[صدى الدعاء]

السلام عليكم و رحمة الله و بركاته

شكرا لك مشرفنا العزيز ..
والله أنت صاحب فضل علي ....
بس ليش ما لونت الكتابة بألوان علم الكويت الجميل


و مية هلا بالأخ ايهاب ...

بس معلش هلأ الورقة يلي عندك تبعت دواء
"الاسبسيريا" مكتوب فيها نفس الكلام يلي أنا كتبته؟؟؟
فضول بس..

اهلين بأهل حمص..شو حكاية هاي النكت اللي تطلع عليكم .


له له له له...هيك بتفضحنا أدام الناس....ترى فيه اختراع
اسمه الخاص مفيد كتير لهيك مواضيع .....ههههه
بس عادي... أصلن أهل حمص دمون خفيف كتير ،مشان هيك بس ....
معقولي وصل سيطنا لعندكم!
بس بدك تقلي مين قللك ... والله ما رح حل عنك لتقلي...

أنا رحت للبحر عندنا.... و استفدت كتير..بس المشلكة التشميس...!

و ان شاء الله بتبشرنا بخبر شفاؤك ....باذن الله


و تكرم عينك يا أختي المغراوية...
عزيزتي...

أنا بدأ معي ألم خفيف في مفاصل الوركين و بعدين بدأ
يزداد...و رحت لعند الطبيب وبالأول تفاجئ من الأعراض و
بعدين بعد ما عرف انو معي صدفية قرر انو هذا التهاب مفاصل
صدفي.

مع انو أبدى تحفظه بكل صراحة على أنو التهاب المفاصل
الصدفي يصيب مفاصل السلاميات أي أصابع اليدينأو القدمين..و يؤدي الى انتفاخ و تغير في شكل الاصاابع.

و طلب صورة و ما لاحظ شئ..
و بدأ يعطيني أدوية الروماتيزم و الالتهاب و ......و أنا ما في أي
استجابة...و بعدها غيرت الدكتور ...و بدأت رحلة اللف على
الاطباءو بدون أي فائدة ...كل الاطباء حسيتهون مستغربين و
مترددين ...
و يعطوني أدوية للمفاصل و الروماتيزم بدون أدنى فائدة ...و
بعدين صاروا يعطوني كورتيزون و انا لا اعرف أنه
كوتيزون...بس الوضع ازداد سوءا و وصلت لمرحلة أني ما عدت
قادرة اتحرك....

و بالاخير ...فيه طبيب كتبلي على "ميتوتركسات" على أنه
الانسب لحالتي متل ما قلت حضرتك "للمفاصل و الصدفية"
و لم آخذه لأني وقتها كنت عم اذهب لاستشير الاطباء فقط.....
و بجمع الآراء .....و بعدين بقرر يعني حسب الاغلبية.

و المهم بالاخير ربي وفقني للذهاب لطبيب و كان معروف واقرب
طبيب علي....بس سبحان الله لحتى ربك يأذن بالشفاء....
و أول ما شاف الصورة (الصورةالقديمة من أول طبيب) فورا قال
أنت معك نقص كلس كبير....
و كتير كان متأكد بس أنا بصراحة ما اقتنعت.....لأنو و لا طبيب
حكي على الكلس...و ما عرفت من وين اجا نقص الكلس....
و وصفلي على حبوب كلس و ابر فيتامين د ( اظن مشان يثبت
الكلس) و بروفين مشان الالم عند اللزوم...

و لما سألت الطبيب من وين اجاني نقص الكلس؟
قال: يمكن بسبب الادوية الكوتيزونية حتى لو كانت موضعية..
و لم اصدق نفسي لما بدأت اشعر بالتحسن من اول اسبوع...و هكذا ...
حتى تعافيت تماما .....و لله الحمد
و عقبالك ان شاء الله ...
و هذا الكلام من 6 سنين تقريبا..
أما ملاحظاتي :
بالنسبةلك ...ما شاء الله صدفيتك خفيفة ..

أنا طبعا لست دكتورة حتى أشخص لكن حسب خبرتي
المتواضعة....يمكن عندك التهاب مفاصل صدفي بالفعل لأنو قلت :
آلام في المفاصل منذ حوالي ثلاث سنوت مع انتفاخ في بعض أصابع اليدين
و أنا ما صار معي لا انتفاخ و لاشي..طول تلك
الفترة التي استمرت قرابة السنة...لكن اذا أنت تاكدت من
التشخيص فما فيه مشكلة أبدا ...عندك العلاجات التي يقوم بها
اغلب الاعضاء و التي اعتقد ان الاخوة اخبروك عنها -جزاهم الله
خيرا-و هي الماء و الملح...أنا سمعت انو ممتاز لآلام المفاصل
شوفي اغلب الاعضاء بيعملوا هيك و مرتاحين...

و أظن التجربة موجودة في موضوع مثبت فوق اسمه"مع الصدفية27عاما علاجا و دواء"
و ان شاء الله بتستفيدي....
و أي استفسار آخر أنا حاضرة.
تمنياتي لك بالشفاء من كل مرض...



و أهلا و مرحبا... بأخي و أستاذي العزيز حيدر
والله يجبر بخاطرك...هذا بس من ذوقك...خجلتني..

و أنا متاكدة من وصفة بيرنيز(ما تيريزا أحسن ما يزعلوا الاخوة المسيحين اذا شافوها)
متأكدة أنها فعالة ...باذن الله
و بتقدر تتأكد كمان اذا رجعت لموضوع للدكتورة ميرامار عن
فيتامين د وهو ترجمة لموضوع الدكتور صابر...جزاهم الله عناكل خير...و بالشفاء ان شاء الله