اختي النهار وام مهند
بالنسبة لقشرة الشعر
ليه ماتجربو الخلطه الي قالها اخي عبسي بالصفحات الي قبل ان شاء الله تنفع معكم
وانا مع كلام اختي زيزي بخصوص نظرات الناس
لازم يقتنع ابنك انه حتى لو كان جلده غير عن البقيه ... هذا الشيء ما يمنعه انه يواصل حياته العلميه والعمليه وخصوصا الاجتماعيه بالحياه
احب اقولك اختي نهار
انا لما كنت صغييره وبالابتدائي امي وابوي قالولي أي احد يسالك عن مرضك قولي من الله
صحيح كانت هذي اجابه بس مو مقنعه بالنسبة للاطفال وبالنسبة للناس
فلما وصلت لسنه سادس وعرفت اشياء عن مرضي
صارت لما أي بنت تسألني .. اجاوبها اجابه علميه عن مرضي .. بدون ما اهلي يعلموني ايش اقول
كنت اقولهم ..انه هوا مرض لكنه مو معدي وايش هوا سببه وهكذا ..
وكنت اجتماعيه مع البنات.. برغم اني وجدت نفور من البعض
وكنت بالابتدائي اجتماعيه والمتوسط ومابعده انطوائيه نوعا ما
انا انصحك انك تعلمي اولادك كيف يواجهو هالاسئله من الطلاب وزملائهم
يعني لما حد يسأله ليش جلدك كذا ؟
لازم يقوله هذا مرض جلدي مو معدي ابدا
مجرد شكل قشور بس ... والحمدلله على كل شي
بكذا راح يكسب احترام الكل ويكسب الثقه بنفسه
واذا احد نفر منه او ضحك عليه
لازم يقوله هذا ابتلاء من الله .. الله خلقني كذا
ادري انه كلام كبير على اطفال .. بس لازم يتعلمو كيف يواجهو المجتمع
مادري طريقتي صحيحه او لا ؟؟
بس نصيحتي انه لازم يستمرو باستخدام الكريمات
وجربي خلطتي و( خلطة عيوني حزينه ) تلاقينها بالصفحات الي قبل وان شاء الله تفيدك
واتمنى الشفاء العاجل للجميع .. اللهم آمين