[بسمة شهيد]

السلام عليكم ورحمة الله وبركاته

كيف احوال مرضانا وكيف تحسن علاجهم

ان شاء الله تكون الامور للاحسن

كتير سمعت نقاشات بتدور بين الناس ...يا ترى مال السرطان بقى متفشي فينا بالشكل الرهيب ده ولا كأنه انفلونزا


فرد احد الاطباء مرة وقال : هو موجود من زمان بس احنا ما كناش بنكتشفه لانه التقنيات الطبية لم تكن بهذا التقدم


وساعتها دار ببالي سبحان الله ...هو الافضل نكون على جهلنا كده ولا الحقيقة نستقبلها مهما كانت مؤلمة وخلاص


رأيت احدي صديقات والدتي وقد علمت باصابتها (بسرطان دم حاد) ولما زرتها كانت تبكي رعبا من لقاء الموت السريع ولم أكن أعي وقتها الى مدي بيكون تأثير المرض

ويرقد بسرير اخر بجانبها طفل لم يتعدي الخمس سنوات


ولو سالته: انت عارف انت عيان من ايه

الطفل : ايوة بالسرطان وانا عارف اني ممكن اموت بس عادي ربنا عايز كده


وفي ظرف اسبوع كانت من بين من اختارهم المولى سبحانه (رحمها الله)

* ناس كتير مننا يحبوا يسمعوا تلخيص اي مرض في سطور بسيطة

(وبصراحة عندهم حق التفاصيل مش دايما بتكون مهمة )

لكن لا قدر الله بعيد الشر عنكم جميعا لو اصاب احد افراد العائلة بيكون البحث عن اصله وفصله من اولى الاهتمامات

سأنقل تفاصيل المرض لعله يكون مرجع لا قدر الله لمن اراد

وأغلب المعلومات من إعداد الدكتور : عبد الرحيم قاري وعدة اطباء نقلت تعليقاتهم من هنا وهناك

وبإذن الله مش هيكون الموضوع مطول عليكم على قدر الامكان

شفي الله رضانا ورحم خالي وموتى المسلمين ...اللهم امين