اريد انشودة لسعد الطلعه
:salam:
القلب يحزن والمدامع غزيره في جوفي نار من لهبها تباكيـت
والدار ظلما كانت أمي تنيـره يايمه ويننتس من دونتس خلا البيت
والدار ظلما كانت أمي تنيـره يايمه وينتس من دونتس خلا البيت
قلبي تفطر علـى الفرقى المريره آمنت بالله وبأقداره ترضيت
الموت حقٍ وكلن له مصيره وموت النبي قبلتس يايمه تعزيت
هذا جلالتس وريحتس في عبيره كل يوم أشمه ولياشفته تهنيت
صوتتس يايمه يامحلا أثيره حنانتس يمه يخليني تدفيت
يايمه منهو أجيله وأستشيره يعدلني لاشفت الصواب وتنحيـت
يايمه كلن يناظرلي بحيره من يوم رحتي وأنا اللي ماتواسيت
ياكم تعلم من معاني غزيره يامنهل التعليم منتس تربيـت
ياكم تعلم من معاني غزيره يامنهل التعليم منتس تربيـت
كم قصةٍ قلتي وللماضي نسيره ولاجيت عندتس بسواليفتس تسليت
آآآهـ يايمه لنظراتي الأخيره مليت كفي ترابٍ ثم حتيت
أبشري يمه بدعواتٍ كثيره كل ماذكرتتس ولرحمن صليت
القلب يحزن والمدامع غزيره في جوفي نارٍ من لهبها تباكيت
القلب يحزن والمدامع غزيره في جوفي نارٍ من لهبها تباكيت
هاذي انشوده لسعد الطلعه من كلماته ايضا
بحثت عنها الروابط غير شغاله لو في واحد من الاخوة يمدني برابط لهده الانشودة اكون شاكرا له
:wafaq:
|