صاحب الحوار الاخ الفاضل مدير منتدى اتباع المرسلين السيف البتار مناظر
نحسبه على خير ولا نزكى على الله احد
اترككم مع باقى الرسالة
بداية احب ان اعرف بنفسي انا "جوليان جرجس" عندى 18 سنة من اسرة متواضعة بابا خادم فى كنيسة مارمرقص فى الجيزة .
بداية قصتى مع الاسلام وهى كانت بداية المشاكل الاسرية واسبابها اختى "كاثرين" التي هي "هند" بعد أن أسلمت ، ولما اسلمت واتفضحت انها مسلمة وكفرت بالرب كانت صدمة لينا كلنا .
مش قادرين نورى وشنا للناس من الفضيحة دى وبعد فترة بسيطة بابا قرر انه يسلمها للدير يمكن ترجع عن رأيها وترجع للرب وايمانها إللي كانت عليه بس هى حست بده من كلام بابا وهربت من البيت وبئت فضيحة كبيرة علينا واى حد كان يسأل عنها نقوله دى مسافرة خارج مصر بتدرس وفى نفس الوقت بابا بيدور عليها عند خيلانى ومفيش اى اثر ليها بعد كده بلغنا البوليس عن اختفائها ودورنا فى المستشفيات وكل حتة ملهاش اى اثر وتقريبآ بعد 4 شهور لقيت رسالة من بنت مسلمة فى الاميل وتقول فيها ان "هند" بتسلم علينا وهى بخير عايشة كويس ولكنها مش هترجع للبيت لانها خايفة من بابا يسلمها للدير وانا ضفت البنت المسلمة عندى وكلمتها عشان اعرف مكانها فين ولكنها تقولى متعرفش مكانها هى لقيت الرسالة فى اميلها من "هند" وخدت منها الاميل إللي بعتلها الرسالة وطول ما انا على النت كنت انتظر بس الاميل يكون اون لاين .
انا بعمل الظهور بدون اتصال عشان اول ماشوف الاميل اون لاين اكلم صاحب الاميل لكن مفيش اى فايدة من وقت ماضفته عندى ملقيتهوش اون لاين لمدة اسبوعين بعد كدا يئسنا اننا نلاقيها او نكلمها ومصدقناش صحبته قولنا يمكن دى بتكذب علينا وبعد كدا كنت بلاقى رسايل فى اميلى بتطعن فى دينى كل يوم الاقى كم رسالة ومش بعرف اميل مين ده الى بيبعتلى رسايل .
بعت كم رسالة ليه احاول اعرف هو مين لكن بيبعتلى رسايل ومش بيرد على سؤالى حاولت استفزه لانه واضح انه مسلم او مسلمة لانه بيطعن فى المسيحية ، شتمته فى دينه وفى اهله مخلتش اى كلمة قذرة الا وقلتهاليه .
كل يوم الاقى رسالة منه اقوم بعته رساله واشتمه فيها واستمر الكلام دا شهر بحاله وانا ولا افكر اقراء الرسايل هى اول رسالة قراتها بعد كدا عرفت انها طعن فى دينى بئيت احذف الرسايل من غير ماافتحها وابعتله على طول شتايم .
بعد الشهر ده لقيت اضافة فى البالتوك من اسم ""هند"" استغربت معرفش حد بالاسم ده قبلت الاضافة من بابا الفضول عاوزة اعرف اضافنى ليه .
وجه وقت لقيت اسم "هند" اون لاين فى البالتوك دخلت عليها برايفت وبسألها مين حضرتك فقالت ازايك طنشتها وكررت سؤالى مين حضرتك وعاوزة اية بالظبط قامت تدحك قولتلها دى اخر مرة اسألك فيها والا اعملك بلوك قالت انا "هند" قولتلها بعرف ان حضرتك "هند" لان الاسم ظاهر عندى
اعتقد انك غبية ولا ايه بس مؤكد انك مسلمة شاربه البول لان دى علامات الغباء عندكم انا عاوزة استفزها عشان اعرف هى مين بردو تقولى انا هند خلتنى اتنرفز اكتر قولتلها انتى منكوحة عشان كدا بتدورى على النكاح ومش بينفع معايا اسلوبك القذر دا انا بنت مش راجل ياغبية .
قالت انا بعرف انك بنت وجبتلى اسماء اخواتى جننتنى قولت دى تعرفنى بس بتعمل مقلب فيا وفى الاخر قالت انا "كاثرين" مصدقتهاش خرجت من الروم اللى انا فيها وفتحت روم خاصة وبعتلها دعوة عاوزة اتأكد منها ودخلنا لروم خاصة وهى اتكلمت على المايك ساعتها اتأكدت انها اختى قعدت اتكلم معاها بسألها انتى فين لكن متردش على سؤالى تقولى انا بخير وكويسة .
وبعد كدا هكلمك باستمرار بس متقوليش لبابا او ماما او اى حد انى كلمتك حاولت ألعب بعواطفها وقولتلها أباكي عيان لازم تجى يمكن يموت حالته خطير اوى دحكت وقالت سبيكى من الحركات دى انا اعرف انه بخير وبتوصلنى اخباركم كل يوم حاولت اكتر من مرة معاها انها ترجع تانى للبيت او تتصل بس ببابا او تقولنا مكانها فين لكن مفيش فايده وبئينا نتكلم كل يوم تقريبآ فى البالتوك وانا اول مابدخل الروم ابعتلها دعوة اقول يمكن تسمع كلام فى الروم عن الاسلام وعن اللى بيتقال عليه وتغير رأيها ومفيش اى حل دى مصممة على اللى هيا فيه .
خليت كم وحدة تكلمها من اللى هى تعرفهم وهما ادمن فى الروم قولت يمكن يوضحولها اللى هى فيه انه غلط وانها كفرت بالرب يسوع اللى فداها وعمل كل ده ومات عشانها .
لحد ماشوفت انه مفيش اى حل معاها قولت خلاص قرفت منها لزم استخدم معاها طريقتى فى الحوار مع المسلمين وكل يوم اديها شتايم وانرفزها كل يوم واى وقت اشتمها بحس انى فرحانه فيها لانى اخرستها مش بخليها ترد وتقفل البالتوك بسرعة وابعتلها رسايل اوف لاين اقول يمكن تفتح البالتوك ومتعملش اون لاين او فى وقت مكونش موجودة تلاقى الشتايم وتنحرق اعصابها المهم لازم انرفزها كل يوم
وفى نفس الوقت الرسايل اللى كانت تجينى على الاميل مستمرة وشكيت انها هى اللى تبعتها او حد بتعرفه مسلم لغاية ماجه واحد مسيحي اسمه "انطونيو" قالى هى اختك فين استغربت من سؤاله قولتله تسأل ليه قالى انا سمعت انها اسلمت كذبت الكلام ده وقولتله متصدقش اى حد يوقلك كلام مش معقوله تكفر بدينها دى ايمانها قوى بالرب يسوع .
