[السحاب 1]

والله حاولت اشتم لكن مقدرتش معرفش ايه الى منعنى رحت كتباله ممكن اطلب منك طلب قالى لاء اول حاجة بس تعرفينى مالك ايه اللى جرى اتغيرتى ليه حصل معاكى ايه واعتذر انى اتدخل فى شؤنك الخاصة كررت كلامى ممكن بس طلب بسيط وانا اول مرة اطلبه منك واكلمك بصدق قالى اتفضلى انا تحت امرك قولتله بس تسيبنى لوحدى عاوزة اقعد مع نفسي قالى اللى يريحك انا تحت امرك اعتذر على ازعاجك بس افكرك انا اخ ليكى فى الانسانية ولا اعرفك ولا تعرفينى غير من خلف شاشات بنتكلم يعنى لو تحبى تتكلمى وتعرفينى اللى عندك انا تحت امرك مش عاوزة انا تحت امرك اسيبك .


ووقتها دخلت عليا ادمن الى هى كانت تعاتبنى على انى شتمت "هند" قومت استأذنت منه وقولتله انا دلوقتى مشغولة ياريت نتكلم وقت تانى افتكرنى اوزعه قالى مش محتاجه تقولى مشغوله الامر طبيعى جدآ انا اسيبك مع نفسك وانا موجود اى وقت عاوزانى تحت امرك واول مرة اكون صادقة معاه فى كلامى قولتله لاء دى صحبتى معايا برايفت وهدخل روم خاصة معايا ومش بكدب لكن هبعتلك دعوة تأكدة رفض قال لاء مصدق كلامك لكن لما دخلت الروم لعتله دعوة وجه ولاقنا بنتكلم وانا قصدى بس انه يقعد معانا لاننا بنتكلم فى امور عادية قولت الزعل راح الى بينا وهى بس بتكلم زى عادتها وندحك مع بعض الا هى تقولى مين دا فكرتها بيه قولتلها فاكرة اللى كنا بنشتمه وخنقنا ومخرجش من الروم اللى كان بيقولنا افتكرتكم فى روم خاصة افتكرته بسرعه وسلمت عليه بس قولتلها بلاش تغلطى فيه اوعى دا ضيف هنا معانا استغربت انى اطلب كدا منها .

وهى تفتكرنى اسلمت قالت عاوزة اسألك سؤال بس تجاوبى بكل صراحة انا قولتلها اسألى والاخ معانا مفيش مشكلة قالتلى مالك انتى متغيرة اوى مش "جولى" اللى بعرفها وانا مستغربة تانى مرة حد يقولى انى متغيرة قام الاخ دخل على برايفت محبش يكتب على العام كان بس مستمع قالى مش قولتلك انك متغيرة جدآ وانا سكت ولا برد عليهم وهى مصرة تكلم وعاوزانى ارد عليها وانا مليش نفس اتكلم .

فى الاخر الاخ اظن انه حساس اوى استأذن مننا فطلبت منه انه يقعد معانا مفيش اسرار بنتكلم فيها دا كلام عادى جدآ فهو اصر وقال عنده ميعاد مع صاحبه وهيرجع تانى ونعمله دعوة ينضم معانا وبعد ماخرج بتقولى انتى بتعملى فى نفسك ايه مالك كدا عايشه لوحدك ولا بتكلمى حد قوليلى انتى اسلمتى قولتلها لاء ولا افكر وشرحتلها كل شىء الى حصل معايا وانا بالاسم الجديد طبعآ بما انها صاحبت اختى وادمن معايا فى الروم ونعرف بعض قالتلى انتى الى بتعمليه غلط وانا كمان غلطت بس وقفت عند حد وراجعت نفسي لقيت نفسى مخطئة ونصحتك لكن كانوا بيشجعوكى وانتى تماديتى اكتر من اللازم وقولتلها انا سبب طردك من الروم قالتلى اعرف دا ومش زعلانه ولا تهمنى الروم مش فارقه عندى بس اللى لازم تعمليه دلوقتى تصححى كل شىء فى حياتك قولتلها دا صعب جدآ انتى عاوزانى ارجع زى ماكنت بداية حياتى امر مستحيل مش ان الوضع دا مناسبني لاء بس ازاى انتى لو بنيتى بيت ترجعى بعد السنين كلها تقولى فيه حيطة مايله فى البيت لازم اهد البيت كله وارجع ابنيه تانى دا امر صعب قالت انا هساعدك وهخلى "هند" تساعدك وكلنا نوقف جنبك قولتلها "هند" خلاص ولا تفكر انها تساعدنى بعد اللى عملته فيها انا ندمانه انى اسأت ليها متتصوريش قد ايه الالم الى جوايا لما افتكر كل كلمة كتبتها وقولتها "لهند" مع انها عمرها فى حياتها مااسأتش ليا لكن دا تشجيع من "ماما" كانت بيخلينى اثق فى اللى اعمله انه مش غلط قالتلى انا اجيب "هند" ونتكلم مع بعض ولعلمك "هند" طلبت انها تكلمك لما قولتلها انك متغيره ومحدش يعرف فيه ايه انا استغربت ازاى "هند" عاوزة تكلمنى دا امر مش معقول لانها عرفت انى كدبت عليها اكتر من مرة وانا اعملها فخ عشان اهينها كل مرة اكدب عليها يعنى دى محاولة من صديقة واخت لينا تحاول انها تقنعنى انا وتقنع "هند" اننا نتكلم .

ولكن هى بتقولى انا بكلمك بجد "هند" طلبت منى انها تكلمك ولو عاوزة دلوقتى انا اتصل فيها عندى نمرة تلفونها انا كنت فرحانه جدآ ان "هند" عاوزة تكلمنى وفى نفس الوقت مش قادرة اواجهها بعد كل دا .

