اقتباس:
المشاركة الأصلية كتبت بواسطة بوسطن
اللهم لك الحمد وعساها ماترجع اخوى شنو هالابره علاج جديد
وماهى سلبيات العلاج فى خطورة على الانجاب وهل ترجع الصدفيه بالمستقبل |
اهلين بوسطن اي نعم الابر هذي علاج جديد وراح اكتب لك العلاجات المستخدمه لعلاج الصدفيه و ايضا آخر العلاجات الجديده
بالنسبه للعلاجات المستخدمه في علاج الصدفيه هي :
1- مراهم الكورتيزون أو مشتقات فيتامين د3 (Vitamin D3) وفيتامين أ
2- والقطران والانثرالين (Anthralin)
3- حامض الساليسليك (Salicylicacid)
4- العلاج بالضوء PUVA
5- سايكلوسبورين Cyclosporine
6- الميثو تريكسيت Methotrexate
7- كريمات و مرطبات الجلد و الشمس و طين البحر
طبعاً لكل واحد فيهم أضرار خطيره وانصح جميع المرضى بتوخي الحذر حين استخدام هذي الادويه.
أما العلاجات الجديده للصدفيه فهي :
1- Amevive
2- بسودرما
3- انفليكسيماب أي راميكيد
4- ايتانرسيبت أي امبريل
5- اليفاسيبت أي أميفيف
6- إيفاليزوماب أي رابتيفا
7- أداليموماب أي هيوميرا
8- Kalawalla
9- difur cap ( استراليا )
10- Infliximab
واخيرا أبر STELARA وهي عباره عن 5 ابر لمدة سنه وتظهر فاعليتها من اول ابره وتعطى للشخص متوسط او مرتفع الاصابه بالصدفيه و ليس لها اضرار على العقم يمكن الضرر الوحيد مثل ما هو مكتوب عن العلاج ان الابر تقوم بتخفيض جهاز المناعه الى مستوى منخفظ
لان مكتشفي العلاج اكتشفوا ان سبب الصدفيه والمتهم الاول والرئيس هو جهاز المناعه حيث يقوم بالانتاج المفرط لخلايا الجلد وبالتالي ظهور الالتهابات والبقع الحمراء و وتقشر الجلد
و STELARA يعمل على تخفيض جهاز المناعه ومنع اثنين من البروتينات هما : انترلوكين 12 و انترلوكين 23
وبالنسبه لي انا صراحه لين الحين ما شفت اي اضرار وان شاء الله ربي يبعدنا عن كل شر و يحفظنا ولو لاحظت اي شي راح اعلمكم انا باقي لي ابرتين و وانتظر لين اخلص من العلاج كامل وانا اعلمك لو صار لي شي او رجعت لي الصدفيه يعني لا تبداء فيه الحين . عادي اصير ( فار تجارب ) لعيونكم
انا احاول قد ما اقدر انتظم في الغذاء عشان احاول ازيد من مناعة الجسم و شكراً