وهوا برده مصر وقالى انا متأكد انها اسلمت انا مسمعتش من حد لكن انا لقيتها فى منتدى اسلامى قولتله يمكن تشابة اسماء بس مش اكتر قالى لاء هى قولتله ازاى اتأكدت انت قالى من كلامها الى كتبته انها هربت من البيت وكانت كاتبه كمان انها عرفت الاخ الى خلاها تسلم من منتدى انجيلى لانها عضوه فيه .
طلبت منه اسم المنتدى او لنك الموضوع عاوزة اتأكد بنفسي من الكلام دا وخدت اللنك منه ودخلت زائرة وقرأت الى كتبته وساعتها اتأكدت انها "كاثرين" وفكرت انى اعمل اى حاجة انى اعرف مكانها فين عشان اقول لبابا وجت فكرت انى اقوله انها فى المنتدى دا بس كدا ممكن هى تهرب من المنتدى ومتدخلش فيه تانى لو بابا دخلها هنا .
بعد كدا اتفقت مع "انطونيو" انه يدخل يشكك فيها ويتهجم عليها لانى بعرفها هتخاف بسرعة وترتبك ومتعرفش ترد وهو نفذ ده وشكك انها كانت مسيحية اكتر من مرة لكن بلاقى اللى بيكتبه بيتحذف بسرعة وبيهاجموه كل اللى فى المنتدى واحنا عاوزينكم تشكو فيها بس عشان تنطرد من المنتدى ويبئا دا مصلحة حلوة ليا عشان اقدر ارجعها لايمانها بربها يسوع واقولها اهو اللى احتميتى فيهم طردوكي وهما مسلمين لكن للاسف ولا حد طردها وكل محاوله اعملها بتفشل وكدا انا اتغاظ اكتر واكتر واشتمها كل ساعة فى البالتوك لحد ماكلمنى واحد مسيحي فى البالتوك قالى انه هيدخل باسم مسلم ويحاول يبعتلها رسالة على اساس انه مسلم وبيعرض عليها مساعدة وبالفعل دخل للمنتدى بس مقدرش يبعتلها اى رسالة لانه عضو جديد لسه والرسايل مبيقدرش يستخدمها وانا اتغاظ ومعنديش صبر انه يشارك وتكون مشاركاته كتير عشان يقدر يبعتلها رسالة .
وفى مرة جانى برنامج من واحد محترف فى الهكر وطلبت منه شرح للبرنامج وايه نسبة نجاحه اللى اعمله وكدا يعنى خدت الشرح واتدربت على البرنامج على المنتديات الاسلامية كنت وخداها لمؤخذة حقل تجارب واول منتدى اخترقته هو "البشارة الاسلامية" كنت انتقم لوحدة صحبتى من المنتدى معرفش هى عملت ايه بس المهم عندى هو الانتقام من اى مسلم سواء فى البالتوك او المنتديات .
المهم دخلت "للبشارة" واخترقته وحذفت بعض المواضيع منه ووقتها انا اسعد انسانه فى الدنيا لانه عندى سلاح ادمر فيه اى شىء اسلامى وبعد ماانتهيت من "البشارة" دخلت عندكم (اتباع المرسلين) واخترقت المنتدى بس منتداكم (اتباع المرسلين) اخترقته لسببين الاول والاهم عندى انى اعرف الايبي الى بتدخل منه اختى وقدرت اجيب الايبي وبكدا اقدر اعرف مكانها كدا الدنيا مش سايعانى من الفرح والامر التانى هو "السيف البتار" من اللى كان بيكتبه عن الرب يسوع بس دا بطلب من ماما شجعتنى لاننا مقهورين منه وماما تنزل شتيمه فيه وانا ادحك وحذفتله كم موضوع وبعد كده الاقيهم بينزلوا نفس الموضوع وفيه احد اسمة "شبكة بن مريم" فى مشاركة بيقوله انا رجعت الموضوع ده مع ان الهكر حذفوه خلانى اتغاظ كتير .
ودخلت تانى للمنتدى اخترقه وكن بعطله كم يوم وانا افرح بده وماما تنزل فيكم كلكم شتم وشمتانين فيكم بعد كدا جتنى فكرة انى اخترق الاميل الى بيبعتلى الرسايل وطنشت المنتدى لانه ملهوش اى اهميه اخدت رقم الايبي لاختى وكدا اقدر اعرف مكانها خلاص لكن لقيت انها بتستخدم برنامج بيغير الايبي اتدمرت بده مقدرتش احدد المكان واجلت فكرة انى اخترق الاميل الى بيبعت رسايل ورجعت للمنتدى فكرت فى حاجة وجت فى التوب عندى وهى انى اخذت عنوان الموضوع بتاعها واعمل سيرش فى جوجل لانى اما اخترقت منتدى "البشارة" قرات بعض المواضيع فيه عن الى اسلمو ولقيت عندكم كمان نفس المواضيع وكلها متطابقة ودا يبين لينا انها تمثلية وانا اعرف ان اختى اسلمت لكن البقية الgى قرات قصهم دى مفبركة .
المهم بعد البحث فى جوجل لقيت عنوان الموضوع فى منتدى اسمه "حراس العقيدة" وقولت اهو بينسخوا المواضيع عشان كل منتدى يقول دى اسلمت عندنا وانا عارفه خلاص المكان اللى اسلمت فيه اختى وهو منتداكم (اتباع المرسلين) بس ومطمنه انه مفيش مسيحي بيصدق كلامكم وانا قولت مفيش فايدة انى ادخل واقراء نفس الكلام .
وبالصدفة "انطونيو" قالى اختك فى منتدى "حراس العقيدة" لقيتها قولتله انا شوفت الموضوع هناك بس انت عارفه الغباء الاسلامى بينسخوا المواضيع عشان الناس تدخل منتدياتهم قالى لاء هى بنفسها هناك .