المصيبة لسانى عاجز يقول كلمة من اللى كنت بقولها اسبوع بحاله ولا شتمت حد مع انى افتح الكمبيوتر فى البيت وماما تقولى فين "السيف البتار" اقولها عاوزاه ليه تبصى فيا كدا باستغراب تقولى مالك انتى عامله ايه فى نفسك اوعى تكونى بتستخدمى مخدرات وانا اتخنق من كلامها واقولها يعنى اى حاجة اسألك فيها معندكيش غير الكلمة دى يعنى حضرتك ماشاء الله تفهمى اوى فى الى بيستخدموا مخدرات شكلهم ازاى تقوم تقولى لاء بس انتى عارفه ان كل يوم لازم نصبح ونمسي على الغباء يعنى يجينى عيا لو مشتمتهوش والله انا مليش نفسي ادخل للمنتدى وافتح صفحاته لحد ماشكت فيا انى اسلمت وبدأت المراقبة فى البيت بيفتكورنى مسلمة اخر مازهقو قالو "دكتور نفسانى" وهو يحل الامر وروحت معاهم بس عشان اريح دماغى منهم ويسيبونى فى حالى وكشف ومش عارفه ايه لكن قالهم "الدكتور" مفيهاش حاجة بس محتاجة فترة نقاها وانا اول مرة ادحك من اسبوع من كلمة فترة نقاها أقول ايوه دلوقتى هيسفرونى سويسر اقضى اسبوع نقاها وارجع وشافنى كدا ضحكت بداؤ يرتاحوا شوية .

ولما رجعت البيت "ماما" زى عادتها قالتلى يلا نبداء البرنامج بتاعنا فتحت صفحة المنتدى وندور على مواضيع "السيف البتار" عشان بس تقول وصلتين من السمفونية بتاعتها وترتاح وتخرج من عندى والوقت دة كلمتنى "ماندولين" صاحبة "هند" وقالتلى انها كلمت "هند" عالموبايل ورتبت اننا نتكلم مع بعض انا فرحت جدآ وقولتلها يبئا بكرة نتقابل فى البالتوك راحت قالت "هند" عاوزة تكلم والدتك بس مش عاوزة "باباكى" يعرف حاجة قولتلها صعب جدآ انى اقول لماما لانها متعرفش انى كلمت "هند" واعرف هى فين واعرف إميلها ولا جبتلها سيرة الكلام دا ولو كلمتها هتشك فيا من تانى فبلاش اكلمها انا انما انتى اتصلى وخلى الكلام بينكم ولا كأنى اعرف قالت خلاص انا هكلمها بس باباكى موجود قولتلها لاء خرج من البيت ولسة مرجعش و10 دقايق والتليفون بيرن الجرس وانا ولا كأنى سامعة و"ماما" ردت على التليفون وانا اتسحبت بشويش عند باب أوضتى عشان اسمع سمعت "ماما" تشتم قولت يلا "ماندولينا" فى البلاك لست عند "ماما" يعنى كل يوم هتنشتم منها .

بعد ماخلصت المكالمة قولتلها ليه "ياماما" صوتك عالى كدا مين الى بيكلمك قالتلى بنت الكلب دى الشرمو## قولت لاء دى على "هند" مليون فى المية وقولتلها مين دى قوليلى وانا افرج الناس عليها قالتلى لاء دى اختك الى متسماش آل ايه جالها عريس قولتلها طب كويس تجوز ودى ولعت فيا تجوز ايه دى كفرت برب المجد يسوع انتى ايه خلاص نسيتى دا قولتلها طب دى بنتك هتعملى ايه ولو مش بتحبك ماكنتش كلمتك شوفتها كدا تبحلق فيا وسكتت والدمعة والله قريبة فى عينها انا سبتها بسرعة ومشيت وعارفه انها هتعيط .

تانى يوم دخلت للبالتوك وجت هند ودخلنا روم خاصة انا اول مادخلت محبتش اخد المايك واتكلم سبت "ماندولين" تتكلم وخلت "هند" تتكلم بعدها بس مقدرتش امسك نفسي من العياط اول ماخدت المايك قالتلى وحشتينى يااختى كان نفسى تضربنى باللى فى رجلها ولا تقولى كدا حسستنى بمعنى الحب الكبير الى فى قلبها رجعت ليا حنان قلبها من تانى قالتلى خدى المايك عاوزة اسمع صوتك واحشنى من زمان مسمعتهوش والله ياجماعة مقدرتش اخد المايك من كتر العياط اللى انا فيه
بعد كل الى عملته فيها والكلام الى قولتو لسه بتحبنى لاء وتحبنى اكتر واكتر من اول .

رفضت اخد المايك وبعد كدا جابو "كريستينا وتريزا" يعنى احب الناس عندى اتجمعوا فى اليوم دا واخويا الكبير جه معاهم والله اول مرة بيحصلى الموقف دا كانت ايدى اتشلت ولسانى اتشل كل واحد بيخد المايك ويكلمنى وبيقولى وحشتينا وبنحبك كلنا واحنا الى بنقولك متزعلش مننا مش احنا الى بنزعل منك انتى انتى غالية عندنا وانا منهارة جدآ من الموقف دا مع ان اخواتى الاثنين مسلمين وبنات خالتى مسيحيين وصحبتنا مسيحية لكن مش بيكرهوا بعض بالعكس اللى عرفته انهم باستمرار بيكلموا مع بعض .

احتقرت نفسي وقتها انا بنت البالتوك مفيش فرق بينى وبين بنات الليل بتوع الكبريهات ولا احترمت نفسي ولا حاجة وافتكرت كلام الاخ الى قالهولى انى هندم وانى هشوف كل شىء قدامى من الى بيشجعونى وبيدحكولى وبالفعل شوفت دا كله .

