شكرا لك اخت امة الحق على كلامك الرائع
وابداعاتك الشعريه
واليك هذه الخاطره
عذرك ياوطن من تجذب الاه
واعذرك لو شفت دمعاتك اتطيح
اذا بيك الجرح واصل للعظام
اتحمل عالجرح وارجوك لتصيح
جنت مفتاح تفتح شدة الغير
هسه الغير بخلو بالمفاتيح
مااريدك تصدك دمعة الجار
او حياتك كل جوارينك تماسيح
امس بيدر جنت تشمر للحلوك
او للجوعان تركض تسبك الريح
اشماله الشبع منك هيجي جازاك
يطشر بيك بحلوك المراويح
نصبولك مشانق والحبل نار
او نسو حبلك الجان الهم مراجيح
نسو طولك جبل ماهزه كل فاس
والقمه جذب بالفاس م اتطيح