عملنا نفس اللى عملناه هنا بس المرة دى دخلت "انطونيو" باسم مسلم ويعمل نفسه انه يبارك لها وفى نفس الوقت يطرح سؤال عليها يمكن نقدر نعرف شىء عنها يدلنا على مكانها لكن المشرف هناك حذف السؤال قولت مبدهاش لازم اخترقه اعلمهم الادب .
والجميل فى المرة دى انى اما اخترقت المنتدى جتنى فكرة معرفش منين جت قولت انا جربت واخدت الايبي بتاعها بس دلوقتى ليه مجربش انى كمان ادخل وشوف بينات التسجيل بتاعتها وقدرت اخدها وشوفت اميلها واتأكدت انها هى الى كانت تبعتلى رسايل لكن دلوقتى الفكرة الى جت صح انى قدرت اعمل نفسى "هند" طبعآ عملت نفسي انى نسيب الباسوورد وكتبت اميلها الى اخدته من البيانات بتاعت التسجيل وبالفعل نجحت الخطة دى مجرد ماكتبت الاميل ظهرت رسالى المنتدى انهم بعتوا رسالة على الاميل فيها الباسوورد وساعتها اخترقت اميلها وخدت الرسالة الى فيها الباسوورد وحذفت الرسالة بسرعة عشان هى متلقيهاش وتشك فى الامر .
ودخلت باسمها وانا فرحانه ولقيت "المشرف" كاتب كم استفسار قولت فرصة استفزه فى الكلام يمكن يقول دى كدابه لسة مسيحية او بتمثل وقدرت استفزه ووقتها اداني اغلى هدية على طبق من دهب عنوان البلد اللى هى فيها قولت دا اغبى مشرف فى الدنيا فضحها قدام الناس انها فى السعودية اليوم دا حسيت انى اول مرة فى حياتى ادوق طعم الفرحة الحقيقية ورحت بعتلها رسالة على الاميل وقولتلها انا عرفت انك "كاثرين" خلاص كدا كشفتك وعرفت انتى فين وهفضحك عند بابا وسبتها .
بعد كم ساعة دخلت للبالتوك وعاملة نفسها ولا كأنها تعرف شىء عشان توهمنى ان الاميل مش بتاعها دخلت عليها برايفت قولتلها يعنى لما بعتلك رسالة دخلتى للبالتوك بسرعة خايفة انى افضحك لقيتها تستعبط وتقولى اى اميل دا اللى بتتكلمى عنه .
قولتلها خلاص انا عرفت انك فى السعودية وعشان تصدقى كلامى عندك رسالة فى المنتدى من وحدة اسمها "اميرة" ساعتها انتهت "هند" جتها حالة رعب قوى قالتلى مين الى عرفك وقالك دا دحكت عليها قولتلها عشان تعرفى ان المسلمين باعوكى برخس التراب عاوزة اكرهها فيكم .
سألتنى عن اسم الى قالى قولتلها متخفيش ادخلى للمنتدى وانتى تعرفى حاولت تدخل مقدرتش لان الباسوورد اتغير من غير علمها قالتلى انها مقدرتش تدخل للمنتدى
قولتلها افتحى صفحة المنتدى مرة تانية وانا اخليكى تدخلى فتحت الصفحة قومت اديتها الباسوورد الجديد قولتلها جربى كدا هتدخلى للمنتدى وبالفعل دخلت المنتدى وقالتلى منين جبتى الباسوورد ومين غيره كدا قولتلها انا بعرف "المشرف" فى المنتدى وطلبت منه انه يغير الباسوورد ويفضحك على العام قدام الناس وهى بكدا صدقتنى لانى اديتها باسوورد محدش بيقدر يعمل كدا غير الادارة او هى بس لكن شككتها فى "المشرف" ولما شافت اللى كتبه المشرف وفضحها هى فى اى بلد قولت خلاص كدا اخر حلاوة قولتلها شوفتى ازاى المسلمين باعوكى ورموكى زى الجزمة لاء الجزمة اغلى منك عندهم دا دينهم خليكى فيه مش عايزاكى ترجعى للرب يسوع ومتنسيش "خالك الكساوى" معاكى فى نفس المنتدى وبكدا اخوكى المسلم فضحك و"خالك" شاف الفضيحة وكل الدنيا شافتها وخلتها تتخانق مع "المشرف" انه فضحها وهى معرفتش انى انا الى اخترقت المنتدى وانا دخلت باسمها خلاص هى متأكدة ان "المشرف" دا هو الى قالى وهو اللى غير الباسوورد وادهولى وبعد خناقتهم سابت المنتدى وانا بتابع كل حاجة وبدحك عليهم واقول لماما بصى الغباء الاسلامى ازاى انا شبطهم ببعض اسهل حاجة انك تدحكى عليهم معندهمش عقل خالص وكدا قدرت اشككها فى المسلمين.
جتنا مصيبة تانية وهى ان "اخى" اسلم وهو اكبر واحد فينا ساعتها نسيت اختى وكل همى فى المصيبة الجديد اللى احنا فيها احنا بنحاول نرجع وحدة يقوم دا يستعبط ويكفر بالرب كلمنا "خالى" قولنا يمكن دا شارب حاجة وطلبت معاه كدا جه "خالى" واتكلم معاه بعد ساعة جه "بابا" ودخل معاهم فى الكلام بس كان ذكى شوية بعد كم ساعة سبوه مع نفسه يفكر شوية ونده على "خالى" طبعآ "بابا" من غير محد ينده عليه قام مع "خالى" هى 20 دقيقة خرجوا بيدحكوا كلهم واحنا فرحنه لما شوفناهم بيدحكو اتأكدنا انها مش صح اسلامه
و"بابا" قال "لماما" ابنك بيسرتن ماما معرفتش يعنى ايه قالها يعنى بالعربي كدة ابنك كان مبرشم وبيكلم من غير وعى دا ريح قلبي من الفضيحة
المهم تانى يوم بابا بعته يجبله اوراق من العربية وهو ماصدق نزل من البيت ولا شوفناه بعد كدا ساعتها .
اتأكدنا كلنا انه كان بيدحك على بابا وخالى واقنعهم بكلامه بس عشان يهرب من البيت وبعد اسبوع بالتحديد وانا اكلم "هند" فى البالتوك بقولها انتى اتكلمتي مع اخويا"مايكل" قالتلى تسألى ليه قولتلها مجرد سؤال بس قالتلى لاء انتى عندك حاجة مش عاوزة تقوليها دا واضح من سؤالك لكن عشان اريحك اعرف هو فين وانا الى خليته يهرب من البيت وهو مسلم قبل منى بس محدش كان بيعرف دا قولتلها انتى شيطانه اكيد ومتحبيش الخير للناس لانك تبعديهم باعمالك القذرة عن الرب يسوع وتضلليهم قفلت بسرعة البرايفت ومشوفتهاش غير بعد 3 ايام دخلت البالتوك وطلبت انها تكلم معايا فى روم خاصة ودخلت معاها لقيتها تكلمنى عن الاسلام عرفت وقتها انها شيطانة كبيرة اوى شتمتها مخلتش شىء الا وقلته خلتها هى الى تهرب .