انا وقتها بس افكر فى الكلام اللى اتقالى واللى كنت بقوله واعيط واخواتى معايا بس لسانى مش قادر ينطق معنديش الجراءة انى اتكلم واللى خلانى اتمنى الموت "هند وتريزا" طلبوا من "اخى" ومن "كريستينا" و"ماندولين" يخرجوا من الروم ويسبونا مع بعض وهما خرجوا واتكلمت "هند" وانا ولا قدرت اتكلم مش قادرة اتكلم ولو اتكلمت مش عارفه اقول ايه .

بعد كدا اتكلمت "تريزا" واصرت عليا انى اخد المايك واكلمها عشان هى خارج مصر وقتها بتدرس فى "ايطاليا" هى واختها وكل شوية تقولى خدى المايك اللى عملته كتبت على التكست وهى زعلت منى وقالتلى انا عاوزة اسمع صوتك انا يمكن انى اموت ولا هشوفك بعد كدا يرضيكى دا عاوزة كدا انتى خلاص متخديش المايك وانا اطمنت عليكى خلاص وهخرج دلوقتى مقدرش اطول فى البالتوك "الدكتور" مانعها من اى مجهود حتى الدراسة فى فترة مرضها اجلتها لما ودعتنى وقالت انها خلاص خرجة من البالتوك كتبتلها لاء متخرجيش عاوزة اكلم معاكى وكتبتلها فى البرايفت بتاعها بس خلى "هند" تخرج من الروم مقدرش اواجهها فى الكلام هيتعبنى نفسيآ لو مخرجتش مش عاوزة اكتب دا على العام يمكن تفهمنى انى بكرهها وتدايق فضلت انى اكتب فى الخاص "لتريزا" وفعلا "تريزا" طلبت من "هند" تسبنا مع بعض شوية وخدت المايك بقولها انا غلطت فى اختى وندمانة على اللى عملته معاها ومع غيرها ولا اقدر انى اواجهها باى كلمة ومش هدخل للبالتوك خالص ولا هفتح الماسنجر انا اول مرة احس انى ضعيفه كدا مقدرش اواجه حد بس هوا دا اللي قدرت اقوله واديتها المايك وهى قالتلى انا عرفت كل شىء والدنيا مش بتوقف عند دا لاء انسى اللى فات كله واختك بتحبك ولا يمكن تزعل منك هى عارفه انك طايشه ومتعوده عليكى واحنا كلنا بنحبك وكلنا معاكى يعنى سايبين الدنيا كلها ومتجمعين هنا عشانك انتى مش عشان حد تانى وانا هخلى اختك تدخل دلوقتى بس اتكلمى معاها لازم تكلميها حسسيها انك انتى مش زعلانه منها .

ودخلت "هند" وخدت المايك قولتلها انا متأسفة على كل الى عملته وقولته عليكى ومقدرتش اكمل بعد كدا كلامى وسبت المايك وكلمتنى هى وقالتلى انتى دلوقتى تقفلى جهازك وترتاحى ولاتفكرى خالص انا بحبك وهفضل احبك لحد ماموت ومش زعلانه منك بس لازم ترتاحى بس قبل ماتمشى هرجعهم للروم كلهم ويسلموا عليكى وتسلمى عليهم مش عاوزة حد يشوفك منكسرة عاوزاكى تدحكى وحشتنى دحكتك وكلامك وانا بشتاق لكلامك زى ماكنا نتكلم فى البيت وندحك مع بعض ودخلتلهم للروم من تانى والله وانا اشوف كلامها وكلامهم بحس بمرارة الالم اللى جوايا من اللى النهج اللى مشيت عليه انحرف مسارى كله واتغيرت حياتى للاسواء بئيت سلعة رخيصة ودا سببه انا رخصت نفسي بس ارتحت شويه لانى كنت مع احب الناس عندى واقربهم ليا وكلمونى بعد كدا واحد واحد واستأذنت منهم وخرجت وقبل مااخرج طلبوا منى انى اوعدهم اننا نجتمع كل اسبوع مع بعض فى روم خاصة ووافقت ووعدتهم وخرجت من البالتوك .


بعد ماخرجت فتحت صفحة المنتدى ودخلت المطبخ اعملى شاى لقيت "ماما" فى حالة غريبة عن كل يوم بقولها مالك فيه حاجة قالتلى لاء بس افكر مع نفسي قولتلها ايه رايك نشرب شاى وانا فاتحه صفحة النت وندخل نتفرج ونشوف البرنامج بتاعك قالتلى مليش نفس قولتلها طب تعالى نشوف اخوكى بيعمل اية مع المسلمين وندحك شوية جت معايا وقعدنا نتفرج على المناظرات وانا مليش نفس انى اشتم حد ومش عاوزة "ماما" تكون متدايقة عاوزة اخرجها من الى هى فيه مع انى ولا سألتها تانى عن اللى هى فيه لكن هى مش مرتاحه واحنا بنتفرج وصلتنى رسالة فى الاميل الا هى بتقولى افتحى الرسالة نشوف من مين قولتلها بتشكى فيا وتفتكرنى مسلمة ولا ايه دحكت قالت ولا اشك فيكى انتى بالذات ولو مش عاوزة تفتحى الرسالة انا هخرج وانتى شوفيها براحتك .

