يااهلا وسهلا باخوي وابن بلدي العراق
شلونك اخوي محمد انشاء الله بخير
شوف عيوني يشهد الله اني دخلت واني ياسه من هذا المرض اللي هجم على ابني وانتشر بكل جسمه وراسه بعد ان اخذ الكيمياوي وجان هذا المنتدى بعد الله هو سبب شفاء ابني
وهو هسه كمل دراسته وصار سبع اشهر من خلص من الصدفيه واتعين مهندس ويعيش حياته بسعاده بعد ذيج الحيره والمعاناة والفضل لله ولهذا المنتدى واصحابه
اخوي بس طول بالك ويانه واحنه بخدمتك واكيد اكيد توصل للشفاء
ابدا لاتهمل الصدفيه ادهنها ولو مره باليوم بالفازلين الى ان تستقر على العلاج المناسب
اكيد سمعت من الدكاتره بانه مرض مااله علاج هذا الكلام صح وخطا
اشلون لان ابني من 70% صدفيه الى كل اسبوعين او ثلاثه تضهر حبه مثل حب الشباب ونحط عليها مرهم وتختفي وبعد يومين هذه الحاله ايضا نسيطر عليها واني وابني نعتبر هذا شفاء وكلش مرتاحين والحمد لله
اما العلاج اللي استعملته فهو الخلطه الدهيميه وتكدر تقرا قصتي بموضوع رحلتي مع الصدفيه ويه المتشافين
واكرر واكول انت في المكان الصحيح ودير بالك من الاطباء والادويه واتجه مثلنا للعلاج بالاعشاب والزيوت لانها تنفع وماتضر
وعندك العافيه اخوي والف هله
|