قطران الفحم الحجري متوفر في الاردن
السلام عليكم و رحمة الله و بركاته
تكلمت مع المركز الطبي لصيدلية فارمسي ون الي زودنا بيه اخينا اياد جزاه الله كل خير و شافاه و عافاه من مرضه
الدكتورة حكتلي انه متوفر عندهم قطران الفحم الحجري الخام coal tar للبيع بكمية 500 مل اقل شي و تكلف نحو ستين او سبعين دينار اردني
سالتها اذا بتخفف او بقدروا يخففوه بتركيز 20% حكتلي بدها تتأكد و تردلي خبر اليوم ان شاء الله
اخذت رقم موبايلي و انتظر منها الرد ان شاء الله
اول ما تردلي خبر ان شاء الله رح اخبركم شو النتيجه
ايضا رح استخدمه انا كتجربه علي و اردلكم خبر بالنتائج من استخدام هذا القطران هل هو مناسب ام لا
طبعا استخدمت خلطة الاستاذ قيس جزاه الله كل خير و شافاه و عافاه و باركله بحياته و يدخله الجنه ربي ان شاء الله و طبعا مثل ما توقعت بلشت تتلاشي القشور و صار الجلد بلون احمر و انا صارلي يومين استعمله فقط
الي حاب يجرب خلطة الاستاذ قيس داخل الاردن بكل بساطه تروح للصيدلية اي صيدلية و تطلب المراهم التالية بالضبط
1- فازلين اجنبي سعره دينار و نصف
2- اصبعين مرهم كيناسين ( كل اصبع 15 غرام) سعر المرهم الواحد دينار و نصف
3- اصبع مرهم بيتافال 30 غرام سعره دينار و نصف
تخلطهم مع بعض و تستخدمها
هيك ينقصك محلول القطران فقط من اجل الشفاء التام بإذن الله
طبعا كل كلامي عن الخلطه هو نقل لكلام الاستاذ قيس العبيدي جزاه الله كل خير
|