عرض مشاركة واحدة
  #8  
قديم 08-04-2009, 10:36 AM
الصورة الرمزية الفراشة المتألقة
الفراشة المتألقة الفراشة المتألقة غير متصل
مراقبة قسم العلوم الإسلامية
 
تاريخ التسجيل: Oct 2007
مكان الإقامة: في جنة الفردوس ولن أرضى بالدون .. سأواصل لأصل هنااك بإذن الله
الجنس :
المشاركات: 6,544
افتراضي رد: جوالك في ورطة....

ما شاء الله موضوع رائع أخي الفاضل // أبو الوليد //

أعتذر عن تأخري

والسبب عطل في الاتصال من مقر الاتصالات السعودية لمنطقتي كاملة

فاعذروني

سأجيب على أسئلتكم بكل ود ،،

فباسم الله نبدأ ..


1/ ماهو نوع جوالك ؟

nokia E50

إليكم صورته

2/ ما اخر صورة تم التقاطها ؟
امممم .. جوالي بدون كاميرا ، لأنه ممنوع استعمال جوال الكاميرا في الجامعة ، لكن آخر صورة التقطتها بجوال بابا كانت صورة لأختي الصغيرة 4 سنوات وهي لابسة حجابي بدها تقلدني
.. أضعها لاحقا بإذن الله ..

3/ كم رقم مخزنـ عندك ؟
أوبس .. سؤال صعب
الأرقام عندي مقسمة الى فئات سأذكرها كما هي مسجلة وبإختصار

- أسرتنا السعيدة ( حبيبتي ( جوال ماما ) ، حبيبي ( جوال بابا ) ، الغالي ( جوال أخي ) ، بيتنا السعيد (هاتف المنزل ) )

- عائلتي ( 10 أرقام )

- المسجد ( 7 ارقام ) .... الأرقام التي تهمني ولي تواصل مع صاحباتها في المسجد الذي أُدَرّس فيه من أمهات طالبات و معلمات ومسؤولات

- بنات الشفاء ( 50 رقم دوبي عرفت لما حسبتها ، بينهم 4 أرقام لشخصية واحدة ، و3 شخصيات كل وحدة منهم عندها رقمين )

- صحباتي ( 20 رقم ) .. دول أيام الثانوية ، وأكتر ناس كنت معهن .. يعني لسا في ناس ما أخدت أرقامهن .. بس مو كتير بيلزموني

- صحباتي في الجامعة ( 20 رقم ) كل وحدة مع اسمها مكتوب بأي مادة هي معي حتى ما أخربش بين الناس ، يعني مثلا ( وفاء .. فنون اسلامية وحاسب ،، شريفة .. E و مهارات التواصل ....... الخ )

- معلماتي ( 10 ارقام ) أرقام اكتر معلمات بحبهن أيام المرحلة المتوسطة والثانوية

- أستاذاتي ( 16 رقم ) أرقام أستاذات الجامعة الي بدهم يتواصلوا مع الطالبات حتى لو بدهم شيء وحدة تبلغ البقية .. ويا حرام ما بيختاروا الا أنـا باكتر الأحوال الا لو اعتذرت منهم بيختاروا غيري

- موسى سواق الباص .. معي رقمه حتى لمن يوصل البيت يعطيني رنة أنزل ما أضل بالشارع واقفة انتظره ، الرايح والجاي يتفرج فيني ، وطبعا بابا أعطاه الرقم مش انا

قسمت الأرقام في جوالي الى مجموعات ، ولكل مجموعة نغمة خاصة بصحباتها ، حتى بس أسمع الصوت أعرف المتصل

يييييي يا حرام جوالي المسكين ... ع هيك كم رقم جواته

هـلأ بس عرفت كم رقم موجود ، لأني عم أحسب الأرقام وأسجلها .. يا حرام الله يعينه جوالي
لكن رغم كثرة الأرقام تواصلي سار ضعيف جددا من أول يوم لي في الجامعة ، ما بلحق اتصل في حد ، الي يتصل أهلا وسهلا فيه لكن أنـا كتيييير سايرة منقطعة ، اتصالي وسؤالي قليل ، بالمناسبات يا دوب .. الله يغفرلي

4/ ما اخر رسالهـ تم تلقيها ؟
امبارح .. الثلاثاء الساعة 11 مساء كانت آخر رسالة
( أعتذر عن حضور المحاضرة غدا ،، الرجاء ابلاغ البقية ) ... مسج من د. هدى تبعت مادة صحة طفل ...

