ما ادري ليش كلكم تقولون انو تهيج الصدفية لما استخدمنا العلاج, زين الاتات نفسه دايم يذكر بالتلفزيون انو الصدفية تهيج ببداية استخدام العلاج بعدين تخف , لانو الصدفية اللي تحت الجلد تظهر للخارج على حسب كلامه.
بالنسبة لتجربتي للعلاج, استخدمته قبل حوالي سنتين, وبعد اسبوعين تقريبا من بداية العلاج هاجت الصدفية وبعد شهر ونص تقريبا رجعت مثل بداية العلاج, وبعدها ما كنت الاحظ انو الصدفية تخف لاني كل يوم اشوف التطورات مستعجلة على النتيجه, وكانت ماما تقولي كل ما بتشوف صدفيتي انها قاعدة تخف.
وبدات الاحظ فعلا انو الصدفيه قاعده تخف بعد 5 شهور من بداية العلاج, لاني صرت ما اتابع التطورات يوميا ولاحظت انو صدفيتي سماكة القشور خفت كثييير يعني تقريبا ثلاث طبقات قشور والقشور تتبدل بمعدل ابطئ من قبل.
واستمريت على العلاج 9 شهور, وكنت ناويه انو استمر على العلاج 14 شهر , لانو زين قال على التلفزيون انو كل سنة اصابة تحتاج لشهر علاج, وانا كانت الصدفية فيني من 14 سنة (هذا الكلام من سنتين) عشان كذا نويت استخدمه 14 شهر, وللاسف ما استمريت مش لانو ما في نتيجه بالعكس في نتيجه بس ببطئ, لاني مليت من طول المدة ولانو اخر شهرين من العلاج صرت ما اتناول العلاج بشكل مستمر, لانو المدة طويله ومليت.
ومن كم شهر افكر ارجع للعلاج, لانو بصراحة احس انو هالتجربة من التجارب الناجحة في علاج الصدفية بالنسبة لي, بس ما اعرف هل ابدا من اول او اكمل الخمس شهور الباقية من العلاج؟؟
وعلى فكرة زين دايم يذكر في برنامجه انو يفضل بعد ما تروح الصدفية يستخدم 3 اشهر اضافية.