريقة بالضبط ان شاء الله وبخبركم بالتطورات أولا بأول ... ^_^

[reem50]

كلام ايهاب صحيح ايضا ان كنتي تستطيعين ان تضعي مرتين قطران للاسراع بالعلاج الى اختفاء الاعراض

[يارب اتشافى]

شكرا ريما الله يعطيك ألف ألف عافية ويحقق لك كل شي بالك

راح أغرقها ولا يهمك راح اغرقها الين ينقطع نفسها ^_^

[سلومه الجديد]

بالشفاء أخي الكريم أهم شيء تكون همتك عالية ولاتيأس من سرعة النتيجة
وبأذن واحد أحد راح تكون الأمور جيدة

[محمد الدباغ]

المشاركة الأصلية كتبت بواسطة ايهاب العراقي

اهلا اختي الكريمة حياك الله..اسأل الله ان يشفيكي ويعافيكي
بالنسبة للجدول انا المرضى اللي يجوني انصحهم بالأتي
استخدام المرهم صباحا مثلا الساعة ال 9 صباحا تستعملين المرهم
ثم تغتسلين عصرا في الساعة ال 4 ومن بعد ماتجففين جسمك
تستعملين المحلول مثلا في الساعة 4 وال 20 دقيقة
وقبل ان تنامين في الليل تضعين المحلول مرة اخرى بدون ان تغتسلين
وثاني يوم الصبح ايضا تستعملين المرهم فوق المحلول
وتعيدين نفس الخطوات
وبعد فترة راح اتلاحظين اختفاء القشور وتوقف انتاجها فبهلحالة تستمرين فقط على المحلول بدون المرهم او استخدام فازلين كمرطب عند الأحساس بالتيبس في هذه المناطق
تحياتي

السلام عليكم
بالضبط أخي العزيز إيهاب نفس طريقتي تقريبا
حيث أضع الدواء صباحا ثم المرهم بعده بفترة نصف ساعة ثم أستحم ليلا وأضع الدواء وأنام وفي الصباح أضع الدواء وبعده المرهم وهكذا أي مرتين دواء ومرة مرهم في اليوم الواحد
ويجب الاستمرار والمداومة على وضع القطران وخصوصا في الأيام الأولى حتى زوال الأعراض

[يارب اتشافى]

السلام عليكم

كنت برد لكم بعد اسبوع واقول لكم التطورات
بس ماقدرت اصبر......

لو تشوفون شكلي اول يوم حطيته اضحك...........

حماس احس مافي احد مثلي خخخخخخخخخ احط لكل شي قيمة
واخلق لكل شي موقف واكشن هههههههههه

اهلي يقولون شهالدراما اللي مسويتها ...........

قعدت الصبح وحطيت المرهم وقعدت فيه للعصر وبعدين ادوشت واستنيت نص ساعة

وفي هالنص ساعة قلبي يتضارب خخخخخخ

وكله جالسة اطالع في علبة القطران خايفة ومستانسة


وأهلي يطالعون فيني ........


وبعدين فكيت الغرشة وحطيت منه في غطا الدواء وجبت قطنة وغرقتها فيه وعيوني كانت تلمع الدموع تبي تنزل .........


وسميت بالله وقلت اللهم اجعل فيه شفاء تام من دون ضرر لاعاجلا ولااجلا يارب وبديت بكوعي
وكوعي الثاني وكفوفي وركبتي .......غرقتهم فيه

ريحته مألوفة مرة شامتها مدري في المستشفى او مدري وين المهم مألوفة مررررررررررررره..
ومو قوية ولا كريهة عادي كأنها ريحة نظافة ومعقمات مركزة .........

ولما خلصت قفلت العلبة ورجعتها لمكانها المظلم ........

وجلست اترقب وش احس فيه (( بس العجيب ماحسيت بشي ولا ألم ولا حكة ولا شي اللهم حكة بسيطة لاتذكر بأحد كفوفي))

الحين صارلي يومين مستخدمته مافي لاحكة ولا ألم ..........!!

بس لاحظت مدري اتخيل والا لا انو كأنه خفت حبة ماأبي أبالغ بس من جد احس انها احسن...

مابي أكون متشائمة بس ليه ماحكتني ولاحسيت بألم ......؟؟


ادعولي