[عسل]

الله يحييكم جميعا, واشكركم على دمكم الخفيف وحس الفكاهة اللي نحتاجه في الاقبال علىحياتنا وتثبيتنا باذن الله.
انا ماني عارفة ليش خايفيين من النحل , لله الحمد والمنة احبه كثير ولو تمعنتوا في سورة النحل لوجدتوا الكثير من فوائده , ولو ماكان بهذه القيمة ماسطر الله عز وجل سورة كاملة في ذلك .وان في البداية كنت خايفة وبعدين شفت الموضوع عادي يحتاج الى ارادة وقوة وثبات وتحمل للالم وذلك يعتمد على مدى صبر الانسان وقوة ايمانه ويقينه بان الشفاء من الله وحده .
تصحيحا لبعض الاخوة انا استخدمت اللسع للالتهابات المفصلية وكان فيه حبوب صدفية في بعض المفاصل ولكنها ماتشافت سبحان الله , فقط تشافت الالتهابات بصورة رائعة ولله الحمد والمنة .
طبعا انا احضرت الدكتور وعلمني الطريقة بشرح لكم بطريقة مبسطة لانه لابد من المشاهدة بطريقة عملية أفضل للاتقان .
اول شئ اشتريت منحل ووضعته في حديقة منزلنا , واشتريت شبك وكان افضل نوع اللي اشتريته من عند محل صوب مسمكة سوق شرق .طبعا عمري ماصدت نحل انما اولادي او الخادمة بعد ما دربناهم على الصيد , ونضع النحل في علبة زجاجية شفافة وغطاها يتم تخريمه عشان يدخل لها الهواء وما تموت لانها غااااااااااااااااااالية علي , وبعدين ارش شوي ماي من الفتحات عشان تهدى النحلة وتقل حركتها , وبعدين أقلب العلبة في صحن وأشيلها وأغطي النحل بغطاء شفاف مثل غطاء صحن التمر , وبعدين أسحب وحدة وحدة من حبيباتي بواسطة الملقط الطبي متوفر في الصيدلية وامسكها بين البطن والصدر , واتوكل على رب العباد وأضعها في المكان المحدد هي بنفسها تتجه بدبورها وتلسع وبعدين تموت , وأسحب الدبور أو أي كان اسمه بالملقط من جلدي بعد ما يدخل سمها في جسدي .
علاج رائع ومااااااااااااااااااااااااااييخرع أبدا وسهل بشرط ماتزيد عدد اللسعات عن 4 في اليوم الواحد ولمدة 5 أيام والتوقف يومين وهكذا , والنتيجة سبحان ربي بعد شهر ابتديت افقد الكثير من الالم ,ولابد من الاستخارة قبل كل عمل , والان صار فترة كبيرة مالسعت واشعر بتعب بسيط هذي الايام وحتى اعيد ترتيب وتنظيف الخلية وارجع لحبيباتي مرة أخرى.