وكل مرة كدا تفتح موضوع فى الاسلام او تطعن فى دينى اشتمها اخليها تهرب وفى نفس الوقت معنديش ايمان حقيقي بالرب ولكن دا الدين اللى نشأنا عليه والى بيكرهنى فى الدين وخلى ايمانى ضعيف جدآ هو اللى بنعمله فى البالتوك معندناش شىء
اسمة تفسير من تفاسير الاباء كل واحد بيفسر على مزاجة انا كنت احيانآ بسأل ويجاوبونى بكلام بيخالف كلام المفسرين واستغرب من دا قولت خلاص اعوم على عومهم اعمل زيهم وخلاص وكنت من الناس الى بخلى البرايفت فرى اى حد يقدر يدخل يكلمنى مش قالفه الخاص يعنى بجذب المسلمين للحوار ادخل الرومات الاسلامية واعمل اى حاجة على التسكت الفت نظرهم وبعد كدا اخرج من الروم الاقى اكتر من واحد دخل برايفت عليا وانا امسك الواحد فيهم اشتمه فى اهله وفى دينه اخليه يهرب وبالدور وخداهم .
اى حد يكلمنى اعمل نفسي مؤدبة عشان ميهربش اقوله دلوقتى مشغوله انتظر شوية وانا اكلمك لانى وقتها ماسكه مسلم ونازله على دماغه شتايم واشتم دينه وكل شىء مقدس عنده لحد مايهرب ارجع للتانى وكدا على نفس الموال واحينآ اقولهم انا كنت مسلمة واتنصرت واحب انى ارجع للاسلام بس عاوزة حد يفهم فى الاسلام يقدر يرجعنى واول مايبتدى اى حد يتكلم معايا اسيبه لحد ماينسجم فى الكلام ابداء انا دورى اطلب المايك طبعآ فى رومات خاصة المهم بخد المايك هاتك ياشتيمة يابن المتعة يابن يعفور دينك كدا وكدا مفيش كم دقيقة الاقيه هرب من الروم.
واختى ولا تفكر تكلمنى عاملالى بلوك خلاص وانا ارتحت من الى بعمله فى المسلمين كنت اول ماادخل للبالتوك على طول روم "وسام" الفت نظرهم واخرج من الروم الاقى كم واحد جه ورايا يدخولو برايفت اكلمهم بادب شوية بس اديهم امل انى محترمه وباحثة عن الحق برغبة كبيرة واوعدهم انى ارجعلهم وادخل للروم اللى انا فيها الاقى اى حد بيتناقش مع مسلم على طول اطلب المايك وابداء اشرشحله اخليه ولا يسوى حاجة وانزل من على المايك وابداء اشتمه فى البرايفت لحد مايعمل دون ستريب ومع دا مش سايباه اشتمه على التكست وهو لما يخد المايك عشان يرد على الكلام بيقول للادمن الى بيناقشه بص بيشتمونى والادمن بيقوله محدش شتمك كلنا بنحبك ولكن هما بيجيبوا الكلام دا من دينك يبئا تزعل من دينك مش مننا .
المهم اننا نهينه لان المسلم لما يتشتم بيتنرفز وطبعآ وقتها بيسيب الروم ويخرج دى نقطة ضعف فيهم واول مايخرج من الروم نقول للناس اهو اتخرس المسلم ولا قدر يكدب كلامنا هو دا اللى نقوله كله صح من دينه لان فيه ناس متعرفش دينها وكدا يقتنع ان كلامنا صح ويداوم على دخول الروم ولو جه عندنا اى حد وشوفناه بيرد على كلامنا طبعآ اى اجابة مهما كانت صح نقوله لاء انت تدلس ولا تفهم حاجة من دينك ونديله المايك هى بس كلمتين يقولها ننقطت ونخد المايك ونقول للمسلمين اهو اعترف يعنى كلامنا صح كدا عرينا دينكم وفضحناه وظهر قدمكم على حقيقته شيوخكم بيدحكو عليكم وبيستعبطوكم والمسكين الى بيحاورنا يخد باونص من الروم واللى بعده يعنى بس نقوله هل دا الكلام او الحديث موجود فى دينكم بس يخد المايك يقول ايوا وعاوز يشرح ويمط فى الكلام ننقط بس نخد منه كلمة ايوا ورد دوت على طول ونشرشحه فى الروم ويهرب ونقولهم اهو اعترف المسلم لسه انتوا عاوزين الدين المزيف دا .
اهم شىء ننصرهم وفى يوم دخل علينا "مسلم" وكنا 7 اشخاص فى الروم كتب على التكست معلش انا متأسف مكنتش اعرف ان دى روم خاصة وخرج روحت ضفته بسرعة وعملتله انفايت رجع تانى واديته المايك قولتله بس عرفنا عن نفسك اول ماخد المايك خلانى ادحك قال انا اعتذر ليكم والله والله مكنتش اعرف انى دخلت عليكم فى روم خاصة ونزل من على المايك قولتله ازاى روم خاصة لو خاصة مكنتش تقدر تدخلها واديته المايك قالى انا مش متوقع ان 7 فى الروم بس عشان كدا دحكت وقولت دى روم خاصة وحقيقة كان خليجى وكان فى قمة الادب بيتكلم وبيهزر روحت شتمته .
كتبلى على التكست تشتمى ليه هو انا اسأت ليكى ولا عبرته نزلت فيه شتيمة وهو ولا كتب اى كلمة ومخرجش من الروم انا خلاص معنديش اى كلمة اقولها نزلت قاموس الشتايم الى فى العالم ودا تلم ولا هرب سكت كدة دقيقة لقيته كاتب فى التكست انتهيتى من كلامك ولاعبرته اديته شتيمه وسكت وهو مرة تانيه قالى كدا خلاص ولا لسة فيه كمان عشان انتظرك لحد ماتخلصى واخرج لما زهقت قولتله اطلع بره يابن الكلب يابن النكاح بنفس اللفظ دا راح كاتبلى على التكست انا اشكرك على كل كلمة قولتيها مع السلامة وخرج من الروم.
