[صابر من زمان]

مساء الخير اظاهر يا جماعه فيه حد منا عينه تخوف ... والله اللي حصل لي امس واليوم عجيب ... انا حكيت ليكم اني بدأت برنامج البحر امس وقضيت ساعتين في الماء وثلث ساعه في الشمس ساعة الغروب وانا متحمس جدا شوفوا ايه اللي حصل :
1 - اتصلوا بيه في الشغل امس لما رجعت من البحر وكتبت ماحدث عن البحر اليكم ...قالوا لي في العمل بأن مواعيد العمل ستمتد الى السابعه مساء ... وفي مكان تاني بعيد عن البحر .. قلت مش مشكله هستيقظ الفجر اروح البحر وارجع البيت اتسبح وارجع الى العمل
2 - نزلت اليوم بعد ما صليت الفجر للذهاب الى البحر كما عزمت ... ووصلت الى السيارة وجدت التاير او العجله مخرومه ( مبنشره ) قلت مش مشكله هركب الاستبن ( الاسبير ) وفتحت شنطة السياره وجدت العجله الاحتياطية غير صالحه ( نايمة) ما تصلح تتركب
3 - قلت هروح اصلحها واروح البحر لازم اروح البحر اليوم ذهبت لاصلاح الكاوتش كانت الساعه الخامسه صباحا ما في محلات فاتحه انتظرت والمحل فتح الساعه السابعه والنصف يعني جاء موعد الذهاب العمل
4 - اتصلت بيهم في العمل قلت ليهم هتأخر شوية للساعه 11 وروحت البحر بعد ما اصلحت الكاوتش ( التاير) ووصلت البحر الساعه الثامنه صباحا
5 - انا عارف ان الميعاد المناسب لنزول البحر فات لكن كنت عايز أأكد لنفسي اني لن اضعف او اهمل وفعلا نزلت الى الماء لمدة ساعه ونص وجلست في الشمس مده ثلث ساعه لكن خوفت لان الشمس في الساعه التاسعه والنصف شديده شوية ورجعت البيت واستحميت ورجعت للعمل ولسه داخل البيت الان ... الساعه تسعه الا ثلث .... فيبدوا اني اخدت عين من احد ونا لسه على البر .... مافيش داعي يا جماعه وكله يصلي على النبي علشان نقدر نواصل المشوار ... اخوكم صابر