[الـتائب]

انا .... والايــــــــدز

بسم الله الرحمن الرحيم
قصتي طويله ولكن سوف اختصرها بدءت وانا لم اتجاوز 15 سنه ذهبت تايلند واستمريت باللهو وشرب المسكرات واجلس هناك بالاشهر وعندما اعود لوطني اكمل نفس الموال شقه بنات خمور
الاان وصل العمر 33 بدءت اسأل نفسي ليه بحياتي مانمت يوم واحد بدون كوابيس عند النوم لاتنتهي حتى اني لمدت عشر سنوات انام وانا اضيئ المصباح من كثر التهيؤات والخوف ولمن اقوم تأتى المصايب من كل حوب وصوب
وطول اليوم معصب وتوصل معاي الامور للخناق لمجر ان شخص يسير بسيارته ببطئ قدامي اوشكله موعاجبني بمعنى اصح حياتى غلط بغلط ولاكنت اعرف ليش اموري كلها مقفله؟
الاأن جاء يوم من الايام قلب كياني...كنا في حفله مع اصدقاء السوء والماجنات واذا بوحده تجلس بجانبي وتتبادل الحديث معاي والخمر لاعب برؤوسنا وزنينا وذهبت وذهبنا عند الفجر ومرت مايقارب ست شهور والوضع عادي..ا
لااان اتصل بي صديق اتصلو به المخفر لوجود رقمه بتلفون هذي البنت وطلبوه وقالو له البنت تتصل عليك بكثره وعليها تغيب ومصابه بالايدز!!!!!!!!!
وانقلبت حياتي وذقت الالف المرات بل مليون المرات ......
ايدز موت وفضيحه لي ولاهلي في مجتمع لا يرحم ...اخرجو صديقي ومن طلبوهم معه لوجود ارقامها وسترو عليهم لان الشرطه
عندنا لايعطونك جواب رد صديقي والرعب في قلبه قالهم اسجنوني حققو معاي افحصوني مايصير تهدوني قالو روح ماكو شي!!!!
بدت الجرايد تكتب مره اردني مره حلاق مره فيها مره مافيها ومره يقولون لماذا اطلقو الناس وراهم اولاد وراهم زوجات وكثر

الهرج والمرج واخذت اتابع الجرايد وكلام الناس واصبت بحاله نفسيه اتعبتني حتى اي شخص يراني يقول شفيك عسى ماشر وجهي اصفر شاحب.....
المهم جعلتهم ما يقربون من اى شئ اشرب منه الاانا وخفت اعدي اهلي
وخايف من الفحص مابي انصدم..
وجلست على هالحال شهر ولم استطع اصبر اكثر..
رحت لمختبر واخذو هويتي واخذو دم وقالولي بعد عشر ايام ياربي عشر ايام كأنها عشر سنوات
وانا حالتي تعبانه للغايه المهم حاولت عطيته دبل السعر مارضو قالو لازم التحليل يرسل لوزارة الصحه ويرسل للخارج توكلت
على الله وانا ادعي الليل والنهار ان الله ينجيني...ومع هذا اتصل فيهم يومياً الصبح والظهر والمغرب والليل وصل؟؟ يقول
لاماوصل وانا لاآكل ولااشرب وعفت الدنيا بمافيها..باليوم الثامن اتصلت الظهر قالو ماوصل قلت بقالي يومين بالحياه خلني اطلع
اشم هوى لواتمشى بالسياره ساعه رحت للمغسله اغسل السياره وتحتها حلاق حلقت وعند خروجي وكان العامل رافع سيارتي
اتصلت فيهم مايقارب الساعه خمس المغرب جاوبتني الموظفه سألتها وصل التحليل؟؟
اجابت نعم
قلت اوكي عطيني النتيجه؟؟ قالت تعال ويصير خير ممنوع النتيجه بالتلفون
يابنت الحلال ارجوكي طمنيني قالت مااقدر تعال!!!!
تأكدت اني مصاب
لان جوابها اي واحد بمكاني راح يتأكد من كلامها انه لامجال وحطيت احتمال ان رجال شرطه ينتظرون لاخذي لمستشفى وحجزي
مافيها جدال ولكن مهما حصل احصل على جواب وارتاح مما انا فيه..
.صرخت بالعامل اللذي رافع سيارتي بالمغسله ان ينزلها لاني مستعجل وياخذ فلوس الغسيل كامله بس نزلها بسرعه نزلها.حاسبته
وحركت بسرعه الاالمختبر المسافه من المغسله الاالمختبر لاتزيد عن عشر دقايق
والله العظيم يااخوان كأني محرك من الصين ورايح السودان بعدت المسافه ماكو احد مامسك بريك بوجهي ماكو اشارة مرور
ماقفلت بوجهي ولحسن الطالع الطريق اللي يودي للمختبر صار حادث وتزاحمت الناس تتفرج على المصاب يشيلونه وتسكر
الطريق انا وين مشيت حالي الاان وصلت المختبر وقفت بعيد عنه شوي
ورحت امشي على رجلي لعل وعسى تصير معجزه
اوتقوم القيامه قبل اوصله
ماكان ودي اوصل وطول ماانا امشي رجلي يالله تشيلني كأني رايح لمنصة اعدام...
المهم وصلت وصعدت الاسنسير ودخلت وسألت الموظفه بصوت خافت لان الكلام موراضى يطلع وهي تكرر خمس مرات نعم نعم نعم ماتسمعني المهم عطتني التقرير...
قلت شنو فيه قالت دش داخل على الدكتور يقولك ياربي انا ناقص؟؟؟
ثلاث عجز قدامي يفحصون الكرستول والسكر حدهم فاضين اقول بقلبي وتوقعت ناس تنطرني عند الدكتور لاخذي جلست على الكرسي ادعي ربي المهم وصل دوري..
اخذ الورقه مني يطالعها ويطالعني لمدت دقيقه بغيت اضربه طوله صرخت فيه خلصني مثل ماقال الزير للعبد افعلها وخلصني....
قال اوكي مافيك شي ثلاث تقارير سليمه وموقعه من وزارة الصحه
والله يااخوان كأنه انكتب لي عمر جديد نزلت من الدرج مااقدر انطر الاسنسير من الفرحه ادور فقارا اتصدق عليهم وبعد العشاء جائني وسواس قلت يمكن غلطان اوماقرء عدل ورحت مستشفى حكومي وقالي نفس الكلام
ومن يومها والحمدلله بعدت عن كل شي وتبت الاالله...
يااخوان اقسم بالله مانمت عدل ولاتمتعت بالراحه الالمن صليت بالمسجد
تسهلت اموري وكل شي صار جميل مع رب السموات والارض
كل ماروح مكان اجد اللي ابيه وكل مااتضايق من شغله
ربي يفكني منها بطرق اقرب للخيال وجدت ظالتي وغيرت تلفوني
وتركت ربع السوء
وانا الان اكتب قصتي بأختصار لكي لايصيبكم الملل
وتزوجت والله رزقني اولاد ملو علي الدنيا هم اصدقائي وابنائي
وربي رزقني امرءه صالحه باذن الله اعانتني على الصلاه
وانستني الماضي بكل مساوءه
وادعولي بالثبات يااخوان جزاكم الله عني كل الخير ..
والسلام عليكم ورحمة الله وبركاته