فتحت الرسالة وكانت الرسالة من "اخى" وهو كاتبلى فيها انا بحبك وبموت فيك ولابزعل منك افهمى دا كويس بحبك و"ماما" مستغربه مين دا الى بيكتبلى كدا تقولى مين دا قولتلها دا "عبدالله" قالتلى كمان مسلم وبيحبك قولتلها انا بحبه اكتر من كدا "ماما" اتجننت رجعت تشك تانى بس بتكلم المرة دى بسياسة جديد وتسألنى تعرفيه منين وازاى قولتلها طب نكمل نقراء الرسالة للاخر وهقولك كل شىء متخفيش المرة دى مش هخبى عنك اى حاجة لانى ارتحت اكتر من الاول بكتير اوى اوى
وفى اخر الرسالة بيقولى بوسيلى ماما وقوللها دى من "عبدالله" وهو بيحبك ووحشتيه اوى "ماما" استغربت مين دا الى بيقولى بوسيلى ماما وهى متعرفهوش قولتلها دا ابنك بتقولى مين ابنى قولتلها ياماما دة ابنك بعد ما اسلم غير اسمه وبئا "عبدالله" وكان ليها تأثير على "ماما" الرسالة حست ان "هند وعبدالله" مفتقدين حنناها عليهم وهى مفتقداهم من بعد ماكانوا كل يوم قدمها دلوقتى شهور كاملة ولا شافت حد فيهم لقيت "ماما" زى اللى عاوزة تقول كلام ومترددة وانا مش عاوزاها تكون متدايقة وقولتلها ايه مالك خلاص انتهت الرسالة ودلوقتى هوريكى حجات تدحك اوى اوى
قالتلى انا هروح اريح جسمى فى الاوضى وارجعلك بعدين حسيت بالى فيها "ماما" تعبت كتير بفقدانهم كانت الايام دى صعبة علينا .

كلنا جتنا ورا بعض ودا كله و"بابا" ولا هو هنا يدوب يجى البيت ينام ويقوم من النوم ويخرج ولا نشوفه غير اخر الليل وعدت اسبوعين وانا فى حالة نفسية كويسة وبدخل البالتوك لكن مقربش الروم معرفش ايه اللى كرهنى فيها وبتكلم كل يوم مع الاخ "المسلم" واهزر معاه وادحك واسيبه واتجول فى الرومات الاسلامية واكلم "ماندولين" وهى بتقولى متدخليش اى روم مسيحية ومعانا اخت تانية اسمها "ليندا" كانت ادمن معانا كمان هى كرهت الروم وكل الرومات المسيحية من السفالة والانحطاط الى فيها ولا فيها اى ايمان كلها فساد ودعارة نت وسرقة فلوس الناس بالنصب والاحتيال باسم الرب يسوع

البالتوك فتح عنينا لحجات كتير اوى ورجعنا مع بعض اصحاب من تانى بس على نظافة بعيدة عن الرومات القذرة وبتكلم مع اخواتى وبنات خالتى حسيت بطعم الحب حسيت انى فى مكانتى الطبيعية انسانة محترمة مش فاقدة لأنوثتها ولا خلق ولا اخلاق رخيصة جدآ عند اقذر الناس .

وبدات اكون علاقاتى مع المسلمين بس اللى لسانه طويل مرحمنيش اكلمه باحترام وهو نازل فية شتيمه اقوله خلاص انا توبت ومش بشتم حد وهو بيفتكرنى بكدب عليه زى كل مرة والبنات بيدحكوا عليا لما بنسخ كلامه وندخل روم خاصة اوريهم الكلام بيدحكوا يقولولى دا من اللى كنتى بتعمليه فيه هو مش هيصدقك لحد مايموت اللى عملتيه فيه مش قليل اتحملى بئا وبئا يوميآ هو الى بيدخل على البرايفت ويبتدى يشتم وانا بدحك لحد ماخليت الاخ "المسلم" يرجع يكلمه تانى ودخلنا روم خاصة وقالوا خلاص لحد كدا كفاية وانا اضمنها مش هتشتمك تانى قالوبس مش هعتذر ليها الا لما هى الاول تخد المايك وتعتذرلى لانى جربت اعتذرتلها وهى شتمت وهربت.

انا دحكت وقولت اجننه شوية بس خايفه انى ازعل الاخ اللى وثق فيا واحرجه مع اخوه المسلم يبئا منظره بايخ اوى وخدت المايك واتكلمت بصوت واطى جدآ خلاص بحس انى انثى انسانة محترمة مش اللى كانت ترفع صوتها وتردح لدا وتشرشح لدا
والله هو استغرب من كلامى واعتذرتله وهو مش مصدق ان "جولى" اعتذرتله جتله هستيريا وخد المايك وغلط فى الكلام وقال لاء دى مش "جولى" بنت الكلب الى اعرفها .

قام الاخ طلب المايك وخده منه وقاله انت اخطأت فيها ليه الراجل مستغرب يقوله انا ماأخطأتش فيها ، قالوا لاء انا سجلت الكلام الى دار بينا وسمعه وعادله نفس المقطع اللى شتم فيه حزنت عليه خد المايك ويعتذر تانى ويحلف انه مش قاصد يقولها بس انه مستغرب من انى اعتذرتله وخرجنا من الروم والغريب فى الامر ان الاثنين المسلمين وبكل صراحة محدش فيهم كلمنى فى الدين غير اول مرة اتكلمنا فيها وانا سألته وقولتله انا مستغربه انت ليه مكلمتنيش عن العقايد زى الى بيعملوا اى مسلم دنا اوقات الاقى مسلم بيرخم عليا رغم انى اقوله مش عاوزة اتناقش وهو شغال يتكلم الرب والكتاب ومعرفش ايه لحد مااشتموا ينكتم بسرعة .

قالى انا ممكن اكلمك لو انتى عاوزة لكن محبش انى ادايقك واتكلم فى الدين انا جربت اول مرة ومنفعش معاكى لقيت شتايم منك والافضل انى متكلمش الا لو انتى عاوزة تعرفى حاجة وسألتى ممكن افيدك .

وانهيت كلامى معاه وحمدت الرب انى اتعرفت على انسان مؤدب زى دا غير اللى بكلمهم غالبيتهم قذرين سواء مسلمين او مسيحيين وقفلت الخاص ومعدتش اسيبه كده مفتوح احب احترم نفسي وكنت بدخل باسماء تانيه بس انى اشوف بعض الناس اللى بحترمهم فى البالتوك من مسيحيين او مسلمين لان اسمى معروف فى الرومات من اول ماادخل اى روم كل واحد بيكتب فى التكست الشتامة وصلت واللى يقول بنت برسوم يعنى مشهورة عندهم .

