اقتباس:
المشاركة الأصلية كتبت بواسطة حلا..
ياهلا وغلا اختي برنسيس
الله يتقبل يارب...
وعلى الدعاوي صراحه دعيت لكل مصاب بالصدفيه...بس ولايهمك انا ساكنه بمكه المكرمه اقمز للحرم وابشري بالطيب 
اما عن الحبوب اكيد انتي ماخذيتي النيتقاسون الا والصدفيه شديده عندك وتآلمك انا يوم خذيتها كان عمري 15 سنه ومقدارها 25 جرام...صحيح انها في البدايه تهيج كل الجلد احمر لاكن بعد اسبوع كل الجلد يتقشر الملتهب والسليم..وكملي عليهم شهر يصير جلدك 100%....بس خطا تتركينهم من عقلك كذا...لازم تنقص الجرعات الين توصل مره ف يالاسبوع 10جرام....اكلمك كذا عن خبره 7 سنوات مع الحبوب...بس تراها تريح مرررررررره والاثار الجانبيه تلقائيا تخف...ولازم ومهم بدايه ماتاخذي الحبوب ترتاحي ع السرير وماتبذلين اي مجهود الين مايطيح كل القشور ويصير الجلد طبيعي.....انا كنت اخذ اجازه شهر من المدرسه...والحين انا بالجامعه الحمدلله مازادت علي الصدفيه مثل قبل....
وشعري رجع طبيعي بعد ماكان يطيح...
والخلطه انا شفتها ومحفوظه عندي
وانشاء الله تستفيدين منها يارب...
شفنا الله وياكم من كل داء يارب..
آختك/حلا |
السلام عليكم ورحمه الله وبركاته ...
يزاج الله ألف خير على هالتواصل الرائع .. وعلى الدعاوي الحلوه ..
الله يستجيب... يارب ....
يالنسبة للحبوب انا كانت الصدفيه عندي من النوع المو شديد في هاديكي الفتره ..
الموضوع إنه العلاجات بالمراهم ما كانت تفيدني وكانت هاي الخطوه التاليه ..
وانا للعلم طالبه في الجامعه .. وتعرفين الأمور هناك كيف .. مشي للكليه
والطريج إلي اطلعه للجامعه والشنط إلي نشيلها والمجهود إلي نبذله ..
وكان جلدي في ايدي تبذل والأمر كان مؤلم .. خصوصا رجلي لما
كنت امشي للكليه ... وانا الحمدلله اتوقع إن المده مثل ما قلتي كاانت قصيرة
يعني اظن الإحتياطات في اخد الدواء والتدريج في الإنقطاع عنه .. كان الموضوع
هذا مهم في حالة الشخص إلي داوم على الدواء فتره طويله .. وانا الطبيبه
المشرفه علي قالت وقفي الحبوب إلى اجل ...
مشكوره جدا جدا جدا على حرصك لمصلحه الغير .. ورأيت هالشي
رائع جدا فيك إخيتي ...
السموحه ..
اختك في الله ...
برينسس