وانا خرجت من البالتوك تانى يوم "هند" لسه شغالة تبعت رسايل قولت مبدهاش لازم امسخرها فى الروم قدام الناس عشان تحرم تبعتلى رسايل فى الاميل بعتلها رسالة قولتلها عاوزة اكلمك فى شىء مهم جدآ وبصراحه عاوزة اتعرف على الاسلام بس بشرط محدش فى الدنيا يعرف دا يكون بينى وبينك وهى المسكينه مصدقتش خبر بعد الرسالة بـ10 دقايق دخلت للبالتوك قولت كلت الطعم بسرعة كلمتنى برايفت وانا وقتها على المايك شغالة ردح وشرشحه فى مسلم وبدعت فيه نزلت من على المايك وخليت "بنت الرب" تواصل المسيرة معاه وقولتلها لوحسيتى انه عاوز يهرب سايسيه بكلمتين حلوين فى البرايفت لحد مارجعله انا لسه عاوزه ادحك وخرجت ودخلت روم خاصة مع "هند" وخلتها تفتتح الجلسة تكلمنى وهى فرحانه وتعيط وتقولى بحبك وانا بدحك واقول داانتى امك داعية عليك وقعتى بسرعة وصدقتى كلامى سبتها تكلم وتشرح وكل شوية اكتبلها سؤال واقولها مش هخد المايك انا هكتب عشان انتى تشرحيلى وافهم بدل ماكل شوية اخد المايك وانزل لاء كدا احسن لحد ماننتهى من اخر سؤال انا اتكلم .
وصدقتنى بسرعة وانا مبسوطة اوى فيها واقول انتى متعرفيش نهايتك ايه لانك بئيتى غبية لما اسلمتى خلاص خلتها تنتهى من كلامها واديتها كم دقيقة تعيط فيهم وانا بدحك بعد كدا قولتلها خلاص قلبي بيوجعنى من عياطك ياحببتى انزلى انزلى بس انا الى هتكلم دلوقتى عاوزة ابداء بسمفونية شرب البول والمتعة بسرعة لان المسلم فى الروم وانا اتاخرت المهم خدت المايك ونزلت على دماغها من الى حوشتهولها طول الفترة الى كانت عاملالى بلوك فيها اتصدمت هى من كلامى وانا اشتم وادحك واقولها شوفتى انك ورثتى غباء المسلمين وقدرت ادحك عليكي اما كنتى مسيحية كنتى واعية ومحدش يقدر يستعبطك يلا خليهم يفيدوكى غباء فوق غباء .
هى انهارت وخرجت بسرعة وانا رجعت للروم لقيت المسلم خلاص انتهى طحنوه فى الروم يدوبك انا دخلت الروم وخدت المايك عملت نفسي انى محترمة واقولهم عيب عليكم دا محترم واحنا اخطأنا فية كفاية كدة الراجل مسكين ياعينى ارتاح وبعتلى وردة حمرا فى التكست قولت اهو غبى تانى وصدقنى قولتله خد المايك وقولى عاوز تناقشنى فى ايه يامسكين خد المايك من هنا يدوب قال انتى انسانه محترمة اوى واحسن انسانه فى الروم وانا اناقشك انتى بس ونتناقش على موضوع رضاعة الكبير دحكت ونقطة ونزلت فيه انت ابن متعة روح اجرى مش عاوزة اكتب اللى بقوله على الرسول ولكن كنت اتهمه اتهامات بشعة والراجل كأنه اتصدم انا لسه بمدح فيه واطمنه واعتذرله عن اول مرة شتمته قبل مااخرج من الروم ورجعت تانى اشتمه وهو خرج بسرعة من الروم وانا عاوزة اخرج بس قولت اصطاد كم واحد قبل ماخرج واجهزهم لبكره ولقيت بالصدفة "المسلم" اللى قال اعتذر انى دخلت عليكم روم خاصة قولت كويس دا حيهرب منى لكن احاول معاه واطمنه واوعده انى احترمه مع ان مفيش يوم بس من وقت ماشتمته .
دخلت عليه برايفت وبعتله وردة وهو بعتلي كمان قولتله انا اعتذر عن اللى قولته ليك فى الروم قالى ممكن اكلمك فى روم خاصة ونستخدم المايك وافقت ودخلنا روم خاصة
وقالى اقفلى الخاص وفجأة دخل واحد على البرايفت قبل ماقفل الخاص بس اية لسانه زفر بس مش اوسخ من لسانى هو يشتم وانا اردله شتيمه والاخ بيتكلم على المايك وانا مش معاه انا مع البرايفت شغاله لانى بحب السمفونية دى بالذات ووصلات الشرشحه واقسم فيها وفى الاخر الاخ بيكلمنى عرف انى مش معاه من البداية قالى لو مشغولة اسيبك انا وامشى ونتكلم وقت تانى قولتله انتظر بس قالى اوكى المهم عملت عليه دور الادب والاحترامى وانى محترمة اوى اوى قولتله بص الاسم دا دخل عليا برايفت وبيشتمنى من غير سبب قالى انا اكلمه متهتميش وهو بسرعة ضافه عنده واظن كلمه بسرعة كدا وعمله دعوة للروم بئنا 3 افراد وبيقوله ازاى تشتمها دى مش اخلاق المسلم لازم نكون قدوة باخلاقنا زى رسولنا وكان كلامه محترم جدآ بدون انفعالات ببرودة اعصاب ومعرفش ازاى اقنعه وخلاه يعتذر لى واداله المايك وهو اول ماطلع على المايك اعتذرلى وقاله يااخى دى شتمتنى انا فى دينى واهلى وشرفى وانا اهو بعتذرلها قدامك مع انه لسانه بينقط زفت بس مش زي انا خالص بعد ماانتهى من كلامه طلبت المايك والمسكين صدق انى محترمة وادانى المايك اول ماخدت المايك قولت والله بالحرف الواحد ملعون ابوكم لابو دينكم ياولاد المتعة والله بس انه كان الوقت متأخر عليا والا كنت طولت فى الوصلات السمفونية بتاعتى وهو غلظنى كتبلى على التكست وقت ماتنتهى قوليلى بكل برود نزلت واديته المايك وبدات على التكست مع السفيه التانى لانى جننته بعد مااعتذر شتمته رجع الاخ دا بيقوله لاتشتمها اهداء كدا رد عليه انت غبى خلتنى اعتذرلوحدة عاهرة لقيته اتنرفز وقاله عيب عليك تقول كلمة زى دى احترمها مهما كان دى بنت مترميش كلمة زى دى عليها انا وقتها اتدايقت لان الراجل دا انا بدات وشتمته فى الروم ودلوقتى فى روم خاصة بردوا مثلت عليه دور الاحترام وفى الاخر شتمته .
