رايكم يهمني احبتي في علاجي

[Um rayyan]

السلام عليكم ورحمة الله وبركاتة*

اخواني واخواتي اعضاء المنتدى ..
في البداية احب اعتذر منكم لان موضوعي اكيد مكرر وكثير اعضاء كتبت مثلة ..*
بس حبيت اكتبها عشان يكون موضوع خاص لحالتي واحس بردودكم موجهة لي ومنها اتشجع والقى دعمكم .. لان محد في الكون كلة راح يشعر فيني الا انتو مهما كان قريب مني ..

وهذي اول مشاركة لي .. بس انا متابعتكم اكثر من سنة ..*


ع العموم ..*

انا مصابة بالصدفية من 10 سنوات تقريبا .. عانيت منها كثييير وجربت علاجاات برضو كثير ..*
*اعشاب واشعة فوق البنفسجية وكريمات ومراهم مليانة كريتزون وعلاج زين الاتات وعلاج الدهيمية بس ابدا ما نفعت معاي .. ما عدا الكريتزون وهو اللي ظليت علية فترة طويلة وكنت مسيطرة ع المرض تقريبا سنتين بعدها ووقفتها لاني كنت حامل وبدات ترجع من جديد وبشكل اكثر .. وبفترة بسيطة رجعت اختفت كلها وبدون علاج والسبب الحمل طبعا وكانت اكثر فترة تروح عني الصدفية *.. بعد الولادة بفترة شهرين رجعت الصدفية وانتشرت بكامل جسمي لدرجة ظهرت بالاظافر لاول مرة*
وصرت اعالجها بالمراهم مرة ثانية وما كانت تستجيب ابدا*
الحين صار لي اكثر من سنة والصدفية ما اختفت ابدا ابدا ..*

راجعت المستشفى .. وقالت لي الدكتورة ما الك الا حل واحد ..*
وهو العلاج الكيماوي ب mtx
*
وطبعا كان لازم اعمل تحاليل واتاكد من عدم الحمل*

بس لحد الحين مارجعت لهم وجالسة افكر لاني خفت من العلاج ..*

ابيكم حبايبي تعطوني رايكم وخبراتكم وتشيرون علي ..
لاني من جد محتاااارة وبنفس الوقت ابي اتعالج وارتاح ..*

اسفة ع الاطالة*

واعتبرت نفسي اكتب عشان اطلع اللي بقلبي وافضفض اكثر*

تحملوني وعطوني ارائكم*


تحياتي لكم احبتي*

[{ ريم }]

وعليكم السلام ورحمه الله وبركاته

ياهلا ومسهلا فيك .. نورتي حبيبتي
ابد فضفضي وقولي اللي بخاطرك وتأكدي كلنا بنسمع لك ..

في البدايه المراهم مثل ماقلتي مليانه كرتزون واضرارها اكثر من منفعتها .. كلها علاجات مؤقته
اما الحبوب ماانصحك فيها ابد لاني جربتها صحيح مفعولها كبير لكن تسبب تسمم الكبد .. بعيد الشر
اللي انصحك فيه وبقووه القطران ( قطران الفحم الحجري ) علاج امن ونهائي للصدفيه بأذن الله ..
شوفي المواضيع المتصله بالقطران وخذي معلومات وابتدي فيه .. بلا حبوب بلا هم

والله يشفيك ويفكك منها عاجلا غير اجل ..

[أجوان]

حياك الله أختي
أنصحك بالقطران كما ذكرت الأخت ريم ولن تندمي بإذن الله

[Um rayyan]

مشكوورين حبايبي على ردودكم

وانبسطت كثير ..

اختي ريم
تدرين انا من زمان ودي اشارك في المنتدى عشان اتكلم مع ناس يفهمون انا وش اقصد لان كل اللي حواليني محد فاهم ولا حاس .. وهذا اللي مخلي النفسية زفت ..

