..أعرفكم بنفسي .. أنا فتاة من المنطقة الشرقية عمري 15 سنة مصابة بالسمكية..
وعندي ثلاث اخوات مصابين وخمس سليمين
الأب والأم قرايب ..
عند الولادة كان كل شي طبيعي ولكن في عمر أربع سنوات إبتدى الجفاف وكان خفيف استخدمت فازلين
وبعد البلوغ تطورت الحالة وبدت القشور <<وبدأت المعاناة 
وطبعا كنت ما اعرف أي شي عن المرض..
ولما رحت للمستشفى كنت متوقعه إن الدكتورة تقول إنها أول مره تشوف هذا الشي وإنها بتقول.. انه جفاف عادي حطي فازلين ويروح ..
لكنها أول ما شافت كانت عاااادي وكأنها كل يوم تشوف هذا الشي وأنا أطالعها مستغربة
وقالت مرض اسمه السمكية 
وان الي فيني درجه خفيفة << 
وطبعا أنا كنت معصبه عليها لأني كنت أفكر إن إلي فيني مو خفيف أبدا
ولكنها ورتنا <<أنا وأختي
ورتنا صور .. قلت الحمد لله رب العالمين وكأني بالنسبة لهم مافيني ولا شي
وعطتنا علاج ولكني ماحسيته نفع .
وبعدين رحت مستشفى الظهران وعطتني الدكتورة العلاج .. Oilatum gel _
و_ULTRA MIDE 25<< هذا خطير على المناطق الحساسة _و
لقشرة الرأس SEBULEX.
واستخدمته ونفع يعني القشور تطيح ويترطب المكان .. أنا للآن استخدمه ولكني مو مداومة لأني لازم أحطه
أكثر من مره باليوم وأنا بطبعي ملوله .. أنا دوي علاج جذري يعني مو استخدم شي وبعد ما أوقف يرجع ولا
كأني مسويه شي ..
انا الي أبغاه علاج يروحه نهائي.
وقبل تقريبا اسبوع او اكثر قالوا لنا انه في المستشفى التعليمي بيسوون دراسة على المرض ويبغون تحليل دم من
المصابين بالمرض واخ سليم والوالدين ..
ولسوء الحظ كان عندي اختبار نهائي في ذاك الوقت فما قدرت اروح فــ باقي العايله راحوا .. وان شاء الله
يكتشفون علاج داخلي جذري << إن الله لم ينزل داء إلا وله دواء
أما عن الأسئله ..
من خلال تعايشك مع مرض السمكيه هل تعتقد انه يصيببحالات نفسيه أو اكتئاب ؟
طبعا .. وخصوصا في الصيف اكون لابسه بدون كم فأنحرج اذا جاو ضيوف >>مع ان الي فيني خفيف ومن بعيد مايبين فــ احاول اني ابتعد شوي لا احد ينتبه ويقعدون طابور اسئله.
وهل تؤيد الزواج من مصابه اومصاب بهذا المرض ام من شخص سليم ؟
والله الافضل انه يكون سليم علشان الاجيال القادمه تكون سليمه معفاة باذن الله
..أنا احيانا يجي في بالي اني اتزوج واحد اعمى ههههه 
<<< لاتعليق
وانا ابغى اسأل البنات ..
اذا شلتو شعر اليد اوالرجل يطلع حب ؟؟
..لأني واختي المصابه في نفس المرض يطلع حب احمر ورأس الحبه متجمع
شي ابيض ويكون يألم .. واخواتي السليمات مايطلع شي ..فأتوقع انه من المرض.
ونسأل من الله 
وعذراً على الإطالة..
تحياتي ..
"جوري"