فكنت اعمل اسماء جديدة وادخل اشوفهم ومرة دخلت على واحد "قس" عاملى نفسة بنت مسمي نفسة "نهى 15" واللى عرفنى انه هو "القس" اللى عامل كدا وحدة "مسلمة" كانت ادمن فى روم "الشيخ الراجى" وبعرفها قالتلى انها كلمته تفتكره بنت مرتدة عن الاسلام بس هو خد المايك وكلمها وقالها لاء دا اسم مراتى وانا دخلت بيه دلوقتى بس ترجع اخليها تكلمك قولتلها انا هدخل عليه انسخلك الكلام كله ودخلت اكلمه على اساس انه بنت بقوله ازاى مسلمة وبتسمع لروم مسيحية وهما بيشتموا دينها قالى انها مقهورة بجد ونفسي اقتلهم بس مستنيه اخد المايك وارد عليهم وافحمهم وسألنى انتى مسلمة قولت امشى الدور معاه قولتله ايوة مسلمة
وقالى طب جيتى ليه روم مسيحية قولتله عاوزة اى مسيحي اتناقش معاه بعيد عن الروم وانصحه وكدا يعنى .

قام الغبى من غباءة قالى تصدقى ان الروم دى بيكلموا كلام يصدم اى مسلم وانا عملت فيه دور استعباط لاخر حد قولتله ازاى يعنى مش فاهمه قالى الكلام الى بيقولوه بجد كلة حقيقي ودا فى دينا موجود بس لازم اكابر قدام الناس واقول دا كدب وانا بدحك من جوايا قولتله صح كدا وقالى انا باب امام جامع قولت انعم واكرم اسطوانة 15 حافظاها يلا الراجل هيبتدى بموسيقى كلاسيكية من اولها وينتهى باسطوانة 70 يعنى يتنصر وخلصت الحدودته وجاريته على كلامه وكلمت الاخت المسلمة وقولتلها بصى انا هواصل كلام معاه ونفس الدور هوبنت وانا مسلمة اشوف نهايتها بس وكان كلامى صح قالى بصى انا بصراحة اقتنعت بكلامهم والكدب عندنا حرام بس هخد المايك واعترف ان كلامهم صح وطالما كلامهم صح يبئا دينهم هو الصح وقتها انا دحكت من قلبى والاخت المسلمة بتدحك وانا كل كلمة انسخها واحطها فى البرايفت عندها
اخر حاجة قالى وانتى ايه رايك قولتله متخفش ياابونا انا فى نفس سكتك بس خلى برسوم يعمدك ودحكت قالى يعنى ايه "ابونا" قولتله بلاش غباء اعرفك ولو راجل ادخل معايا روم خاصة وانا اسمعك شىء يعجبك ياكداب "قس" و تكدب وتعملى بنت انت عرة الرجاله واهنته وهوا زى الجزمة ولا فتح بؤة وقولتله انا "جوليان" الادمن كدا عرفتنى بس دارى فضيحتك دى دا خلانى معلقه من غير دين وانا من الاول الايمان عندى صفر فى اليمين وصفر فى الشمال ودا زود الناقص وانا اتشجعت اكتر واهنته لانه "قس" وكداب لاء وعاملى بنت زليته فى البالتوك الفترة دى وخليت الاخت المسلمة تعمل نشرة على اسمه وتحذر الناس وهوا كل همه انى متكلمش عند حد وبئا يكلمنى باسمه الحقيقي ازيك يابنتى والرب يسوع قال معرفش ايه وايه وانا ادحك احرق دمه وهوا ولا ينطق بكلمة لما ادحك نفسه يقتلنى لانه عايش فى مصر وبيعرف ان لسانى طويل عشان كدا بيعاملنى باسطوانة رقم 10 وحكيت البنات اللى كانوا ادمن معايا واخواتى يعنى فضحته بس على حدود الى بحبهم بس .

وبعد كدا لقيت "ماندولين" اتوجهت للرومات الاسلامية بتتناقش معاهم وتسأل و"ليندا" نفس الطريقة والاثنين محترمين مش من الى بيشتموا وانا كنت احيانآ بدخل رومات بأسم جديد بس عشان اسمع اجابات عن الاسئلة الى تنطرح باستمرار ومرة كدا بعت "لهند" رسالة اسألها حاجات فى الاسلام و"هند" فرحت اوى وصورتلى صفحة كاملة فيها رد على الشبهة دى ولما فتحت الرسالة لقيت الصورة الى صورتها من المنتدى وكانت صدمة رهيبة الكاتب "السيف البتار" بس شوفت الاسم قفلت الرسالة بسرعة خوفت بعد يومين تقولى لو عاوزة ابعتلك عن كل الشبهات وانتى تقراءى براحتك فيهم واى سؤال قوليلى وانا اطرحة عليهم واجبلك جواب قولتلها لاء متبعتيش حاجة استغربت ليه اقولها كدا قولتلها لو تحبى تبعتى بس ميكونش دة الكاتب اى حد تانى غيره كلمتنى بالتليفون تقولى انتى تعرفيه منين قولتلها لاء دا صاحب "ماما" ودحكت "هند" مش فاهمه بتقولى يعنى "ماما" تعرفه منين هى بتدخل المنتدى قولتلها لاء بس ندخل زوار و"ماما" شغاله صبح وليل شتيمه فيه دا ارهابى دا مش عارفه ايه وانا ادحك قالتلى طيب كويس انها عرفت المنتدى قولتلها متخفيش دخلنا واخترقنا المنتدى وعملنا بلاوى فى كم منتدى و"ماما" تشجعنى وتشتريلي شوكلاته وانا اشتغل بس قالتلى انا اكلم "ماما" واتفاهم معاها وبدات "هند" تتواصل بالتليفونات مع "ماما" وانا ولا كأنى اعرف وخلت "اخى" يكلم "ماما" كل اسبوع خصوصآ انه اتجوز بنت خالتى وهى اسلمت وهربت من بيتهم وخرجها من مصر وبعد اسبوع متواصل مكالمات بين "هند" و"ماما" رجعت "ماما" تحب "هند" تانى وتسمع منها كلام بالرغم من انها مش متقبله كلام "هند" بس بتسمعلها بدون اقتناع ونسينا الفترات الى مرينا بيها فى البيت .

