للشاعر / ياسر حسن الجيد
من شعراء السعوديه
يا أنا .. لا تسوق المسكنة ..
روحي ما عادت تبيك وصابرة من كم سنة!
يا أنا .. إشتكت منك المشاعر
وانت حاضر .. أصبحت لا ممكنة!
السعادةوالأمان .. والمودة والحنان
ولهفة الحب اللي كان .. في عروقي مكفنة!
يا أنا .. ما تفيد المسكنة ..
ضاق بك صدر المكان .. ولا تظلم إحساس الزمان
إنت اللي أطلقت العنان .. جيت وفرضت الهيمنة!
ما عاد فيني أحتويك .. وأسهر ليالي محزنة
أجبرتني أقسى عليك .. وأحتل باقي الأمكنة
مدام روحي ما تبيك .. اِرحل لغيري واسكنه!
يا أنا .. روحي تعاني .. وضيقتي متمكنة
وش بقى غير الأماني .. أقدر اني أحضنه
ما بقى عندي حلول .. وخافقي صاير ملول
والحظ من يومه كسول .. إلى متى نستأمنه؟
يا أنا .. أرجوك حاول .. تستثير التضحيات
جايز إني ألتقي حل .. للسنين المقبلات
وأردّ خلي لموطنه .. وأفتح خفوقي وأسجنه
وأحتضني .. غصب عني .. وأهدي روحي قطعة مني
وأغتال بعضي وأدفنه .. وأغتال بعضي وأدفنه!