[النهار]

راح ارجع لموضوع النفسيه انا اولادي بالمدرسه في المرحلة الابتدائيه ...

قبل المدرسه كان الوضع بالنسبة لهم عادي يعني الاختلاط راح يكون محدود والاسئله تكون موجهه لي او لابوهم عن حالتهم ...

المشكله لما صارو بالمدرسه الاطفال الثانين صارو ينفرو منهم مفتكرين انهم راح يعدوهم بالمرض ..

بالتالي اولادي ابتعدو عن زملائهم وترسخت ببالهم فكرة ان زملائهم ما يحبونهم ..

انا دايما احاول معهم انهم يفتحو باب حوار او مشاركة مع زملائهم ولكن هالشي صعب عليهم وصارو اولادي هم اللي يرفضو هالشي

يعني ولدي الكبير الحين هو بالصف السادس ولا عنده ولا صديق في فصله على مدار سنوات دراسته كلها ..

مع انه بره المدرسه احسه يتاقلم مع الناس بشكل افضل ..

وفيه كلمة هو واخوه مقتنعين فيها تماما ومهما حاولت اقنعهم ما فيه فايده

ان زملائهم يكرهونهم ولما اسالهم ليش يقولون يمه نسيتي علشان بشرتنا هم يخافون نعديهم ..


ما اقول الا الحمد لله على كل حال ويمكن مع الايام وادا كبرو شوي بالسن يقدرو يكونو شخصيتهم ويفرضو احترامهم على الاقل راح يكون تعاملهم مع ناس بدت تتفهم وتستوعب

مهما يكون الحين تعاملاتهم كلها مع اطفال ما زال ادراكهم قاصر وتمييزهم للامور على قد سنهم


معليش طولت عليكم بالكلام سامحوني