التانى خلاص جاله جنون البقر موقفش شغال بيشتم وانا ولا برد عليه طنشته خلاص لسانى تعب من الكلام .
خرجت بسرعة من الروم ودخلت على البرايفت للراجل المحترم اعتذرت ليه عن كلامى وشتايمه قالى مش عاوز منك اعتذار بس انصحك بشىء انتى كدا بتقللى من قدرك امام الناس متفكريش اللى بيدحكلك وبيأيدك على اللى بتعمليه يحبلك الخير بالعكس هتلاقيه اول الناس بيطعن فيكى والايام هتوريكى دا قدامك ومع كل دا انا مش هحذف اسمك من عندى واى وقت ارحب بالحوار معاكى .
والله دمرنى بعد كل دا لسه بيحترمنى طب ليه مقدرتش اسأله لانى انا مش محترمة من الاساس وبخاف يقولى ليه هو بيحترمنى اكيد مليون فى المية هدايق واكره نفسي لانى انا لسانى قذر وصعب جدآ انى اشوف صفة فى انسان بتدل على الادب والصفة دى مش عندى انا اموت من القهر روحت اعتذرت ليه تانى مرة واستأذنته لانى اتاخرت وخرجت من البالتوك وفتحت الاميل اشوف الرسايل اخر الليل لقيت "هند" لسة شغالة رسايل نسيت اللى كنت افكر فية وهو كلام الاخ المحترم وبئيت متغاظة من "هند" بعد كل دا لسه تبعتلى رسايل مش مخليانى ارتاح فى عيشتى قولت مبدهاش استخدم اوسخ اسلوب من قاموسي فى الحياة واستخدمه مع "هند" وبدات اقولها انتى
اسلمتى لانك عاهرة شوفى مين اللى نمتى معاه وبئتى حامل منه وداريتى فضيحتك هو كدا اسلامكم كله نكاح .
واستخدمت جزء بسيط بس من القاموس دا وتانى يوم ادخل البالتوك زى العادة نفسها روم "وسام" واعلق كم مسلم واخرج منها والاقى "هند" اون لاين طنشتها لحد هى مادخلت عليا برايفت وبتقولى ايه الكلام دا الى بعتيه ليا قولتلها دى حقيقة دينك اللى انتى فرحانه بيه مش المسلم بيقول انا تابع لرسولى واقتدى بيه وانتى مسلمة ودينك النكاح خليتها تشيط بسرعة وقفلت الخاص بوشها على طول عشان احرق دمها اكتر وهى دخلت ورايا للروم وفيه بنتين ادمن صحابها من سنين طويله انا اول ماشوفت اسمها فى الروم قولت يااما اتأثرت باللى قولته ويمكن دا بيزرع الشك عندها او متغاظه منى .
لكن الاحتمال الاول هو الى كنت بأيده لكن شوفتها طلبت المايك وكتبت على التطست عاوزة المايك روحت نقطها بسرعة قولت دى هتشتمنى واتفضح قدام الناس وهيعرفوا اختى ويعرفوا انها مسلمة لاء انقطها احسن ودى بتكتب ولا مفكرة قولت الباونص يفيدنى معاها واديتها باونص وبعد كدا كلمتنى وحد من الادمن الى بيعرفوها وبيحبوها طلبت منى انى افتح الخاص روحت فاتحاه وعملت بلوك "لهند" ارتاح شوية منها والبنت سألتنى مين دى وليه تطرديها مدام هى مشتمتش ودى طلبت المايك وهو دا اللى احنا عاوزينة سيبيها بس انا حرجعها ونمسخرها وندحك رفضت وهى استغربت قالتلى انتى تعرفيها !.
قولتلها ايوة دى شيطانة وممكن تعملك عمل تسحرك فيه كبرى دماغك معرفش ازاى ضافتها وقالتلى انا هخرج من البيت بس البالتوك مش هقفلة وارجع بعد ساعة صدقتها اتاريها ضافت "هند" واتكلموا ودخلوا روم خاصة والى خلانى اشك اول مارجعت طلبت انها تتكلم معايا سبت المايك لادمن فى الروم واول سؤال ليها بتعملى مع اختك كدا ليه وايه اللى تقوليه عليها انتى مش مكسوفة من نفسك دى اختك انا مكنتش اتوقع انك تعملى معاها كدا والسفالة دى تطبقيها على اختك خلاص انتى مبئتيش تفرقى بس اللى تشتميهم وبين اختك .
انا اتخنقت من كلامها وقولتلها دا شىء مش بيخصك واحترمى نفسك لما تكلمى معايا تانى وبسرعة عملتلها بلوك عرفت وقتها انها لسه بئيا على صحبتها واكبر دليل انها وافقت تسمعلها وخلتاها تدخل الروم تانى روحت اديتها باونص مرة تانية
قامت قالتلها شوفى اى حد يهكر على الروم وادخلى انتى وقولى اللى انتى عاوزه وبالفعل نص ساعة دخلوا الروم اكتر من واحد ولاشعوريآ لقينا نفسنا باونص كلنا وقتها عرفت ان دى الى قالتلها تعمل كدا عشان انا بطردها والى كانوا مع "هند" الهكر سلموها المايك ويلا ابتدت عملتلى برايفت للروم بتاعتنا ورجعوا الادمن للروم بس السيطرة مع المسلمين ونزلت بكلام عن الانجيل والعقيدة وطلبت من ادمن يرد عليها بئا المسلمين بيدوا الادمن المايك ويرجعوه "لهند" لحد مااكتفت من نفسها سابت المايك وخرجت واللى كانوا معاها وهما الى سرقوا الروم خرجوا كمان بس مفيش حد فيهم قل ادبه او شتم .
روحت كلمت الاونر وهو يبئا والد "كريستينا" بنت خالتى جحش البالتوك اونلى وسخنتة على الادمن صاحبة "هند" خليته يطردها ومن بعد اليوم دا بحس انى مخنوقه من تصرفات الروم ومن اللى انا اعمله هل هو صح ولا غلط .
