[أبو ريماس]

الشكر لك أخوي الكريم أبو خالد الديحاني وأنا بدوري أضم صوتي إلى صوتك : " ياليت احد يفيدنا من اهل الخبره ...
السؤال هل هو مفيد او ضار ؟ او مفيد وله اضرار بس قليله ؟ وماهي الأضرار اللى ممكن تكون ؟"

اختي الكريمة جودينا شاكر لك مرورك وتعليقك ، وفي نفس الوقت أحب أضيف لك بالنسبة للخفقان فهو صار لي في آخر اسبوع من أسابيع الشهر اللي كنت اتناول فيه الاوميغا 3 ، و قلت ان شاء الله انه خفقان عارض يعني مرة وحده ويروح ويوم جاء اليوم الثاني ما تغير شي تلقاك أحيانا تتكلم مع احد أو جالس تطالع التلفزيون وتحس بنبض قووووي لدرجة اني حطيت يدي على قلبي وقلت الله يستر لا ينقطع ويطيح في بطني <<<< وش عنده الرومانسي ههههههههههههههههه
المهم وكل الاسبوع والله وان احس بهالضربات بأوقات متفاوته يعني أحيانا كل ساعة أو ثلاث ساعات ، وبعدها قلت يا ولد ما بدهاش أنا ما كلت شي غريب الا الاوميغا 3 ووقفتها على طول . والحمد لله راح الخفقان بس مو على طول بعد تقريبا اسبوع من الانقطاع عن الاوميغا 3 .
ويوم سألت ابن خالتي ( وكان يتناول الاوميغا بمشورة من خالي رغم عدم وجود الصدفية فيهما ) عن الاوميغا وش رايه فيها ؟ قال لي بالحرف الواحد وهو ما يدري عن اللي صار لي : " يا شيخ ذبحتني بالخفقان لقلبي ووقفتها من أول اسبوع ، وعلى فكرة ترى خالي اللي نصحني بها صار له نفس الشي ووقف من أول يومين "
وبعد هالتصادف اللي صار لنا احنا الثلاثة يأتي السؤال :
هل ظاهرة (الخفقان أو الضربات القوية للقلب ) اللي صارت بعد تناول الاوميغا 3 شيء ايجابي أو سلبي ؟