هالمرة هنجتمع على طاولة الاكل عشان نتعرف على واحد وواحدة فينا
بخصوص الماكولات
من خلال اجوبتكم على هالاسئلة
بسم الله نبدأـــ أنت نباتي أو يعني بتاكل كل شي ؟ ؟ ؟
بـاكل كل شي...بس الأكتر حيوانــي..يعني لحـوم...مع أنو مو ظاهر عليّ
ـــ كم وجبة باليوم بتاكل ؟؟؟
هو الصراحة سؤال محرج هاد
الوجبات التلات أكيـد راح أكلهم..
لكن بين كل وجبة ممكن باكـل خمس وجبات..كام بيصيرو هلأ
ـــ أيا وجبة أهم شي عندك ؟؟؟؟
الفطـور..عشان أركز لآخر اليوم...
ـــ شو هوي الجو اللي بتحب يحيط فيك و انت عم تاكل ؟ ؟ ؟
ما يكون ولا حد عندي..عشان أعرف أركز وآكل منيح
ـــ شو بتحب أكلات ؟؟؟
الصراحــة كلهـم...لكن أكتر شي..ورق العنب..الكبسة...المشاوي...الملوخيـة..وجميع الأكلات اللي فيهم لحمة.
ـــ شو بتحب حلو ؟ ؟ ؟
أنا مش كتير مع الحلويـات..بس أكتر شي..الكنافة طبعا
ـــ شو بتحب مشروبات ؟ ؟ ؟
عصيـر الخروب..
ـــ شو بتعرف تطبخ ؟ ؟ ؟
اممم..هاد السؤال منيح..لني في العطلة بلشت أعرف أطبخ
احم احم...بعرف أطبخ (لو شي بسيط بدي أكتبو...يعني للفطور) ..ورق عنب...ملوخيـة..وأعمل رز وحدو...وبعرف اشو دجاج(يعني صينية جاج مع خضار)معكرونة...يخنية (ما بعرف شو اسمها عنكم)...بعرف اقلي بيض مع بصل...وبعرف أعمل شاي وقهوة..شو بدكم كمان..صرت ربت منزل وطبـاخـة ع اول هالعمر
ـــ بس تتجوز (بتحب تساعد مرتك بالطبخ )للشباب
بس تتجوزي (بتحبي زوجك يساعدك بالمطبخ)للبنات
؟؟؟؟؟؟؟
لا بـدي يساعدني ولا حاجـة...ما بحب حد يساعدي في أي عمل مهما كان..أا باشتغل شغلي وحدي دائما في هدوء وبسرعـة...ولسى بكير ع هالحكي
ـــ ما بتقدر تاكل غير اذا تجمعت عيلتك و لا عادي بتاكل لوحدك ؟ ؟ ؟
أنا الصراحة الوحيــدة في العيلـة ما بحب أكل مع مجموعة...بس اذا تواجد ولا بــد..عادي بجلس معهم..
...حتى أنا مثلا في الفطور الجماعـي في الصـف...ما بحب آكل مع البنات..بروح ع زاوية وحدي وباكــل والسلام عليكم
ـــ شو أطيب أكلي عملتا و كتير ئالولك طيبي ؟ ؟ ؟
الملوخيـة ...وأرز لوحدو...كلها طلعت طبخة وحدة..وهي بالمناسبة اول طبخة...
بس ما بعرف اذا هم حبوها او تشجيع..المهم أنا حبيتها
ـــ شو اكتر اكلي بتحب أنو امك تطبخلك ياها ؟ ؟ ؟
ورق العنـب...والآكلات التانية اللي بحبها
ـــ وانت عم تاكل بتحب تتفرج عالتلفزيون ؟ ؟ و لا تسمع موسيقى ؟ ؟ و لا ولا شي ؟؟؟؟
لالالا..ولا شي..عشان أعرف أركز بالأكل
ـــ بس تصحى من النوم شو بتحب تحط اول شي تاكل ؟ ؟ ؟
ماما بتعمل الفطور قبل ما أصحى..وأل ما أصحى بكون الفطور بستناني...وباكل عادي أي شي الحمد لله
ـــ وقت بتروح مطاعم شو أكتر شي بتشرب أو بتاكل ؟ ؟ ؟ ؟ ؟
المشـــاوي..عادي مع أي مشروب
ـــ شو بتحب من أكلات الفاست فوود ؟ ؟ ؟ ؟
الكبــاب
ـــ شو بتحب من أكلات الشوارع ( يعني البياعين متل العرانيس*الذرة* البوشار الفول الترمس . ..الخ ) ؟؟
ما بحبها أبــدا من الشوارع..بس بالبيت ماما بتعملهم..بحب الترمس
ـــ شو أطيب أكلة اكلتا بحياتك و بعدك بتحبا وعلى بالك تاكلا هلأ .؟
الصراحة ولا شي..الحمد لله
ـــ وقت بتروح سوبر ماركت شو اكتر شي بتشتريه من اكلات شيبس شوكلا . . . . الخ ؟ ؟ ؟ ؟
ما بشتري شي..برجع والمصاري في ايدي..أنا مو من النوع اللي بحب يتبضع..عشان هيك بابا بحب يبعتني أنا
وشكرا لكم