ومرة دخلت وانا مخنوقه بس عملت اسم جديد مش عاوزة حد يكلمنى وقتها ومن غبائى دخلت الروم بتاعتنا ورفعت ايدى قام سألنى الادمن انتى مسلمة ؟ استغربت من كلامه مش عارفه هو بيقصد مين بالكلام قام دخل عليا برايفت قالى انا بنده عليكي فى المايك وانتى مش معايا هل انتى مسلمة انا استغربت مش قادرة استوعب فية حاجة غريبة وناسية انى دخلت باسم جديد دخل ادمن تانى برايفت وانا مش برد على الاولانى لحد مااستوعبت انى انا الى غبية مغيرة اسمى قولت اعيش الدور معاهم رديت وقلتله متأسفه كنت بكلم فى روم تانية ومخدتش بالى اى خدمة قالى بس اسألك سؤال ممكن
قولتله اوكى اسأل قام داخل فى الاسلاميات على طول والمصيبه دا من اسبوع بس ادانى درس فى الاسلاميات وقالى مهما يجيب المسلم من دليل انتى غلطيه وحورى فى الكلام اهم شىء انك تقولى دا مش مقنع خالص وهو بيتكلم انا ذاكرتى بدات تشتغل وافتكرت كلامه قولتله ايه سؤالك قالى هل انتى توافقى انك ترضعى انسان غريب قولت اه انت بتكلم عن رضاع الكبير صح قالى ايوه تمام كدا قولتله انا محبش المجادلة قالى انا باحث عن الحق واعرف حاجات فى الاسلام وعاوز استفسر بس عن بعض الحاجات عشان اقتنع بيه واسلم وانا بقول انت اكبر كاره للاسلام بتشتغلنى وماله نلعب الدور دا فتحت فايل عندى وهو الى ادانى الفايل دا ونسخت منه حديث واديتهوله قام دحك قالى دا كلام مش صحيح تعرفى ان الحديث دا غلط قولتله ازاى غلط قالى تعرفى فى الصحيح والضعيف قولتله انا اول مرة اسمع منك الكلمتين دول وهو فرح كدا وحدة متعرفش دينها وانا بقول كويس كدا هصطادك واعرف خبثك وقام يشرحلى الحديث دا ضعيف بس بيدحكوا عليكم بيه ومش هتلاقى اى جواب عند شيوخكم دا عجز منهم مش بيقدروا ينكرو رضاعة الكبير من القران اللى الفه رسولكم طلبت منه فرصة قولتله اسأل واردلك الخبر تانى يوم .
المهم رجعت تانى يوم وعلى الروم بسرعة قولتله انا ملقتش رد خالص الراجل فرح اوى ونزل شتيمة فى الاسلام لحد ماانتهى قالى ندخل روم خاصة ونتكلم ودخلنا روم وخليته يتكلم وكل ماهو يقولى خدى المايك اعتذرله اقوله بابا هنا ممكن يشكو فيا انت فاهم ياريت تقدر وضعى ونهاية كلامنا قولتله انا مقتنعه بكلامك ودا حقيقة محبش اكدب بس انت قولت انك مقتنع بالاسلام كدين وعاوز تعتنقه بس بعد ماتخلص من الاستفسارات الى عندك ومانعاك .
قام دحك قالى بعد كل اللى قولتهولك عاوزانى اقتنع بدين زى ده قولتله عندك حق كلام صح انا همشى ونكمل بكره .
وعلى طول رحت للراجل المحترم الى شتمته اعرف الروم اللى هوا بيدخلها وعملتله اضافه وقولتله محتاجه اكلمك ضرورى وهو مش عارف انا مين قالى اتكلمى قولت مش بينفع لازم ندخل روم خاصة احسن كدا دخلنا روم واخدت المايك لما اتكلمت اتفاجىء من صوتى عرفنى بس استغرب من الاسم قولتله عاوزة اعرف عدة نقاط منك انت عن دينك وحفهمك انا بعمل كدا ليه واديته المايك وكتبتله عن رضاع الكبير وهو بيشرح الموضوع وانا مش بكتب على ملف ورد اللى عاوزة اشرحوله انا بعمل كدا ليه وعملت كوبى ونزلت الكلام فى التكست وكبرت الخط قراء كلامى استغرب قالى انتى بتبحثى عن الاسلام قولتلك انا اول مرة اتكلم بصراحه ومتزعلش منى قالى اتكلمى قولتله انا ولا افكر انى ادخل دينك خالص بس هو مجرد اختبار لواحد عاوزة اعمله قالى خلاص انا معاكى واقف جنبك اتواعدنا على تانى يوم العصر .
وتانى يوم جه موعدنا ودخلنا روم خاصة قولتله انا هدخل برايفت مع الادمن وهرفض روم خاصة وهنسخ كلامه وانزلهولك وانت تدينى الاجابة ودا الى حصل اخد الاجابة اديها للادمن وهو بيطعن فى الكلام الى اجبهوله ومش عارف انى بجيبه من واحد مسلم وانى مش مسلمه ممشية الدور عليه لقيت الادمن بيستشهد بالحديث الى قالى انه مغلوط وحديث ضعيف قولتله امبارح انت قولت فى الحديث ده انه مغلوط انكر بسرعة روحت جبت كلامه اللى قاله قبل ماندخل للروم الخاصة انا وهو امبارح راح شاتمنى لما واجهته بالكلام وهرب .
انا خدت اسبوع على الحال دا عاملة انى مسلمة عاوزة اشوف واعرف ايه اللى بلاقيه من كلام من الادمن ازاى التعامل يكون يمكن وانا على المايك وباسمى بيختلف الكلام لانهم بيعرفونى طب كدا اجرب انا وافتكرت كلام الراجل ان اللى بيدحك ليا من اللى اعمله هو الى بيشمت فيا .
وبالفعل دخلت الروم وسألت على نفسي عندهم ليقت "خالى" بنفسه بيقولى انتى مسلمه واللا مسيحية قولتله لاء مسيحية والادمن الى بناقشها مش موجود خدتها فرصة وقولت مسيحية قام قالى عاوزاها ليه قوليلى قولتله لاء دى صحبتى وبينا كلام ووعدتنى على النهاردة وانا جيت حسب موعدنا قام قالى "اخرستوس انستى" عملت فيها نص استعباط وقولتله ايه اللى تقوله ممكن حضرتك توضح كلامك كدا خليته يشك مليون فى المية انى كدابة مش مسلمة وراح منقطنى بسرعة وانا ولا خرجت من الروم وبسمع كلام عليا من اللى فى الروم والى بيقول مرتاحين بئالنا كم يوم من الفاجرة واللى بيدحك واللى بيستهزء فيا.
