[maney3adya]

السلام عليكم....
اتمنى منكم تدعون لي بالذريه الصالحه صار لي سنتين بدون طفل او طفله افرح فيهم وفرح زوجي....ولا يوجد مانع طبي...لما يصير حمل يطيح صار لي حمل مرتين بس الله ماراد انه يتم...
اعلم ان ارادة ربي سبحانه فوق كل شي بس زوجي يضغط علي كثير...انا ما ألومه لانه يحب الاطفال كثير بس ضغطه علي مسبب لي حاله نفسيه مايعلم بها الا الله سبحانه. والكلام اللي يقلونه هله ادري يبون مصلحتي بس يجرحوني بكلامهم مثلا روحي حق الدكتور الفلاني او لما اقول عملوا لي المستشفى كل التحاليل والحمدلله كلها سليمه يقولون لي هني مايعرفون شي لين سافرتي بالصيف روحي هناك يعرفون احسن ومن هالكلام يعني غصب يافلانه فيج شي....واللي مأثر اكثر انه بنتهم اللي هي اخت زوجي حملت وربت وماصار عمر ولدها 8 شهور الا وهي حامل والحين زوجة حماي بعد حملت وربت وشكلها تبي تحمل ثاني قبلي علشان المقارنه تصير والله ضايق صدر وماابي احسد حد والله اتمنى لهم الخير بس خوفي من كلام اهل زوجي والحاله النفسيه اللي بتصيد زوجي لو عرف ان زوجت اخوه حامل للمره الثالثه وانا للحين..ارجووووكم.....ادعولي اكون حامل هالشهر ويثبت في بطني 9 شهور واجيبه سليم معافى...وان الله يهدي لي زوجي...ويعوض عينا عن اللي فقدناهم بتوأم يارب.....
ويجزا ربي كل خير لكل من قرا معاناتي سواء رد او مارد يكفيني الدعاء بالقلب...