[ابو كارم]

بسم الله الرحمن الرحيم

أحبائي الأطفال فى الشفاء
رجعت توا لعندكم
بس عارفين هالتصميم الي موجود هون كثير
رائع وحلو
و أعجبني

يلا مع بعض نشكر أختنا الكريمة شذى الربيع على هالابداع
و نشكر كمان عمو أبو أية و نشكر كمان خالتو نونا

رسولنا الكريم يا أحبابي علمنا كيف نشكر الناس
إللي بيعملوا معانا شيء طيب و حلو
بنقول لهم زي ما علمنا معلمنا

جزاكَ الله خيراً

وهلا يلا نقول بصوت واحد لأختنا شذى
جزاكِ الله خيراً أختنا شذى
جزاكَ الله خيراً عمو أبو أية
جزاكِ الله خيراً خالتو نونا
لازم نحط و ننطق حركة الكسرة بحرف الكاف
لما نحكي مؤنث كأنه عم نحكيها ياء
و هيك بنفرقها عن المذّكر

عشان أحنا ما بينفع نتكلم مع الولد بنفس كلمات البنت
نقول للولد : أنتَ ... جزاكَ
نقول للبنت: أنتِ.... جزاكِ

وفي شغلة مهمة بدي أحط موضوع فى روضتكم و يا ريت تشوفوه

نرجع للموضوع الاول
جبنالكم اليوم شوية أفلام كرتون
جاهزين
يلا نعد مع بعض

1

2

3

افتح يا سمسم يا أبو السماسيم

-1-
فيلم كرتون
غضنفر
عشان نشوف الفيلم يا حلوين
لازم نضغط على كلمة هنا ونعمل حفظ
هنا

-2-
فيلم كرتون
أصحاب الأخدود
بردوا نفس الشيئ نضغط بهدوء على كلمة هنا
هنا

-3-
فيلم كرتون
أنا كبرت يا ماما
دخيلكووووو لا تتعبوني
بدي أجابة واضحة نضغط وين؟؟؟
هنا

-4-
فيلم كرتون
عثمان الأندلسي
إجابتكم صح يا حلوين ما شاء الله بتستوعبوا بسرعة
بنضعط دائما
هنا

-5-
فيلم الكرتون
إشارة المرور
بنضغط هون...مش هون ....لالالا
هنا

-6-
فيلم الكرتون
الرحالة المسلم
بكل شطارة يا شطار نضغط وأحنا مغمضين
هنا

خلصت الافلام لهذا اليوم المبارك
أن شاء الله بنكون أعملنا شيء مفيد من أجلكم يا أحبائي
آخر شيء و طبعا ما فى بيننا آخر
بنتعلم مع بعض شيئ جديد

يا حلوين اذا الواحد فينا انتهى من عمل شيء بيقول زي ما كان الرسول عليه السلام يقول

كان يقول
"سبحانك اللهم وبحمدك أشهد أن لا إله إلا أنت أستغفرك و أتوب إليك"
ومن ثم نقرء قوله تعالى

بسم الله الرحمن الرحيم
وَالْعَصْرِ (1)
إِنَّ الْإنسَانَ لَفِي خُسْرٍ (2)
إِلَّا الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ (3)

صدق ربنا العظيم
وصيتنا أن شاء الله يا أحبائي الحق والصبر