اعزائي طريقه جديده لعلاج الصدفيه

[reem50]

اعزائي اثناء بحثي المستمر وجدت شخص عراقي يقول انهم يعالجون نوع واحد من الصدفيه خلال 15 يوم وكانت هذه الرساله منه

بامكانك الاطلاع على موقعنا وطريقة علاجاتنا مع التقدير
www.winkcell.com
وطريقة علاجنا للصدفية ايضا بنفس الطريقة بخلط وتجانس علاجنا مع دم المريض
شخصيا

واجبته انا برساله

طيب ممكن توضيح للطريقه لاني لم اجد شي بالموقع عن الصدفيه واللغه عندي ضعيفه
تقول خلط وتجانس مع الدم
طيب نوع العلاج الذي يخلط ماهو
وفترة العلاج وسعر العلاج ان امكن
هل تعملون على المناعه تنظيمها او اضعافها مثلا
وقد اجابني بهذه الرساله

سيدتي ارجوك اريد اخر تقرير لك لان لدينا نوع من انواع الصدفيه نعالجها فقط وهي شائعه في اسيا
العلاج اسمه وين بي - اكتشاف جديد طبعا يخلط ويتجانس مع كل جزء من اجزاء من دم المريض بعمليه مختبريه دقيقه جدا فكيف اشرح لك ؟
علاجنا هو زيادة وتاهيل وتقوية الخلايا والانزمه
وتستغرق لمده 15 يوما ومن ثم نعطي المريض جرعات بالوريد 3 مرات كل اسبوعين جرعه واحده
وكما قلت لحاله واحده من انواع الصدفيه فيجب ان اعرف واقرا التقارير اولا

والان انا اريد من يتفاهم مع هذا الشخص الذي يقول انه يعمل في هذه الموسسه لعلنا نجد شيئا مفيدا عندهم
وسوف اكتب الايميل حال وصوله لاني اتفاهم
معه الان عبر الفيسبوك
وسيرته الذاتيه تقول

اني - مستشار عام لعلماء امراض السرطان وامراض السكر
في تايلند - اليابان
مؤسستنا اكتشفت مؤخرا علاج لمرض السرطان وحاليا المرضى تلقون علاجنا وبنجاح عظيم ورائع. مع ضمان رسمي بعدم عودة المرض في المستقبل .
كما اكتشفوا مؤخرا علاج نهائي لمرض السكر والقضاء عليه تماما وبشكل عظيم ومرضانا يتلقون العلاج الان بكل نجاح
اتمنى من العراقيين مراسلتي عن اي معلومات او استفسارات

[المتفائلة بالخير]

جزاك الله الف خير اختنا الغالية ريم
وربي يجعل مجهودك اللى تبدليه في ميزان حسناتك
امين يا رب

[reem50]

ان شاء الله نتواصل معاه لعلنا نكتشف شيء جديد او يكون عندهم علاج بصحيح لااحد انواع الصدفيه
شكرا حبيبتي المتفائله بالخير ربي يخلي الخير كله بطريقك

[ايهاب العراقي]

مشكورة خالة على الموضوع..خالة اني طبيت الموقع مالتهم..كله مختص بعلاج مرض السرطان بأنواعه..وماجايبين طاري الصدفية..خالة واني شمدريني وين بيه براسه برجليه..خالة اذا صار عندج ايميل او شي دزيلنة اياه اذا ماكو زحمة عليج..الواضح انهم صارلهم فترة قصيرة قاعدين يشتغلون على الصدفية.

[reem50]

ايهاب يمه قال نوع واحد فقط نعالج من الصدفيه وهو النوع الشائع في الشرق الاوسط
اذا تدخل الفيس بوك هذا اسمه
Alin Ams

والله لو تتصل بيه وتدزله تقاريرك احنه ماخسرانين شي يمكن عنده علاج

[reem50]

الايميل وصلني الان
سوف ارسله الى ايهاب وكل من يريده

[ايهاب العراقي]

هم زين خالة دزيتلي الأيميل ..لأن اني مامشترك بالفيس بوك..يعني هذا الرجال صاحب الأيميل عراقي يحجي عربي لو ادزله بالأنجليزي؟

[reem50]

لالا عراقي اني مااعرف انكليزي زين يعني مو مال التفاهم
لكن الرجال عراقي ويحجي عربي
تدري ايهاب ياريت تشترك بالفيس بوك لان اكو عندي خوش تجمع مال اجانب همين مثلنه يحجون ويتبادلون التجارب يمكن ايفيدونك
اذا اشتركت كلي حتى اتضيف كروب الصدفيه عندك

[ايهاب العراقي]

هسه حضرتج سألتي الرجال خوش اسئلة ..بس هو اجوبته مو واضحة ..ماوضحلنا بالضبط شنو العلاج..وخالة بالنسبة لتجمعات مرضى الصدفية في المواقع..اكو كثير مواقع اجنبية للصدفية مو بس على الفيس بوك..واني مرات ادخل واشوف شكو ماكو شغلات جديدة.
بس هو يقول انهم يعالجون الصدفية بنفس طريقة علاج السرطان يعني نفس الألية(بخلط وتجانس العلاج مع دم المريض)..واذا هاي ان شاء الله راح ادزله رسالة على الأيميل واستفسر منه اكثر.

[reem50]

اي والله انت وغيرك بالمنتدى بلكي عنده شي نستفاد منه
واحنه مانخسر شي ومانسوي شي الا اذا اتاكدنه