السلام عليكم ورحمه الله وبركاته
صراحه اشكركم كلكم لانكم بثيتوا امل فيني ان الصدجفيه لها علاج بعد احباط الدكاتره
ما اطول عليكم انا مريضه بالصدفيه منذ طفولتي المبكره ولي 24 سنه
ما اتذكر جلدي طبيعي
المهم يوم سجلت بهذا المنتدى شجعتوني اتعالج
بالفعل بدات في شهر ذو القعده استخدم فازلين وخلطه عطتني اياها وحده
وبعدين وقفتها
وبدات بصابونه كلارا .. وفازلين بفيتامين اي من شهر ذو الحجه
بس ذبحتني ريحه صابونه ولدي كل شوي يقول ماما فيك ريحه وعقدني
وللحين الحمد لله القشره خافه كثير في جسمي يعني نسبه 50% تقريبا
وصدفيه وجهي الحمد لله والشكر كان ما عندي بس يا ويل ما احط صابونه كلارا عليها ترجع يعني ويما فازلين مرتين بالاسبوع كلارا ومبسوطه وما شي حالي الحمد لله والشكر
ولشعري جربت شامبو قالولي عليه البنات بالمنتدى ناسيه اسمه الحين بس يعني ما احس تحسن كثير لاني ما استخدمه على طول فهو ينشف شعري ويخليه خشن
والقشره موجوده واحس بحرج لما تتنائر على البلايز قدام الحريم
المفاجاه من شهر ظهرت لي صدفيه باماكن جديده
وانقهرت لاني ما صدقت ان القشره تروح
وقررت اني ابيدها قبل تكبر على الاقل احدد مكانها
وسويت لي جدول عنايه خارجيه وداخليه
الخارجي
اولا خلطه الدهيميه مره يوميا بس من غير بول ابل
ولو حصلتوا راح اجربوا
فرحت البارح الصيدليه وشريت الزيوت من شركه وادي النحل لاني سمعت ان العطارين يغشون والافضل شراء الزيوت معلبه تعليب شركات لضمان الجوده وعدم الغش <<<<< وكانها انغشت
وصراحه تحطمت
ريحت زيت بذره الكتان كانه سمك معفن واللون اصفر على برتقالي يعني بني فاتح
وزيت البابونج اصفروالخلطه لونها اصفر حلو
بس الريحه ما عجبتني
وللحين متقرفه احطها كل شوي ااخر الموضوع خاصه اني ارضع بنتي واخاف انها تقرف ولا يجيها شي من هالخلطه <<<<< ماتحب اي شي فيه ريحه
تتوقون الحين راح تفيد معاي ولا لا ....؟؟
وهل كل مره احطها فيها لازم اتروش بصبونه الكبريت ( كلارا)
لاني استخدمها مرتين بالاسبوع
ومع هذه الريحه شكل ييوميا
بليز افيدوني ياللي تعرفون
وعندي سؤال مهم للي في الرياض ...؟؟؟؟؟
فين احصل صابونه كلارا لي شهر بادور عليها وما حصلتها
اي الصيدليه مع الوصف ولا الرقم من فضلكم
لان اللي عندي بتخلص
ولقيت صباونه كبريت لون الكرتون اصفر تنفع ولا لا ....؟؟؟؟
ثانيا
وناويه ادحر الشيطان:d
اعمل ماء وخل تفاح بعد التشطيف زي ما اشار هجهوج وام ناصر
ثالثا
لشعر خلطت شوي زيت الكتان مع البابونج والخروع
وباجرب مره اواثنين بالاسبوع لاني ما احب الزيوت
رابعا
ودي بالحجامه
بس ياليت اللي يعرف وين بالرياض يدلني
العلاج الداخلي
بدات لي يومين فيه
واحس بحرقان بالمعده وتاعبني ياليت تدلوني على شو هو سبب الحرقان
1-شرب ماء دافي مع عسل على الريق
2-وخذت اليوم 7 حبات حبه سوداء
3-بعد الغداء ببلع فص ثوم لاني شفتكم تمدحونه
بس اليوم معي حرقان فضيع مدري من ايش حسيت فيه بعد ما اخذت العسل
وزاد بعد الثوم
4- بعد العشاء شرب شاي اخضر بالبابونج
5- اكل تمر يوميا اقل شي 3
6- باخذ فيتامين كتبته لي الدكتوراه من زمان وقاطعته لاني ابي انحف
وهو عباره عن مجموعه فيتامينات منها فيتامين د وب
والله خلال هاليومين بس زاد وزني كيلو ونص
7- شرب كوب عرق سوس يوميا
بس صراحه طعمه ما عجبني كانه ماء ملخوط بشويه سكر والطعم مره مو شي بالغصب تغصبت فيه البارح اشربه وووراه حبه حلاوة اضيع فيها الطعم
اللي جربه بليز هل يضيف له سكر علشان يصير طعمه مقبول او لا ...؟؟؟؟
8- دخلت السمك لغذائي
مافي وصفات لفيليه السمك من غير قلي <<< ترجع سبب الحرقان من القلي
9-ودي بالسلطه بس مدري متى بادخلها ولكن هي في البال
1راح احط فيها( جرجير + بصل او كرات + فجل +رجله + خس + جزر)
وايش رايكم فيها نزيد شي كمان؟؟؟؟
10- اذا دعى الامر لما تجيني الحكه بلع حبه مر ه صغيره وهذه مو يوميا
الله يعيني على زلطها هي والثوم
توني قرات عن الخميره خاصه انها تنحف
هاه شو رايكم ادخلها بعد مع الوصفه ولا يكفي
بس كيف طعمها ...؟؟؟؟
اخيرا انتهى جدولي ادعولي ان الله يجعل فيه الشفاء
وياليت اجد اجابه على استفساراتي عندكم
دمتم بخير