[gabaga]

انا فتاة اباغ من العمر 27 عام سبق لى الارتباط من ذى قبل بحب عمرى ولكن لم تاتى الرياح بما تهوى السفن فشل علاقتنا وانتهت خطبتنا فى اقل من سنه حزنت كثيرا لهذا و تالمت لاكثر من 4 اعوام حتى شاء القدر وتقدم لى شخص لم اقبله فى البداية ولكن بشكل عملى تقبلت الامر فهو زوج لقطة كما يطلق عليه وفى السريع تمت الخطبة بشكل مبهر وحسيت انه فعلا يعتمد عليه كرجل شارى فتاه بفى اقل وقت ممكن تعرضنا فى بداية الخطوبة لمشاكل ما بين الاسرتين تهد اى زيجة ولكن وقفنا بكل اصرار امامها وبعد 10 ايام فاجئنا باقتراح عقد القران تمت الموافقة على اساس انه شخص راغب مليون فى الميه وتم عقد القران وبعده بيومين تمت مشكلة اكبر بين الاسرتين وصمدنا ايضا امامها وكانت المفاجاة الاكبر تغيره الشديد وهروبه من مقابلاتى الا القليل وبعد اقل من 15 يوم افتعل مشكلة وعقد نية الطلاق مع نفسه اهله تدخلوا فى الموضوع واكتشفت رغم كل المشاكل الا انهم بيحبونى بجد ومش عايزين غيرى لابنهم وحاولوا معاه الا ان اخته صرحتلى انه رجع لفتاه كان مرتبط بيها قبل ارتباطى انا وبالفعل رجع ليها وده كان سبب بعده عنى انا دلوقتى مش عارفة اعمل ايه مع العلم انه اخذ قرار الطلاق اكثر من مرتين واهله يرجعوه عشان حرام دى بنت ومكملتش شهر على كتب كتابها اتقى الله وكمل المشكلة انه رجع بس مش حاسه منه باى شىء ولا اهتمام ولا مشاعر ولا اى اشىء انا بموت كل يوم ومش عارفة ايه الحل افيدونى هل اخد قرار الانفصال بنفسى والا اصبر على ما به يمكن تعلقه بالبنت يخف يوم ورا يوم