السلام عليكم ورحمة الله وبركاته
الحمد لله انك تقبلتى كلماتى لك وكنت اظن انك لن تتقبليها
المهم اختى
انتى قلتى انك مش بتعرفى تقولى كلام معسول عموما دى مش مشكلة
المشكلة فى انك مش بتعوضى النقص ده بالمعاملة المعسولة
وفى الاخر بتقولى بستحى من زوجى !!!
شوفى حبيبتى كلنا اتعرضنا لمشاكل فى حياتنا الزوجية واتعلمنا منها حاجات كتير وكان لازم نتنازل عن حاجات كتير علشان نعيش ونربى اولادنا
يعنى ما تفتكرى انك الوحيدة فى الحياة اللى بتعانى من مشاكل مع زوجها وانتى ادرى واحدة بزوجك وعارفة ايه اللى ممكن يرجعه تانى ليكى
اعملى كل اللى تقدرى عليه من كلام او (حركات ) وما تتكسفيش
لو فضلتى مستحية كدة عمرك ما هتغيرى زوجك وهتفضلوا كل واحد فى غرفته لوحده
انا ماعرفش اعلمك الكلام لان الكلام ده مش بيتعلم الكلام ده بيتحس وبيقال
اوعى تفتكرى انك لو اتكلمتى مع زوجك كلام كويس وبحنية هتقلى فى نظره
بالعكس صدقينى هو هيحبك اكثر وهيعرف انك محتجاله وبتحبيه ولسة عايزاه
وأظن ان الشيخ الفاضل ابو البراء قال لك بعض ما ينتظره الزوج من زوجته
فاعرفى احتياجات زوجك وحقوقه وواجباتك تجاهه واعمليها وماتقوليش انا ما بعرفش ابدأ
اتعلمى تبدأى بالحلو مثل ما بدأتى بالسيئ