[قلب ابوي]

الســـــــلام عليكم ورحمة الله

انا ضيفه جديده عليكم بهالمنتدى حصلت هالمنتدى صدفه بتصفحي عن طريق عمي قوقل الله يخليه لنا وفرحت وربي فيه وعلى طول سجلت
وهذي اول مشاركه لي بينكم واتمنى اني اكون خفيفه عليكم

ومريضه بعد بالمرض الفتاك (( الصدفيه )) << حاقده عليه
راح اسرد لكم مشوار كفاحي مع هالمرض اللي اصبت فيه وعمري 18 سنه الى الحين وهو معي وعمري 27 سنه
في بدايه مرضي مثل اي مريض رحت للمستشفيات وعالجت بالكرتزون والاشعه الفوق بنفسجيه من خلال دكتور استشاري بمستشفى خاص وعرضت جسمي للاشعة الشمس مباشره كل شي زينته لمدة اربع سنوات وبعدها تعبت من الكرتزون وعلاج المستشفيات والجلسات حتى جتني رجفه بجسمي بسبب الكرتزون بعدها تركت المستشفيات والاطباء كلهم
واتجهت للعلاج بالطب البديل والاعشاب والطبيعه بعد معاناتي مع المستشفيات وعالجت بالاعشاب الى الحين وشفيت ولله الحمد تماما اجزاء من جسمي منها يدي وكثير من اجزاء جسمي بس المشكله الاجزاء الثانيه تروح وترجع يعني تعبت معها وشفت بالمنتدى ان فيه ناس شفت تماما من الصدفيه < يارب عقبالي
ونا عندي امل ومتفائله بالله كثير اني راح اشفى منها شفاء تام بس لازم صبر وتعب
لاني مقتنعه مافي مرض صغير ولا كبير الا الله انزل له دواء يعني لكل داء دواء بس كل انسان علاجه يختلف عن الثاني لو المرض واحد خصوصا بالامراض الجلديه لاني انا مشكلتي حاسه انها بطريقة تلخبطي بالاكل وبكل شي يدخل البطن احس انه غلط وعدو للصدفيه يوم شفت المنتدى فرحت والله لاني ابي افيد واستفيد وبئذن الله شفت حالة اختي الدهميه انها شفت ولله الحمد واختي ازير ونويت اطبق خلطة الدهميه وطريقة اختي ازير
واتمنى من اختي الدهميه وازير يكتبون لي نظام غذائي امشي عليه مع العلاج اللي كانو يعالجون فيه
يعني هل كان فيه نظام معين يمشون عليه ؟
وان شاء الله يكون هالمنتدى سبب بعد الله بشفائي وشفائكم ااجمعين ياارب بس عن طريق الطبيعه والطب البديل فقط
لاني الطب والمسشتفيات حاطه عليهم اكس كبيرره

وادعي الله لجميع المرضى بهالمرض او اي مرض اخر الشفاء التام بئذن الله

اختكم قلب ابووي