جتلنا مشكلة وكانت طامة كبيرة وهى ان اصغر واحد فينا اكتشفنا انه مسلم كدا 3 مسلمين مبئاش غيرى "انا" بس و"ماما" و"بابا" احنا ولدين وبنتين ودا لسه صغير عنده 15 سنة والمصيبه "انا" و"ماما" شوفناه خارج من جامع فى صلاة المغرب بالصدفة كنا بنزور خالتى فى العجوزة وشوفنا دا خارج من الجامع "ماما" وقفت مكانها مقدرتش تتحرك من الصدمة وانا خلاص خايفه يجرالها حاجة واقولها خلينا نمش بس من قدام الناس ومش عاوزينه يعرف اننا شوفناه لحسن يهرب ولا يجراله اى مصيبة .

بالعافية ركبنا تاكسي وروحنا البيت واول مادخل البيت "ماما" تسأله كنت فين قالى كنت مع صحابى فى نادى التوفيقية عاملين حفلة وعزمونى هناك سابته لحد ماجه "بابا" وقالتله الى حصل بس بابا كان وقتها عنيف جدآ نزل فيه ضرب قتله من كترة الضرب وهو مسكين بينزف دم من الضرب قتله من الضرب ورجعنا نعانى من تانى دا لسه صغير وماما وبابا دخلوا فى مشاكل ماما تقول لبابا دة كله منك انت اهملت ولادك لحد ماضاعوا منك وكفروا بدينهم وبيسوع كل دا من تحت راسك انت .

وهى كم يوم بس وسلموه للدير ولا نعرف هو فين لحد دلوقتى وانا اتخنقت من نفسي كدا فقدت واحد على الاقل البقية اعرف اكلمهم مش مشكلة عندى اى دين هما فيه ولا بيهمنى المهم اننا متواصلين لكن دا مفيش اى شىء عنه ودا سبب كرهنى فى شىء اسمه مسيحية مفيش رحمة مع طفل معيشنا فى ارهاب باسم الرب كل مصيبة باسم الرب تحصلنا وزاد الطينة بله "القس لوفى يو اس" دخلت للبالتوك اكلم "هند" ملقتهاش خليت "ماندولين" تكلمها على الموبايل لان "بابا" خد الموبايل منى خلاص المراقبة اشتغلت وواحد قاعدلى فى البيت مخصوص عشانى من "خيلانى" بيسكر ويشرب بانجو ومرتاح موفرله بابا كل شىء عشان يراقبنى لحد مايرجع بابا هو يروح .

المهم "هند" دخلت البالتوك بعد ماكلمتها "ماندولين" وقولتلها كل شىء حصل قالتلى ان شاء الله نشوف اى حل ونخرجه بس نفكر بهدوء ونعرف هو فين الاول وقالتلى ادخلى الروم دلوقتى عشان لو جه جنب منك "خالك" بيشوفك انك تسمعى مناظرة وانا فى الروم معاكى مش عاوزاه يعرف انى بكلمك ودخلت الروم و"لوفى يو اس" سألوه سؤال هل الله الاب يحتاج او مش بيحتاج لحد قالهم بيحتاج وهما بدعوا فيه رجع انكر كلامه قالهم الله مش بيحتاج لاى شىء وحلف لهم بيسوع وانا اتعجبت من اخر انسان اتخدعت فيه مع انى كنت مرتاحه من كلامه وانا كنت فى حالة سيئة لكن فى الموقف دا خلاص وسمعوه تسجيل لكلامه اتخرس ولا نطق .

دخلت عليه برايفت قولتله "يلبوفى يو" استغرب انى اقول اسمه كده من غير ألقاب زى الاول قولتله مش حرام تحلف هل الرب قال احلف والله قالى كلمه وحدة بس انتى شيطانه وعملى بلوك بس مرحمتهوش انا قرفانه من نفسى وبفكر فى اخويا نزلت كل دا عليه فى التكست لحد مانقطونى وانا بردوا اكتب واشتموا وفى الاخر باونص من الروم ولما انطردت كلمتنى "هند" قالتلى متخفيش هكلمهم يرجعوكى للروم بس انا خارجه دلوقتى عشان اصلى وهتأخر بس احاول اتصل على "ماما" اخر الليل قولتلها متتصليش عندنا مراقب فى البيت بس نشوف ترتيب وابلغك قالتلى اوكى المهم اى وقت تدخلى للروم هنا روحى لواحد اسمة "معاذ عليان" وقوليله انا اخت "هند" بس ومتخفيش من حاجة ولا تشتمى حد لانك لو شتمتى وهو عرف انك اختى منظرى هيبئا وحش ومش هقدر ادخل تانى البالتوك قولتلها ولايهمك.