وبئيت اسأل نفسي ليه كدا انا ولا اشتم اى حد فيهم انا بشتم المسلمين وبيشجعونى وفضلت اسمع لحد ما "خالى" سلم الادارة راح داخل برايفت يكلمنى وعلى طول هجوم انتى شرمو## وبنت كلب اتنرفزت بس قولت اشوف اخرته اية قولتله طب انا عاوزة "جولى" ضرورى الاقيها فين راح قايلى تلاقيها صايعة هنا ولا هنا مع اى حد فى البالتوك اجرى حصليها يابنت المنكوحة قولتله احترم نفسك شوية انت مش محترم لية وبردوا يشتم قولتله انا صاحبة "كاثرين" كمان اعرفها من زمان والله كأنى ضربته بالجزمة قالى دى اكبر عاهرة بنت شرمو## وانتى زيها كلكم كدا اتلميتوا على بعض خليت دمه يتحرق دا اهم شىء عندى وخرجت من البالتوك وقعدت مع نفسي كدة بفكر فين الايمان الى عندى او عند اى مسيحي احنا نسيناه خلاص وبئنا نشتم ونستهزء بكل دين ونكدب على نفسنا اننا مؤمنين ونعرف ربنا .
تانى يوم قولت ارجع ادخل للبالتوك واشوف اى حد امثل عليه ويبئا اخر يوم وارجع ادخل بعد كدا باسمى المهم دخلت البالتوك وعلى الروم بسرعة اول مادخلت عملولى باونص عرفت وقتها انه هو اللى قلهم على الاسم ده بس مبيعرفوش انا مين لحد دلوقتى ودخلت روم "الوهيم القديمة" بكلم خادم فى الكنيسة كتبتله على العام انى عاوزة اكلمه فى الخاص وافق وفتح الخاص قولتله عاوزة اكلمك فى امر مهم جدآ ووقتها مفيش اى ضيف يحاوروه بس كانوا بيكلموا مع البنات وبيهرجوا مع بعض قالى اكتبى عاوزة ايه بس بسرعة مش فاضى قوولتله عاوزة اقولك انى مخنوقة من نفسي ايمانى ضعيف جدآ ولسة مكملتش كلام قالى خلاص عرفت كل شىء متفكريش تكلمى مع اى مسلم خالص لحسن هما يضلوكى قولت ياه انت بسرعة كده عرفت اللى عاوزة اقوله كويس كده قالى خلاص مش فاضى ... قلت في سري ان شاء الله يولع ايمانك كله انا مالى اجرى دورى على اى حد تانى طنشته ومشيت دخلت لروم "فوتك" قولت انا عرفت انى غبية بعدت عن رب المجد يسوع عشان كدا انا اتخنقت من نفسي ولما دخلت "فوتك" سمعتهم بيكلموا الاسلام ومش عارفه ايه هو هو نفس البرنامج الى بنتكلم فية طول عمرنا فى البالتوك فكتبت على العام ممكن نتكلم شوية فى الايمان المسيحي او تسمعونا عظة او اى حاجة بس فى المسيحيات قام واحد ناطط وكتبلى اه هو انتى تابع للمنكوح انتى عاوزة نكاح هنا ولا ايه كتبتله انا مسيحية زيك ياغبي بلاش قرف وهو دا بدء بكلامة وسخن اللى فى الروم ويلا اشتغلو شتيمة بيفتكرونى مسلمة قولتلهم عاوزة اتنصر طيب كلمونى عن دينك راح "كوبتك" بكل وقاحة قالى هنا منتكلمش غير فى الاسلاميات تحبى تناقشى خدى المايك ولا انتى عاوزة الحاجة التانية وقعد يدحك قولتله انا مش بناقش اسلاميات لانى مسيحية راح داحك تانى وقالى يعنى عاوزة نكاح هنا دا الى تتكلمى فيه قولتله يعنى لو انا مسلمة على كلامك والرب يسوع سألك ليه مكلمتهاش عن ايمانك يمكن هى عاوزة الخلاص هتقوله اية ساعتها قام قالى بكل استهزاء هقولة انا مش فاضى دى منكوحة روح انكحها انت 
قولت كدا كملت على الاخر لاايمان ولا دياولوا يعنى كلام "هند" صح معندناش ايمان الايمان دا وخدينه ستارة بس قدام الناس بس المشكلة ان دا مننا احنا مش من الرب يسوع وخرجت من الروم ولقيت قس اسمة "لوفى يو اس" وانا بعرفه اتكلم معايا نص ساعة وارتحت وقتها فى الكلام معاه وعظنى وبعد كدا قالى انا عندى مناظرة فى روم "وسام" ايه رايك تجى تسمعيها هناك قولت كويس طالما انى ارتحت من كلامه مفيش مشكلة لكن خرجت من البالتوك ودخلت باسمى الحقيقي ودخلت روم "وسام" وسمعت الحوار كله وبعد كدا لقيت الاخ "المسلم المحترم" بيبعتلى وردة وبيسألنى ازيك قولتله كويسة قالى عندى سؤال محيرنى ممكن اسألك قولتله اتفضل اسأل :-
قالى بئالك كم يوم كدة بتدخلى بالاسم التانى والنهاردة بأسمك الحقيقي قولتله عادى جدآ انا دخلت بالاسم الجديد لغرض عندى واظن فهمتك كنت بعمل اية وكدا خلصت اللى انا عاوزاه رجعت ادخل باسمى .
قالى طب سؤال تانى ممكن قولتله اتفضل اسأل قالى مستغرب من اول مادخلتى باسم جديد لحد النهاردة انتى متغيرة 180 درجة قولتله ازاى متغيرة يعنى ماشية على راسى ولا ايه مفيش اى تغيير قالى لاء متغيرة ودا واضح جدآ عليكى قولتله يمكن انت توهم نفسك بس متخفش انا زى منا ولا اتغير قالى اكبر دليل لحد دلوقتى ولا شتمتينى اى شتيمة ازاى تقولى مش متغيرة والله كأنه ضربنى على وشى بالجزمة استغربت من كلامة قولتله يعنى انت عاوزنى اشتمك دا اللى انت عاوزة قالى انا اتعودت كل مرة تدخلى تكلمينى وتشتمينى وتخرجى ووقف كتابة كدة كأنه منتظر انى اشتمة .
يتبع