[النهار]

السلام عليكم ورحمة الله وبركاته

كيف حال الجميع ان شاء الله الكل بخير

مدري وش قصة النفسيه هاليومين الظاهر شي بالجو مضيق خلق الجميع

عاد انا هاليومين مررره صاكة فيني

بالنسبه للاخت طموح دلوعه الدكتور غير العلاج بس ك>ا قال انه الكريم الثاني نفس الشي

بعدين كان العلاج يصرفه لنا المستشفى ...

بالنسبه للعطار للان ما رحت تصدقون عاد


انا راح اقول لكم طريقه جربتها مع ابني الصغير بس استفدت منها وبسرعه بينت النتيجه

بس طبعا النتيجه كانت مؤقته كالعاده طبعا

استخدمت معه السكر اللي يستخدمونه الحريم حق الشعر

ولدي عنده السماك الصفائحي والقشور اللي برجوله وبوجهه معقدته هو تعب وانا تعبت معه

بيوم جتني هالفكره وحاولت فيه انه نجربها وقلت له ا>ا وجعك راح اوقف على طول

وفعلا بديت اشيل القشور بالسكر وصارت تنشال بسرعه

طبعا بقت قشور خفيفه اقصد طبقه خفيفه من القشور يعني لونها خف وااااجد وما كان يوجعه لانه بعده صغير وجسمه ما فيه شعر

يعني ما كان يوجعه برجلينه اما وجهه فكان يوجعه على خفيف


الصراحه هو ارتاح من النتيجه حتى اني صورته قبل وبعد وكنت ناويه اوريكم بس هو ما رضى وطلب مني اني امسحهم


بس بيني وبينكم والله قلبي كان يوجعني عليه بس خلها على الله


المشكله الحين ان السكر اللي عندي خلص ورجعت القشور وحلني عاد متى اروح السوق


بالنسبه للدكتور انا بعد قريت موضوعه باحد المنتديات وارسلت له وطلب صور بس انا خفت انه يكون نصاب لاني قريت باحد المنتديات انه نصاب او يمكن يكون نصاب فما كملت التواصل معه


مع ان زوجي قال لي ارسلي الصور منتي خسرانه شي


بس صعبة الواحد يتعلق بامل وبالاخير يكتشف انه مخدوع او ضحية نصب فبطلت قبل لا انصدم


بس يمكن يكون صادق سبحان الله



يا الله طولت عليكم واجد السموحه


واتمنى للجميع الصحه والعافيه والصبر على الابتلاء ..