[مباشر]

السلام عليكم
ورمضان كريم علينا وعليكم والله يتقبل منا ومنكم

اخواني انا طلبت من صيدليه آدمه المعروفه قبل سنه ونصف وكان القطران مره روعه وكان طيب جدا ورائحته قوية وشغل صح وحراق وقوي وشاءالله ان الصدفيه تذهب ولله الحمد سنه ونصف ولكن رجعت على خفيف جدا يعني حبه هنا وحبه هناك ممكن مايتعدى خمس اماكن

ورحت اشتريت مره ثانيه من صيدليه ادمه ولكن القطران تغير على بنسبه بسيطه يعني طلع خفيف شويه والرائحه اقل بنسبه بسيطه ويعمل حراق خفيف جدا مو زي اول وماعجبني بصراحه لأن فعاليته مش زي اول حسيت ان الشغله فيها تجاره لهم مايبغون الواحد يشفى والعياذ بالله

المهم طلبت مره ثالثه والمصيبه الكبرى ووالله العظيم ان لو شخص جابه لي وقال وش هذا العلاج راح اقوله مدري ماقد مر علي لا أعلم وانا اللي مع القطران عيش وملح وملابسي واشيائي وحياتي كلها قطران

مو معقول والله الرائحه غير رائحته وخفيف جدا كنه مويه حسبي الله عليهم وحتى اني حطيت على شئ فيه جرح ماقرصني ولاحرقني ولاشئ ليه بس كذا تتلاعبون بمرضى الصدفيه ليه

اقرب شئ انه كله صاير ايثانول مافيه قطران الا شئ لايذكر الرائحه اصبحت مثل رائحه البويه

مالعمل وش السوات مع اني اشتريت واحد لتر و6 حبات ام 100 ملم

اطالب صيدليه آدمه بتوضيح الامر ولماذا هذا التغيير ومالفائده منه ولماذا