كم أحب هاد النوع من الرسايل

5/ ماهي الرسـالهـ رقم 5 ولاحظ ((5)) بالتحديد ؟

امممم ،،،
هاد نصها ..
رقم البيت *******
و الحفلة ما أعرف
ماما تسلم عليكِ كتير

كانت الرسالة من رفيقة دربي وأقرب صديقة لي أيام المرحلة الثانوية ، موجودة بيننا بالشفاء ( ألوان الطيف ) ، حولوا منزل جديد فطلبت رقمها ، وكنت بدي تكون معي في حفلة المسجد الختامية .. وبالآخر ما اجت لوجود عماتها في بيتهم أتوا لزيارتهم

6/ من ضمن الاسماء في جوالك هل يوجد اسم غريب او مضحك لاحد اصدقائك,, اذكره لـنا ؟


أسماء غريبة
اسماء مضحكة
لسا ما سار عندي ها النوع
أكتر الأسماء ملفتة في جوالي ( حبيبي ، حبيبتي ، الغالي )
بابا / ماما / أخي مجاهد .. طبعا غالي لأنه الوحيد ..

خصوصا لما يتصلوا واكون في الجامعة ييييييييي بتحلى المشاكسات معي وقتها
بس عادي .. هم كل حياتي بيستاهلوا أكتر من هيك

أحكيلكم أحلى موقف أذكره سار معي قبل أسبوع
بابا أتصل وكنت مع ماما بورجيها رسالة بدي أبعتها لمعلمة من معلماتي ، طلع ع الشاشة حبيبي ، ماما أترعبت قالت: مين حبيبك هااد؟ .. قلت لها يلا يا ماما ردي على حبيبي ، بس ردت طلع بابا بده يسالني عن كتاب طلبته هههه
بس قفلت سرت أضحك ع ماما هههه

وقبل امبارح أخي اتصل في طبعا طلع الغالي ع الشاشة ماما اطلعت في قالت ومين هاد كمان ههه قلت لها يلا ماما ردي لتعرفي قالت لا انتي ردي أنـا عارفة مين هو ، ردي عليه شوفي شو بده

يقطع شرك من بنت

هههههه

عملتها مع ماما ، ضايل بابا أعملها معه

7/ ماهي أعلى فاتوره قد تجاوزتها ,,او كمـ هو حدك الائتماني ؟
دااايما فاتورتي بين الـ 200 أو 250 ريال كأكتر حد
120 خدمة الاشتراك شهريا لشبكة الجوال ، والبقية هي أجر اتصالي

الحد الائتماني المفترض من الشركة هو 1000 ريال ، والمشترك يغيره متل ما بده أقل أو أكتر ، بابا ما غيره لأنه عارف بنته

أول فاتورة بحياتي تكون عالية ايام الحرب ع غزة لأني كنت أتصل بأخواتي الحبيبات هناك ، طلعت الفاتورة 600 ريال ، بابا كتيير اترعب بس شافها من 250 الى 600 .. قال هاي مالها هيك فجأة سارت تحكي ودارت الأسئلة براسه لكن ماما ذكرته انه أنـا كنت أحكي مع بنات غزة يعني دولي
( 12 بنت كل وحدة أكتر شي دقيقتين لمدة 3 أسابيع ، كنت أتصل يوم و يوم ) هو بابا عارف بس نسي من هول الرقم الي شافه ، وخاف علي أكون عاملة شي غلط ، لكن هو عارف بنته طبعا

8/ ماهو اسمك بالبلوتوثـ ؟
ا،،ا.. الاستشهادية الحية ..ا،،ا

9/ ماهو الثيم الحالي لجوالكـ ؟
بإذن الله اصور جوالي وأضع الثيم لتروه

10/ ماأكثر ماتستخدمهـ بالجوال مثلا: المنبه , الحاسبه , البلوتوث , ؟
المنبه أستخدمه يوميا ، لأني أحطه ع صلاة الفجر وبعدها لو غفيت أحطه ع موعد أول محاضرة بالجامعة عندي لذلك اليوم


،، نكمل بعد الفاصل ،،
بإذن الله

__________________
وانقضت الأيام
وصرت أُنَادى بأم البراء بين الأنام
ربِّ احفظه لي وأقر عيني فيه حافظا لكتابك و إمام

التعديل الأخير تم بواسطة الفراشة المتألقة ; 08-04-2009 الساعة 05:07 PM.
رد مع اقتباس
 
[حجم الصفحة الأصلي: 25.76 كيلو بايت... الحجم بعد الضغط 25.10 كيلو بايت... تم توفير 0.66 كيلو بايت...بمعدل (2.56%)]