سلطان تراني كتبت رد وخلصت يوم جيت ابي اضيفه رفض السستم لان الموضوع انحذف وصدقني لو انك قريته اضنك بتنتحر بغرفتك
ياهو كلام يرفع الضغط كتبته لك
يا اخي انت من جدك تنتحر
انا جتني الصدفيه عام 1417 او 1418
ما اذكر بالضبط
حاليا انا عاطل عن العمل
فصلت من شركة زين لان الشركه تبي واحد يحلق دقنه مرتين بالاسبوع وانا الصدفية مو مريحتني
بعدين قدمت بالعسكرية
شافو جسمي وراسي وطلع بالتحليل صدفية قالوا اقضب الباب وسكره وراك
وانا الى اليوم ما ادري اشيل هم الصدفية ولاهم العطالة
والله طفشت من جلدي ومن شكلي ما البس الا ثوب ما اقدر البس رياضه
والصيف جاي والله يخارجنا
وما اقولك اني مافكرت بالانتحار فكرت لكن قلت هم وعذاب بالدنيا اروح واتعذب بالاخره
يعني قلت عذاب بالدنيا وانشاء الله اجر ونعيم بالاخرة
وانت اللحين خلك معنا بالمنتدى ولايطريك تتركنا
واي شيء تبيه حنا حاضرين
وترانا ناس طيبين وبنفيدك ونبي نستفيد منك ومن تجاربك
اخوك قاهر الصدفية
سلام