السلام عليكم ورحمة الله وبركاته
ايه اخباركم اخواني واخواتي في الله رواد ملتقي القرآن وخاصة المشتركين بالحفظ 
.....(وفقكم الله)
ايه رايكم لو تجاوبوني عن عنوان الموضوع ....فتش جوه نفسك واكيد هتلاقي اجابة
في احدي مرات النقاش بيني وبين رفيقتي بالعبادة (منيبة إلى الله)....
كانت بتعلق يقولها انه اللي بيحفظوا مكسلين جدا في نشاطهم وهمتهم قلت لها:
سيبيهم يجيوا من نفسهم من تاني
وان كنت دايما بشبه انه الهمة الايمانية عاملة زي (الرسم البياني )
شوية فوق وشوية تحت وبعتقد انه التشبيه مقارب لاغلبنا
لكني جاوبت الاخت منيبة انه اللي عنده دافع من جواه بانه يحفظ على قدر امكانه مهما كانت العقبات
ده اكيد اللي هنلاقيه موجود في حلقات الحفظ دون حتى رسالة تذكير واحدة
واليكم الاعذار المشهورة :
1: احدها من قبل الاعضاء انه الوقت مش مساعده ؟؟؟؟؟ في حين اني بلاحظ تواجده في المنتدى لفترات وقدرها 
2: او انه دايما بيحفظ بس مش عارف ايه اللي بيجري فيه شيء قوي بيمنعه؟؟؟؟؟؟
وغالبا ما يكون (شوشو...الشيطان يعني ) واللى مرة قريته انه شيطان كل شخص لا يتعدي ثمان سنوات
ولا اعلم مقدار صدق المقولة بس والله باين فعلا انه الشيطان شاطر 
3: واخيرا ممن يجدوا طريقة الحفظ لا تروقهم وتصدهم عن التفاعل ؟؟؟؟
وهذا تقصير لانه اللي عايز يحفظ مش هيقف قصداه اي شيء ولا شخص
اليكم لمحة شخصية عشت بها لفترات وان قصرت على امتدادها ولكنها تمثل لي الحياة.....
اول بدايتي بالشفاء كانت في هذا القسم وكنت وما زلت اعتز به
ومن دون حساب مني حفظت سورة البقرة وآل عمران
ولم اكن اتخيل اني اقوى على تذكرهم وقدرا 
التقى حفظي هنا بمتطلبات دراستي الدينية
اللي كان مقرر فيها (استظهار شفوي لسورتي البقرة وآل عمران )
وبعتقد انه الفضل بعد الله للصحبة الحلوة اللي تلقيتها هنا
الامر ابدا مش صعب للي عنده عزيمة ورغبة صادقة من جواه لينتهز فيها الفرصة
لانه كده كده بيقعد عالنت فحاولوا تكون الثمرة الحلوة والانفع ولو محاولة الاقدام لحفظ القرآن
فإلى كل من مر على هذاالموضوع
وبدون ارسال رسايل خاصة (يمكن تزعج البعض ) وبدون عبارات رعب وعقاب 
.
بانتظر اشوفكم منورين حلقات الحفظ من جديد
بسم الله نبدأ....... وتستمر المحاولات والله ولي التوفيق