وكلمت الاخ "معاذ" وبعد كم يوم اتخانقت مع ادمن اسمه "ميمو" كذب عليا وانا اتنرفزت محبش الى بيكذب كدا عليا ومدخلتش الروم غير اما لقيت واحد اسمة "اسد" قعد يكلمنى وبسأله عن شبهات واللى فى التكست نازلين عليا شتيمه بس كنت بعذرهم لانى ياماشتمتهم كنت اتمسكن ليهم واقولهم خلاص انا عاوزة اعرف عن الحق بس اطمنهم كم دقيقة وانزل عليهم شتيمه واجننهم واهرب يعنى كنت مؤذية لكل واحد محترم او غير محترم مكنتش افرق وبعد كدا خلاص البيت كله هم وغم وانا متراقبه وعملنا تمثلية اتفقنا عليها فى البالتوك اما اجتمعنا و"هند" عندها خبرة فى الحاجات دى قبل ماتسلم وعشان اخد راحتى واتيقن من كل اللى عندى من شكوك عن الاسلام "هند" عملت نفسها عربية وعاوزة تتنصر وكان المراقب عندى طول السنة مش فى وعيه وضافته على الماسنجر وبئت تتكلم معاه فى الاوقات الى بدخل فيها للبالتوك بتشغله عنى وخد نمرت الموبايل منها بس هى قالتله مقدرش اكلمك من الموبايل عشان اهلى لكن ارن عليك رنه تقوم تفتح الماسنجر وهو عبيط وافق .

وكنت بدخل عندكم زائرة اقراء فى المواضيع وارجع اسأل فى البالتوك و"هند" تجبلى فايلات فيها ردود ومحتفظة بيها لحد النهاردة لانها ذكرى جميلة مريت بمراحل صعبة اوى لحد مااتعرفت على اخت عن طريق "هند" اسمها "امة الملك" دى عزيزة عليا جدآ كنت اكلمها باستمرار وتجبلى ردود على اسئلة بسألها عليها وفهمتها وضعى واتكلمت مع "هند" ورتبوا مع بعض ازاى تشغل الجزمجى الى هو كان بيراقبنى مسمينة الجزمجى يعنى الكود بتاعة دا ودعيت ربنا اكتر من مرة انه بس يعرفنى الحق فين عاوزة ارتاح من اللى انا فيه واعانى منه
لحد ماجه علي وقت انا كنت اقراء للاخ "خوليوا" مناظرة عملها واحد جربان اسمة "عصام" وفى الاخر طردوا الاخ "خوليوا" وانا ادحك من الى مكتوب فى المشاركات عن الاسم الأصلي نصارى مش مسيحيين و"هند" مش مقصرة تبعتلى لنكات لكل المناظرات وانا اقراء فيها طول ماالجومجى شغلاه هى انا اقراء وانا مرتاحة ومناظرة "للسيف البتار" مع بنت اسمها "نادية" دا غير المواضيع الى تنكتب كنت اتابعها من اللنك الى عندى وكنت احتفظ بالفايلات واللنكات فى رسايل الاميل عشان محدش يشوفها فوق سطح المكتب مش ناقصين وقتها تجيلنا مصيبة واستمريت اسبوعين على الحال دا متابعة لكل المواضيع وادخل الرومات بأسماء رجالة عشان محدش يعرفنى بس انقطعت عن كل الى بيعرفون الاسبوعين دى مفيش غير "هند" والاخت "امة الملك" بس الى اكلمهم وانا اقتنعت مع نفسي ان دا الحق واتيقنت انى انا على باطل بس الخوف هو اللى كان مسيطر عليا يعنى كدا البيت كله بيسلم هيتجننوا .

وسألت "هند" لو ينفع ابئا مسلمة بس فى السر محدش يعرف قالتلى انتى اسلمى وبعد كدا نشوف ازاى نتصرف وخلت الاخت "امة الملك" تكلمنى وهى تشغل الجزمجى والحمدلله نطقت الشهادة معاها ربنا اكرمنى وكانت اسعد لحظة فى حياتى وهى اللى كانت تعلمنى ازاى اغتسل وازاى اصلى وكانت تدخلنى روم خاصة وتعلمنى فى القرآن اسبوع بحالة لحد ماطب عليا الجزمجى وكانت مصيبة الله يحرقة عملى فضيحة وانا انكرت وقلتلهم دا سكران مش فايق بيهلوس لكن هما عملوا انهم مصدقين كلامى وتانى يوم وانا فى الدير وطول وقتى انكر دا وقولتلهم دا بيسكر وعاوز يتهجم عليا ولما اتخانقت معاه وقلتله هشتكيك لبابا اتهمنى انى مسلمة وانتوا صدقتوا كلامه ووحدة جارتنا كلمته و"كريستينا" كلمت ماما وقالتلها انى فى الدير محبوسة وهى كلمت "هند" ومفيش 13 يوم الجزمجى خد رشوة بالدولار وغير كلامه قال لبابا انا شكيت فيها بس مش متأكد من دا وعملوا خناقة كبيرة وساعتها صدقونى انى على حق وخرجت من الدير وقعدت يومين فى بيتنا لحد مابابا قالى نسفرك مع بنات خالتك تدرسي فى ايطاليا وانا وافقت بسرعة عاوزة اهرب منهم بس هو بس استخرج لى جواز السفر من هنا و"هند" وجوزها و2 من قرايبة قاعدين فى مصر ومحدش بيعرف غيري انا والجزمجى عشان رشوة وسرقت جواز السفر من غير مايحس بابا وتانى يوم نزلت من البيت عشان اروح للكنيسة اتصلت على "هند" واديتهم الجواز وبعد يومين قولتلهم هنزل السوق اشترى هدوم عشان اجهز للسفر ونزلت انا و"ماما" وفى زحمة وسط البلد هربت منها ورحت لبيت "هند" وخلاص ودعت البلد كلها وخرجت من مصر ومكلمتش "ماما" ولا حد غير بعد شهر ولاقولتلهم انا فين بس قولتلهم انا مسلمة ومقدرش ارجع تانى لانى بعرف اية الى هيجراللى ساعتها اتجنن البيت كله اسلم وكله من "هند" مبيعرفش غيرها هى الشيطانه عنده يحب الشيطان ولا يحب "هند" .

