اختى الحبيبه سالى
الف سلامه عليكى
هى فعلا مشكله تعرية الاسنان
بس كل مشكله ان شاء الله لها حل
اولا يا اختى : انك تغسلى اسنانك بسنسوداين مافيهاش ضرر انما تدهنيه قبل ماتنامى فدا غلط جدا وضار لان كل انواع معجون الاسنان الموجوده حاليا فيها ماده مسرطنه صحيح هى قليله جداااااااا بس موجوده فالمهم اننا بعد المعجون نتمضمض كويس ومنخليهوش على اسنانا مدة طويله ... وفى انواع جيل مسكنه للسنان بتتباع فى الصيدليات افضل واحسن من المعجون
تنظيف الاسنان يا اختى فى المراحل المتاخره من تعرية اللثه يزيد من خلخلة الاسنان
تناول عصير الحمضيات لا يضر باللثه نهائيا لكن كترته تضر بالاسنان وتعمل لها تاكل
الحل بقى لمشكلة التعريه :
عمليه بسيطه جدااااااا وغير مؤلمه ومش بتاخد وقت
الدكتور بعد البنج بينضف الاسنان جيدا جداااااااا من الجير المتراكم وبيعقمها وبعدين فى انواع مصنعه من العظام ( bone graft ) بيقوم الطبيب بوضعها حول الاسنان فى الاماكن المتاكل فيها العظم ويتم تغطية هذه العظام المصنعه باللثه مرة اخرى بطرق معينه لتطويل اللثه ثم تتم خياطة اللثه ... وبيوضع عليها نوع معين من الشاش حتى يتم التئام الجرح
والله يا اختى اللثه بترجع ما شاء الله لا قوة الا بالله زى الفل وبتكون مغطيه جذور الاسنان تماما
ومتقلقيش والله العمليه سهله جدا وبسيطه
وربنا يشفى كل مرضى المسلمين اختى الحبيبة
__________________
اطعمو الطعام ... وصلوا الارحام ... وصلو بالليل والناس نيام ... تدخلوا الجنة بسلام
******
عنـدما نعيش لذاتنـا تبدو الحياة قصيـرة وضئيلـة أما عنـدما نعيش لغيـرنـا .. فتـُصبح الحيـاة طويلـة وعميقـة
******
مع تحياتى للجميع د.فاطمه فيروز ( ام نور )
|