طيب سؤال ،، انتي جربتي القطران لاني توي قريت عنة وحسيتة حوسة وما ادري من وين القاه .. وشفت برضو مواضيع عن موزعين في الرياض للقطران وهل هو نفسة ؟؟
وبرضو مع العلاج كريم ،، محد ذاكر من وين نقدر نلقاه ؟؟
اذا جربتية علميني من وين ..؟؟
وبرضو السؤال موجة الى اختي اجوان ،،

[{ ريم }]

العفو ماسوينا شي

اختي ريم
تدرين انا من زمان ودي اشارك في المنتدى عشان اتكلم مع ناس يفهمون انا وش اقصد لان كل اللي حواليني محد فاهم ولا حاس .. وهذا اللي مخلي النفسية زفت ..

صدقيني يااختي انا فاهمه شعورك بالضبط كلنا مصدوفين ونعاني لكن الامل بالله كبير .. وبأذن الله بتفرج ..
طولي بالك عليها وخليك قويه

بخصوص سؤالك حبيبتي
للأمانه انا للان ماجربته وقريب راح اجربه
اختي اجوان جربته اكيد ماراح تقصر وبتقولك تجربتها معه

وشفت برضو مواضيع عن موزعين في الرياض للقطران وهل هو نفسة ؟؟

ايه نفسه له موزعين اما شركه تسويق الدواء او شركه الاكتماليه
وانا انصحك بالاكتماليه لان شركه الدواء رفعت سعر القطران

http://forum.ashefaa.com/showthread.php?t=135524

موضوع اخوي محمد الله يجزاه خير بفيدك ان شاءالله

وبرضو مع العلاج كريم ،، محد ذاكر من وين نقدر نلقاه ؟؟

اما المرهم انتي تركبيه .. ممكن الاستعانه بصيدلي يقوم بتركيبه
مرهم كيناكومب او باندريم يعني واحد منهم ويكون وزنه 30 غرام
مع 30 غرام من مرهم الديبروساليك او مرهم الديفوبيت اي واحد منهم متوفر
مع 40 غرام فازلين تخلطيهم زين ..
وبالاول والاخير على حسب نوع صدفيتك يمكن ماتحتاجي المرهم ..

اختي ام ريان شوفي نتائج القطران مع الاعضاء اللي جربوه

http://forum.ashefaa.com/showthread.php?t=129895



بسألك وش نوع صدفيتك ..؟

[أجوان]

أختي الحبيبه لابد نعرف نوع وعمر صدفيتك أولاً هل طولتي تستخدمي الكورتزون
وبإذن الله أنا معك في أي شيء تحتاجينه في حدود تجربتي طبعاً مع القطران ..

[ALMANSE1]

الاخت ام ريان راجعي مشاركتي رقم 240 تحت اسم صدفيه وبس لعلها تفيدك وربي يكتبلك الشفاء واي استفسار انا مستعد

[ALMANSE1]

في موضوع تحت عنوان علاج الصدفيه موجود في افقر البيوت 261 ولاي استفسار حاضر.........

[ابو صالح 40]

الاخ المنسي
عندي عدة اسئلة ارجو ان تجيبني عليها بالتفصيل اذا تكرمت
1-هل هناك تفسيروشرح علمي للطريقة التي تنتهجها في علاج الصدفية ؟
2- هل هناك دليل من دكتور او طبيب جلدية شخص حالتك و مرضك الجلدي بانه صدفية وهل هناك صورلك قبل وبعد العلاج ؟
3-كم شخص من داخل ومن خارج المنتدى تشافوا نهائيا بالطريقة التي تشير اليها وهل عندك اسمائهم و صورلهم قبل وبعد العلاج ؟

[reem50]

اشارك الاخ ابو صلاح هذه التساولات اخونا المنسي

اخواتي واخواني لااقول الاكلمات اتمنى ان يسمعها الكل
اتقوا الله في مرضى الصدفيه ... اللي فيهم كافيهم