بس وقتها حسيت بالراحة كرهت البالتوك وكرهت كل حاجة عاوزة اعيش محترمة كفاية اللى كنت فيه حسيت بقيمتى والله ارتحت نفسيآ وبعدت عن الكمبيوتر خالص وسكنتنى فى مكة عند الحرم على طول فى بيت اخت جوزها قعدت هناك لانى ارتحت كتير اوى بينزلونى الحرم كل يوم اصلى فيه لحد ماعرفت السكة وكنت اروح من الظهر لحد صلاة العشا ارجع للبيت استمريت 3 شهور .

بعد كدا بئيت انزل كل اسبوع بيت "هند" يوم الاربعاء واروح من عندها الجمعة بالليل رجعت تانى للكمبيوتر كل اسبوع كنت ادخل البالتوك اقولهم خلاص انا مسلمة واحلف لهم بيطردونى من الروم عقدونى خلاص يعنى لو قولت مسيحية كانوا سابونى بس بطلت اشتم لسانى نظف عن اول بكتير وبطلت اخترق مواقع مسلمة وعاهدت ربنا معملش كدا تانى خلاص توبت لربنا
بس الى بيشتمنى اخترق جهازه هو ازله عشان ارتاح بدل مااشتموا اغيرله الباسووردات الى عنده كلها وكدا اعمل فيه اى موقع محجوب والاقى مسلم محتاج حاجة من الموقع اساعده اخليه يدخله مجرد مايبعتلى لنك الموقع المحجوب ارجعله اللنك اخليه يدخل للموقع يعنى اساعده بس بشرط ميكونش بيعمل خطيئه لانه لو كذب عليا ادمرله جهازه اخليه يندم والحمدلله بدرس دلوقتى فى مكة اتعلم لسة فى مدرسة الدرر السنية وحفظت جزء واحد بس فى القرآن يعنى دلوقتى 6 شهور جزء واحد انا كسلانة اوى اوى لكن ان شاء الله اتعلم شوية شوية

واتقدملى عريس بس طهقت حياته وارتحت منه حبيت انى اتأكد منه ازاى اخلاقه "عموا محمد" ادانى اميله اخترقت اميله ولقيته بيكلم بنت بكلام وحش وكلمت "عموا محمد" وسأله انت بتكلم بنات الكذاب حلف بالله انه مبيكلمش بنات وانا دخلت عليه تانى وهو بيكلم بنت قعدت اكتبله على الماسنجر واحركله الماوس وكتبتله اسمى وبعد مااتأكد انة فيه هكر عامله شغل فى الجهاز خلاص كدا اتأكد انى فضحته سرقتله الماسنجر لحد النهاردة علمته الادب هى دى العادة السيئة الى فيا لكن من حقى اسأل عن العريس .



وانا حقيقة بعتذرلكم وأتأسف عن اللى حصل منى لمنتداكم انا كنت متغاظة من اختى انها كفرت بربها عشان كدا كنت بنتقم منكم وانتوا ولا تعرفونى ملكمش ذنب لكن معرفش اقولكم اية بيكفى انكم استضفتونى احسن استضافة وكلكم محترمين وبعتزر لاخواتى فى "منتدى البشارة" على الى عملته فيهم وبعتذر للاخ "المشرف" فى "حراس العقيدة" انلى اخترقت المنتدى وقدرت ادخل باسم "هند" وخليته يفضح مكانها اقوله سامحنى ربنا يباركك كنت انسانه مش مسلمة وغيرتى على ماكنت عليه من دين وعلى اختى هى الى خلتنى اعمل كدا .

انا حذفت هنا فى "اتباع المرسلين" كم موضوع من غيظى من اللى بينكتب عن عقيدتى السابقة وارجوكم انكم تسامحونى انا بئيت اختكم دلوقتى وبصراحة كان نفسي اعرفكم بشخصيتى ولكن معنديش جرأة اعترف مين انا بعد الى شوفته منكم من كرم وحسن الخلق والمعاملة من كل عضو او ادارى كلكم اهلى وناسى وربنا بحب المنتدى دا واعتبره بيتى واللى فيه اخواتى وشوفت غيرتكم على اخواتكم المسلمين الجدد وانا مسيحية وكانت مثال جميل جدآ وانا اللى دخلت هنا اكتر من عضو مسيحي كله عشان يشتمكم ويشوشر صورت اختى قدامكم عشان تطردوها وشتمت فيها واقدر اثر عليا لكن كل مرة تغلبونى فيها معرفش ازاى اكفر عن غلطتى انا ندمانة وصدقونى كل يوم انا لما بدخل للمنتدى واشارك فيه واسجل خروجى ببئا فاتحة صفحة المنتدى زائرة وافتكر كل الى عملته انا مقدرش انسى دا لكن اتمنى انكم تسامحونى على كل اللى عملته وتبلغوا "البشارة" و"حراس العقيدة" انى اخطأت فيهم وأذيتهم وانهم يسامحونى ولو قدرت امتلك الجرأة واقول مين انا هقولكم ولكن مقدرش الامر دا بيدايقنى كتير بيعذبنى انى اذيت ناس بدون اى سبب صدقونى حتى معرفش اعبر لكم عن الى جوايا لكن كلماتى دى بكتبها من قلبي ربنا يبارككم


انتهى .

أنتقلت الأخت "سمية" إلى الرفيق الأعلى والآن هي في دار الحق وبين يدي الرحمن الرحيم ... هذا رسالة ليس لها عنوان واحد إلا :

رد المظلمة

وبصفتي الشخصية أعلنها وعلى الملأ بأنني سامحتك عن كل ما بدر منكِ في حقي الشخصي أو في حقي كمدير لأي منتدى إسلامي .