السلام عليكم
طبعا كـ عادتي ، بعد القز بالنت والمنتديات ، واقرى هني وهناااك
طبعا انا قاع ادور بمواضيع التهابات بامبرز اليهال << خو هذا حظي
عساس استخدم الي استخدمووه حق الصدفيه !! خو شسوي انا صدفيتي نوعها كله ملتهبه ومتنيله
المهم وايد انصحوا باستخدام النشا .. قمت أقولبها براسي !! قلت انا شخسرانه
اجرب ولاسمح الله لو هاجت او شي عندي كورتيزونات ومردي لهم
وقلت حق امي تخلطلي نشا مع شوية زيت زيتون بس عساس يتماسك النشا
تعرفون مكان عكس الكوع ؟؟ الي ياخذون منه تحليل دم .. ماعرف اسمه
بس عشى الشرح كان وافي
المهم الصدفيه عندي هني كانت تخررع رهيبه
لدرجه ايدي هذي مافتحها كلها .. واحس عروقي تعورني فيها سبحان الله
ولما اسوق سياره تخيلوا لما بطق اشاره ماقدر اطق بالايد هذي انزل نفسي بايدي اليمين واطق !!! << وبعدين تعالي قولي ليش الامريكان مخالفيني
<< عندي مخالفه بامريكا
المهم دهناها ولفيناها بشاش ونمت .. والله الالتهاب نشف وقامت تطلعلي قشور !
وتميت عليها 3 تيام سارت الطبقه مع يلدي وحدة ولونها فاااتح !
ماقدرت أصبر قلت أبلغكم
نشا .. وانتيفة زيت زيتون !!!
جربوا منتوا خسرانين شي
وشكرا