[الفلسطينى]

قلبي على وطني
يا وطن الموشوم بالقنابل
يا وطن الاشجاروالانهار والجداول
يا وطن الاديان والايمان والتساهل
ياوطن الاشعار والاصرار والثفائل
ياوطن الايتام والأرامل
يا وطن المقتول والمقاتل!!!
انزف صبر ياوطن ..بيه الك ميه جرح
كلما يهيد الألم بجروحي اذر الملح
افديك ياوطني لو ميه مره انذبح
واشرب نخب هيبتك من المسا للصبح
مثللك محب ماالي .........ومثللك جرح مايصح
قلبي على وطني
قلبي على وطني وي رشفه الفنجان
وبكل تحيه صبح من حايط الجيران
لو ماانتي يا حيرتي ماا كان كل ما كان
من غير ارض واهل مااقيمه الانسان
بس يا خساره الأهل...
من حط رحاله الجمل..
وياك علو الجبل
ولارخص علج اجنبي تتخضع وتنحني
اهواك يا وطني لو جنتك ناري!!!
وانزفلك الدم شعر وااهديلك اشعاري
كل يوم نكعد سوه واحجيلك اسراري
تفكدني من ابتعد وتزورني ابداري
وابجيلك ابلا دمع واشرحلك الجاري
معذور من سرني
ومعذور من لامني
قلبي على وطني

قلبي على وطني وباجر يرشني الفرح
تحت السمه واضحك بكل مرح
ومعذور ذاك الوكت لو بيه ضحك سني
قلبي على وطني