رد: خلاصة تجارب اعضاء قسم السمكيه (متجدد)
الأخت النهار
على فكرة راح اقول لكم طريقه انا جربتها شخصيا مع اولادي واستفدت منها
ما ادري والله وين قريتها يمكن عندكم بالمنتدى او بمنتدى ثاني ناسيه
بس عن جد استفادو عليها الاولاد خصوصا الكبير لان حالته اخف من اخوه ...
اول شي انك تستحم بماء البحر واذا ما قدرت تملا البانيو وتحط فيه ملح وتجلس فيه فتره يعني نص ساعه ساعه
بعدين تفرك جسمك بالصابونه انا جربت صابونه مره حلوة يعني تساعد على التقشير وحتى سعرها مو غالي عندنا بالسعوديه بريال واسمها ميديمكس وهي صابون من الاعشاب يحتوي على 18 عشبه وراح تلاحظ ان البشرة الميته تتقشر بسهوله طبعا يعتمد على قوة المرض ...
بعد ما تخلص من الحمام تنشف جسمك على خفيف وبعدين تحط كريم كالموريد وراح تلاحظ بعد ان البشرة الميته راح تتساقط
ومع الاستمرار على هالطريقه راح ان شاء الله تلاحظون الفرق
انا مثل ما قلت لكم مدري وين شايفه هالطريقه بس جربتها واستفدت عليها جزاه الله خير اللي كتبها
اتمنى انكم بعد تستفيدون عليها
وبس طولت عليكم اليوم الكلام
نشوفكم على خير
|